PEMUYAN 25:10 - Kenyah New Testament

¹⁰ Un dau Paulus: “Akeʹ ne nekejeng neng amin kelayan kukoʹ diaʹ ngkang perinta Kaisar pebetep tiraʹ. Kini hoʹ tekep ke pebetep pe makeʹ. Abeʹ un penyalaʹ keʹ neng lepoʹ Yahudi. Ikem amai, tisen te ikem kidi.

PEMUYAN 25:10 Iomraidhean Croise

MATIUS 27:18

Tisen te Gebenur ina puyan kelunan kadoʹ dina mencai Yesus me ia moʹ de miʹet neng ia.

MATIUS 27:19

Dalau Pilatus madung neng use kukoʹ dulu pebetep tiraʹ ina, sulo kenai ca denga cen leto ho, un dau ue: “Ayen ncoʹ pemung ngan dulu idaʹ ke ngejaʹat kelunan iaʹ abeʹ un salaʹ ina, ban ne dalem kenupi heʹ tahup de akeʹ tisen tekaʹ tuyen laleʹ ban tuman laki ina.”

PEMUYAN 23:29

Tisen nceʹ ia abeʹ un ca inu puyan iaʹ tekep ukoʹ o ke sihoʹ ukum patai ngan sepin. Un iaʹ ukoʹ de ban ke pesalaʹ ia sihoʹ neng pemuyan adet de tengen.

PEMUYAN 25:17

Uʹo kenai diaʹ lataʹ Yahudi dina abeʹ kini, busek ne akeʹ ke peteneng nge ʹo. Neng kenempam me, penco tai heʹ kaʹ amin kelayan kukoʹ ke pebetep tiraʹ. Kun nceʹ mengin Paulus nai kata akeʹ.

PEMUYAN 25:25

Un tekaʹ penaʹat ceʹ, abeʹ un ca inu ukoʹ o tekep ke sihoʹ ukum patai. Ia tengen pe nyat ketai pebetep pe kata Laja Kaisar, ina ukoʹ keʹ teto tekaʹ ke cuk ia tai.

PEMUYAN 25:6

Dalau Pistus ngelineʹ pemung ngan nte kina, masaʹ aya tau buk are puloʹ tau majan ne, uʹo ina tai ie puno kaʹ Kaisaria. Uʹo ho abeʹ, neng kenempam me, madung ne ia neng amin kelayan ukoʹ de pebetep tiraʹ, penco ho cuk dulu nai ngkin Paulus kata ia.

PEMUYAN 26:31

Uʹo ketai re ngerada, kun nte pisiu neng ida selepeʹ, un dau re: “Laki ini abeʹ un ca inu puyan ukoʹ o ke sihoʹ ukum patai, ngan inu iaʹ ukoʹ o ban sihoʹ sepin.”

PEMUYAN 28:18

Kun lepoʹ Rum dina lemutu akeʹ, penco re ubaʹ ke nakau akeʹ, moʹ abeʹ un iaʹ ukoʹ keʹ tekep ke sihoʹ ukum patai, baʹan nte.

2 KURINTUS 4:2

Ameʹ nyekang mung naʹan puyan diaʹ selem ngan puyan diaʹ pesaʹe. Abeʹ meʹ mejo puyan panyi-anyi. Pekina pe ameʹ abeʹ un tai lemalo-alo badaʹ tiraʹ Allah. Ameʹ mudip kata Allah kentaʹ katuk telit, seleket kentaʹ tau iaʹ katan. Ngan pekina puyan meʹ nengayet ke mayo mung kelunan diaʹ un tiga kimet dalem penawai re.