PEMUYAN 25:11 - Kenyah New Testament

¹¹ Buk keʹ ngesa adet lepoʹ ngan un penyalaʹ iaʹ tekep ukoʹ keʹ ke sihoʹ ukum patai, abeʹ keʹ ke nyat pesau pe. Buk ke nyahut un diaʹ lan ne neng dau re mekem penyalaʹ makeʹ, abeʹ un ca usa ia senteng ke naʹ akeʹ mida. Akeʹ nyat Kaisar ke pebetep pe makeʹ.”

PEMUYAN 25:11 Iomraidhean Croise

PEMUYAN 16:37

Un dau Paulus neng pulis ina: “Abeʹ de badaʹ inu penyalaʹ meʹ lepe, belekaʹ penco re lemeta ameʹ taʹan dulu mung, petem lepoʹ Rum lete ameʹ dua ne. Sulo re nyepin ameʹ. Naʹkini seʹ de cuk ameʹ ketai kelap nyelem le nuʹo. Nyahut meʹ ubaʹ ia ke pekina ne. Iaʹ ke tekep pe, pengelataʹ Rum tengen nai nakau ameʹ.”

PEMUYAN 18:14

Kena Paulus ke pisiu, un dau Galio neng lepoʹ Yahudi dina: “E lepoʹ Yahudi, buk lan ne ini ca puyan salaʹ ngan ca puyan jaʹat, tekep te akeʹ pedenaʹ ngeringa dau hem.

PEMUYAN 22:25

Dalau re ke ngaput ia man tali anit kena re ke lemeta ia, un dau Paulus neng kaptin sedadu iaʹ nekejeng dudo ia, kuma ha: “Un ne bayaʹ dau adet buk ke lemeta lepoʹ Rum kena hem ke pebetep tiraʹ iaʹ badaʹ salaʹ a tupe?”

PEMUYAN 25:10

Un dau Paulus: “Akeʹ ne nekejeng neng amin kelayan kukoʹ diaʹ ngkang perinta Kaisar pebetep tiraʹ. Kini hoʹ tekep ke pebetep pe makeʹ. Abeʹ un penyalaʹ keʹ neng lepoʹ Yahudi. Ikem amai, tisen te ikem kidi.

PEMUYAN 25:12

Uʹo ina Pistus nyelem lemutu neng diaʹ ngkang tiraʹ ngan ne kina. Sulo dau Pistus neng Paulus: “Ini hoʹ nyat tai palaʹ Kaisar, palaʹ Kaisar ne ketai hoʹ ʹo.”

PEMUYAN 25:21

Kun Paulus nyat ketai pebetep pe kata Kaisar, petem me peput lepe ia. Kun nceʹ cuk ida meput ia pa heʹ ke cuk dulu tai matet ia palaʹ Kaisar.”

PEMUYAN 25:25

Un tekaʹ penaʹat ceʹ, abeʹ un ca inu ukoʹ o tekep ke sihoʹ ukum patai. Ia tengen pe nyat ketai pebetep pe kata Laja Kaisar, ina ukoʹ keʹ teto tekaʹ ke cuk ia tai.

PEMUYAN 26:32

Un dau Ageripa neng Pistus: “Senteng ne nakau laki ini buk ke are nyat ketai pebetep pe kata Laja Kaisar.”

PEMUYAN 28:19

Un ʹo, moʹ lepoʹ Yahudi pali nyekang dau isiu ini, ina ukoʹ keʹ naten nyat ke pebetep pe kata Kaisar pelaʹa. Abeʹ e seʹ ban nceʹ pekabi lepoʹ keʹ ne.

1 TESALUNIKA 2:15

Lepoʹ ina lete iaʹ lematai Tuhan Yesus peging ngan diaʹ pegawa Tuhan. Ngan pekina pe ida lepa petuyen ameʹ pe. Seʹ de nyakit kimet Allah. Seʹ de buseʹ neng mung kelunan pe.