PEMUYAN 24:25 - Kenyah New Testament

²⁵ Dalau Paulus badaʹ neng puyan peneneng, ngan puyan mulen pengubaʹ usa, ngan neng Tau Ukum iaʹ ke nai uʹo, tai takut ne Pilik, un dau ue: “Sukat ne ina Paulus. Naʹkini tai ne ikoʹ uleʹ kaʹ amin sepin te laʹa. Buk un biʹen le laʹa, akeʹ mengin te ikoʹ ʹo.”

PEMUYAN 24:25 Iomraidhean Croise

MATIUS 22:5

“Un sepuʹo diaʹ ban sihoʹ pengin nte dina are, abeʹ de nyingo tai. Di lareʹ ida penco metuk gayeng nte: ca tai kaʹ uma ha, ngan un ca laʹa tai kaʹ kedai,

YAYA 16:8

Ngan tegoʹ o nai uʹo, ia ke peluhaʹ me kelunan kusun tanaʹ ini uban nte salaʹ pekimet puyan penyalaʹ de, ngan puyan iaʹ teneng, ngan puyan Allah ke metep ukum kusun tanaʹ ini.

PEMUYAN 10:42

Kun Yesus cuk ameʹ nai badaʹ Denga Injil ina me dulu mung, ngan tugen uban ia iaʹ Allah ban peteneng Pebetep Ukum neng mung kelunan diaʹ mudip, pekina pe diaʹ matai.

PEMUYAN 17:13

Un sepuʹo dalau lepoʹ Yahudi iaʹ kaʹ Tisalunika ne tisen ban Paulus iaʹ badaʹ tiraʹ Allah kaʹ Beria, nai kun nte kaʹ ina. Penco re ngasing kimet dulu ngan pebingaʹ lepoʹ ina.

PEMUYAN 17:2

Koʹ baʹan kelayan ne, tai Paulus kedalem pemung ngan nte kina. Dalem telu mingku, singket Tau Kelineʹ, Paulus pata petiraʹ ngan nte, mentung nge badaʹ katuk cen isiu dalem Kitap Tuhan.

PEMUYAN 17:32

Dalau re kenahan dau Paulus badaʹ neng puyan kelunan matai ban nai numpak mudip ne, un palai petawa ngetepet ia. Ngan un palai diaʹ ca pelaʹa kuma ha: “Ubaʹ meʹ ke kenahan dau hoʹ badaʹ puyan ini ca liwai laʹa ʹo.”

PEMUYAN 2:37

Tegoʹ mung kelunan dina kenahan dau Peterus ne, tai kesuk ne tekaʹ kimet de, penco dau re neng Peterus ngan lawa Injil diaʹ ca dina: “Kumpin ne cenganak, inu iaʹ ameʹ ke uyan tupe?”

PEMUYAN 24:15

Akeʹ nebelum neng Allah koʹ baʹan ida are lete nebelum neng ia, idi ie mung kelunan diaʹ teneng puyan, pekina pe diaʹ jaʹat puyan, mung nte ke nai numpak mudip cen patai re.

PEMUYAN 24:26

Moʹ Pilik nebelum Paulus ke naʹ ligit mia, ina ukoʹ o lemuto cuk Paulus nai pisiu ngan ne.

PEMUYAN 26:28

Kun dau Ageripa neng Paulus: “Nuat dau hoʹ ke menat kimet ceʹ ketai Keristin ne?”

PEMUYAN 9:6

Beteʹ ne. Tai hoʹ kedalem lepoʹ. Kaʹ ina re ke badaʹ mikoʹ inu iaʹ tekep ikoʹ ke bayaʹ ʹo.”

RUM 12:1

Moʹ ban sukung pengelesau Allah neng ilu, ina ukoʹ keʹ ngelapen dau pisiu ikem diaʹ cenganak keʹ, cuk ikem mencai usa hem me Allah, sereket ca liwa iaʹ mudip. Mentung ngkem seriteng neng gayeng nge iaʹ sihoʹ neng pengubaʹ a. Pekina puyan temameʹ kem iaʹ tekep me Allah.

RUM 14:12

Moʹ ban pekina, singket usa le abeʹ le senteng are ke mipa neng puyan le tengen kata Allah uʹo.

RUM 2:16

Pekina lete tegoʹ Tau Bioʹ ʹo, Allah ke kanan Yesus Keristus ngan ke pebetep dau neng mung kimet selem kelunan ʹo. Pekuaʹ ngan dina lete dau Denga Injil iaʹ akeʹ badaʹ ini.

1 KURINTUS 4:5

Tuman ina, abeʹ kem tekep ke pebetep dau neng kelunan aheʹ aheʹ pe nekena neng tau ue iaʹ tekep. Puyan iaʹ ke pebetep dau neng kebayaʹ a ʹo, abeʹ e nai luhaʹ pa ke kenai Tuhan ʹo. Puyan iaʹ kelunan nyuhuk dalau ntem, idi Tuhan ke peluhaʹ palaʹ iaʹ dema. Tuhan ke pungkaʹ puyan sedep iaʹ un suhuk dalem kimet kelunan. Dalau ina Tuhan Allah ke pada kelunan, singket usa re, bayaʹ ban puyan nte iaʹ tekep.

2 KURINTUS 5:10

Moʹ mung le lete iaʹ atek ke ngejuma Keristus, apan ia ke metep tiraʹ iaʹ marung neng ilu. Singket usa le ke alaʹ suaʹ iaʹ tekep bayaʹ ban pemuyan le ngajan pengudip le neng usa le, mele pemuyan ne tiga, mele pemuyan ne jaʹat pe.

2 KURINTUS 6:2

Ngeringa dau Allah cen Kitap iaʹ kuma ha: “Jakaʹ un tekaʹ pengelesau heʹ, akeʹ kenahan dau hem. Tegoʹ tau iaʹ akeʹ pudip kelunan, akeʹ lesau ikem.” Ngeringa tiga, moʹ tegoʹ naʹkini un iaʹ marung ke alaʹ pengelesau Tuhan Allah. Tau ini iaʹ tau marung ke alaʹ udip dalem Tuhan.

GALATIA 3:22

Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.

GALATIA 5:23

libaʹ kimet, ngan puyan iaʹ mencam mapo pengubaʹ usa le. Abeʹ un adet iaʹ mpi iaʹ ke lemalan neng puyan diaʹ pekina are.

2 TIMUTIUS 4:1

Lan lan dau heʹ pisiu ikoʹ neng juma Allah ngan Keristus Yesus, iaʹ ke pebetep dau neng mung kelunan diaʹ mudip, ngan diaʹ lepa matai. Ngan dalem puyan kenai Yesus, ngan dalem puyan pengaren ne ke ngaren ilu kelunan, dau heʹ cuk ikoʹ:

TITUS 1:8

Tekep pe ia nyelama pubo kelunan, ngan malaʹ neng pemuyan iaʹ tiga, ngan mencam mapo usa ha tengen, telit kimet, buheʹ, ngan mencam pekatuk usa ha tengen.

IBERANI 12:21

Jaʹat aleʹ puyan iaʹ ida taʹan ina, pa dau Musa kuma: “Ngeregen tekaʹ keʹ takut.”

IBERANI 3:13

Un sepuʹo tekep ikem pepo pekatuk ikem selepeʹ singket singket tau ne, mele kudaʹ majan isiu Kitap iaʹ pisiu “tau ini” ke sihoʹ ilu, malap puyan penyalaʹ ke panyi ikem ngan pemahing kimet cem.

IBERANI 4:1

Naʹkini, lepa ne Allah petuket neng ilu, badaʹ ilu senteng tai kedalem iaʹ kukoʹ kelineʹ pemung ngan ne. Tuman ina tekep le alaʹ kimet takut, apan ca usa neng ahang ilu abeʹ un tapa, idi mung le tai kaʹ dalem iaʹ kukoʹ kelineʹ ina.

IBERANI 6:2

ngan naʹan naʹan batis, ngan puyan napoʹ ujoʹ, ngan puyan diaʹ lepa matai nai beteʹ, ngan puyan ukum iaʹ pa majan ʹo.

IBERANI 9:27

Singket singket usa kelunan abeʹ senteng are ke matai ca liwai, uʹo ina ha ke tisen Allah pebetep ukum neng ia.

YAKUP 2:19

Un ncem ngelan ca tuaʹ le Tuhan Allah tupe? Tiga buk pekina. Un pe bali diaʹ ngelan pekina lete, ngan laʹa ida ngeregen ngan takut pe.

1 PETERUS 3:15

Un sepuʹo nyalet ne Keristus dalem penawai hem, iaʹ atek Tuʹa penina hem. Tiga hem tenup lemuto ke mipa me aheʹ aheʹ iaʹ lemutu sen neng tebelum iaʹ un neng ikem.

2 PETERUS 1:6

ngan ngepit puyan mapo usa hem neng penisen ncem, ngan ngepit puyan tengayet neng puyan mapo usa hem, ngan ngepit puyan temek bayaʹ Allah neng puyan tengayet cem,

1 YAYA 3:10

Cen puyan ini ne un luhaʹ seʹ ban tekajaʹ diaʹ anak Allah ngan diaʹ anak Bali Jaʹat: aheʹ diaʹ abeʹ un ti puyan iaʹ teneng buk ke are malaʹ neng diaʹ cenganak ke, abeʹ de anak Allah.

1 YAYA 3:7

Ikem diaʹ anak keʹ, ayen buhaʹ kelunan mele aheʹ pe ke pelingu ikem. Aheʹ iaʹ ti puyan iaʹ teneng, ia te iaʹ teneng koʹ baʹan Keristus iaʹ teneng lete.