PEMUYAN 24:24 - Kenyah New Testament

²⁴ Abeʹ e majan uʹo ina, kenai Pilik ngkin leto ho Derusila, ca lepoʹ Yahudi, nai naʹat Paulus. Sulo Pilik cuk ida tai mengin Paulus, ubaʹ ke ngeringa dau puyan pengelan neng Keristus Yesus.

PEMUYAN 24:24 Iomraidhean Croise

MARKUS 6:20

Ban ne Herudis tisen Yaya ca kelunan teneng ngan buheʹ, ina ukoʹ o takut neng ia, ngan petubo ia tiga tiga. Ubaʹ te Herudis ngeringa dau Yaya lete, naʹ pe kaseng laleʹ kaʹ kimet te singket te kenahan dau isiu ue.

LUKAS 19:3

Kun ne ten ke nyekeduk kumpin seʹ Yesus ina. Abeʹ e senteng taʹan ia, moʹ o buʹet, ngan kadoʹ dulu tahaʹ tena.

LUKAS 23:8

Dalau Herudis taʹan Yesus, bangen laleʹ tekaʹ a moʹ lepa majan ne ia kenahan dau denga ha, ngan ubaʹ kaʹ a ke taʹan ia. Ngan un tebelum pe Herudis ke taʹan ca puyan nyingan cen Yesus.

PEMUYAN 16:31

Un dau re dua: “Ngelan ne ikoʹ neng Tuhan Yesus, peging ngan diaʹ neng pengamin ncoʹ mung, ina le ikem ke un udip dalem Tuhan.”

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 24:25

Dalau Paulus badaʹ neng puyan peneneng, ngan puyan mulen pengubaʹ usa, ngan neng Tau Ukum iaʹ ke nai uʹo, tai takut ne Pilik, un dau ue: “Sukat ne ina Paulus. Naʹkini tai ne ikoʹ uleʹ kaʹ amin sepin te laʹa. Buk un biʹen le laʹa, akeʹ mengin te ikoʹ ʹo.”

PEMUYAN 26:22

Naʹ pe pekina, Allah mepo heʹ pa abeʹ tau ini ne. Ina ukoʹ keʹ jeng kini, kebadaʹ ban nceʹ tugen neng Yesus palaʹ mung dulu, diaʹ iʹut ngan pekina pe neng diaʹ bioʹ. Mung dau isiu heʹ ini, abeʹ e tekajaʹ ngan dau isiu diaʹ pegawa cen naʹaʹ, ngan dau isiu Musa pe.

GALATIA 2:16

Naʹ pia pekina, ameʹ tisen moʹ ca kelunan ketai teneng ngan Allah, abeʹ e kuʹun pemuyan ne bayaʹ Katuk Adet, di lareʹ bang kuʹun pengelan ne palaʹ Yesus Keristus le. Lepa ne ameʹ ngelan palaʹ Yesus Keristus apan meʹ sukat tai teneng ngan Allah kuʹun pengelan meʹ neng Keristus ina, abeʹ e kuʹun pemuyan meʹ bayaʹ Katuk Adet. Moʹ kuʹun Katuk Adet ina, ca kelunan pe abeʹ un sukat ketai teneng ngan Allah.

GALATIA 2:20

Ina ukoʹ pengudip keʹ naʹkini, abeʹ e akeʹ laʹa, di lareʹ Keristus iaʹ mudip dalem akeʹ. Pengudip keʹ naʹkini, iaʹ ina kuʹun pengelan nceʹ palaʹ Anak Allah, iaʹ malaʹ akeʹ ngan iaʹ lepa mencai pengudip pe tuman akeʹ.

GALATIA 3:2

Bang ca le pengenyat ceʹ, mipa ne putu heʹ ini: Un ncem alaʹ Berua Tuhan ina moʹ kuʹun pemuyan ncem bayaʹ Katuk Adet mo? Buk ke are, moʹ kem ngeringa mentung ngkem ngelan dau Denga Injil ina?

1 YAYA 5:1

Aheʹ kelunan iaʹ ngelan uban Yesus iaʹ atek Keristus iaʹ man pungu keniga udip, kelunan ina ne iaʹ anak Allah. Ngan aheʹ iaʹ malaʹ neng iaʹ amai, ia ke malaʹ neng iaʹ anak ke lete.

YAHUDA 1:3

Ahaʹ cenganak keʹ diaʹ akeʹ malaʹ, tekaʹ sedep keʹ are, ubaʹ ke pemuʹo tekaʹ penyanget ceʹ ke nyurat palaʹ ikem neng puyan iaʹ ke pudip ilu dalem Tuhan, iaʹ ilu ban pemung un. Un kaʹ kenai kimet ceʹ laʹa ke nyurat ca naʹan iaʹ ke petangen ikem ke pali ngkang katuk pengelan ini, iaʹ Allah lepa naʹ me ilu diaʹ anun ne ca liwai lan lan le.

PUYAN LUHA’ 14:12

Kuʹun puyan ini ne ilu kelunan diaʹ anun Allah diaʹ nyemamet bayaʹ dau katuk ukum Allah, ngan tudep bayaʹ Yesus, tekep le nengayet neng penaru.