PEMUYAN 24:16 - Kenyah New Testament

¹⁶ Dalem mung puyan ina are, ina nengayet tekaʹ keʹ apan lemuto un dema tekaʹ kimet penawai neng juma Allah, pekina pe neng juma kelunan.”

PEMUYAN 24:16 Iomraidhean Croise

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

RUM 2:15

Moʹ kuʹun seʹ pemuyan nte dina iaʹ peluhaʹ ban inu iaʹ Katuk Adet Musa cuk, lepa un senurat dalem penawai re. Moʹ tekaʹ kimet dalem penawai re iaʹ badaʹ ban pemuyan nte ina teneng. Uban kimet de tahaʹ palai badaʹ ida salaʹ, un pe tahaʹ palai ie kimet de iaʹ badaʹ ida teneng.

RUM 9:1

Lan dau heʹ. Dalem Keristus akeʹ pisiu, abeʹ keʹ palo. Moʹ un tekaʹ kimet dalem penawai heʹ, peging ngan Berua Buheʹ iaʹ un dalem akeʹ, tugen badaʹ abeʹ keʹ palo.

1 KURINTUS 10:32

Mudip temek, apan ncem are nyapet kelunan Yahudi, pekina pe dulu diaʹ ca, ngan pekina pe Mpun iaʹ anun Allah ina.

1 KURINTUS 4:4

Inu pia dema tekaʹ penawai heʹ, abeʹ puyan ina ke badaʹ akeʹ buheʹ cen penyalaʹ. Tuhan tengen le iaʹ mencam ke pebetep dau neng akeʹ.

2 KURINTUS 1:12

Ini iaʹ ukoʹ meʹ selum tekaʹ: uban un tekaʹ dalem penawai meʹ iaʹ pedengkep ameʹ neng uban pengudip meʹ kusun tanaʹ ini, ngan iaʹ atek dau meʹ, ina ne puyan meʹ pepanak ngan ncem. Allah iaʹ ban ngaren puyan ina uban ia iaʹ naʹ mameʹ tempa kimet ngan dema tawai, kuʹun ban penyukat pengelesau ue. Abeʹ e kuʹun ban pengencam kimet le kelunan ne.

2 KURINTUS 4:2

Ameʹ nyekang mung naʹan puyan diaʹ selem ngan puyan diaʹ pesaʹe. Abeʹ meʹ mejo puyan panyi-anyi. Pekina pe ameʹ abeʹ un tai lemalo-alo badaʹ tiraʹ Allah. Ameʹ mudip kata Allah kentaʹ katuk telit, seleket kentaʹ tau iaʹ katan. Ngan pekina puyan meʹ nengayet ke mayo mung kelunan diaʹ un tiga kimet dalem penawai re.

1 TESALUNIKA 2:10

Ikem ne iaʹ tugen meʹ, ngan pekina pe Allah. Pemuyan meʹ palaʹ ikem diaʹ ngelan are, un pejo ban ne, un pe teneng, ngan abeʹ un salaʹ.

1 TIMUTIUS 1:19

Salet le ikoʹ dalem pengelan ncoʹ, peging ngan tekaʹ kimet dalem penawai hoʹ iaʹ dema. Moʹ un palai dulu diaʹ nyekang tekaʹ kimet dalem penawai re iaʹ dema, ina ukoʹ de kaham neng pengelan nte.

1 TIMUTIUS 1:5

Tuman nceʹ mulen pekina, moʹ keʹ ubaʹ ilu ke un pengemalaʹ iaʹ nai luhaʹ cen penawai iaʹ buheʹ, ngan tekaʹ kimet penawai iaʹ tiga, ngan pengelan iaʹ abeʹ un ngelibo.

1 TIMUTIUS 3:9

Tekep de ngkang katuk iaʹ lan, iaʹ Allah ban peluhaʹ milu neng puyan le ngelan Keristus, ngan dema tekaʹ kimet dalem penawai re.

2 TIMUTIUS 1:3

Akeʹ nyuaʹ tiga saheʹ palaʹ Allah. Palaʹ ia heʹ un temek ngan tudep ngan dema tekaʹ kimet dalem penawai heʹ, koʹ baʹan puyan tepun nceʹ cen naʹaʹ. Nyahut ceʹ tai beto petawai ikoʹ dalem temameʹ keʹ tegoʹ ngahu ngan naʹ tau.

TITUS 1:15

Toʹ inu inu ne un buheʹ neng kelunan iaʹ buheʹ penawai re. Un sepuʹo palaʹ kelunan diaʹ jameng penawai re ngan abeʹ un ngelan Tuhan, ca inu inu pe iaʹ abeʹ un buheʹ. Moʹ kimet ngan tekaʹ dalem penawai re lepa jameng.

IBERANI 10:22

Ina ukoʹ tiga le nai ngejuma Allah man kimet iaʹ sebelang, ngan pengelan iaʹ salet, mentung ngan kimet iaʹ lepa buheʹ cen tekaʹ penawai iaʹ dengkep neng penyalaʹ cen kena are. Un pe usa le lepa ntoʹ kuʹun sungai buheʹ.

IBERANI 13:18

Lemuto ne lemameʹ mameʹ. Ameʹ tisen lan uban un dema tekaʹ dalem penawai meʹ, uban lemuto-uto ameʹ ubaʹ ti puyan teneng tuaʹ le.

IBERANI 9:14

Uban lan te pekina, atek bioʹ kuʹo ne puyan iaʹ nalan kuʹun dahaʹ Keristus. Moʹ man Berua iaʹ lemuto un pa majan, Keristus mencai usa ha tengen ca liwa iaʹ daʹam lan palaʹ Allah. Dahaʹ a ke muheʹ tekaʹ kimet dalem penawai le cen pemuyan iaʹ abeʹ un tuman, apan le senteng menco gayeng Allah iaʹ mudip.

1 PETERUS 2:19

Allah ke naʹ peniga mikem buk lan dema tekaʹ kimet dalem penawai hem ngejuma Allah dalem ngkem ngihen tuyen kuʹun dulu diaʹ abeʹ un tuman ukoʹ de petaru ikem.

1 PETERUS 3:16

Ngan tiga hem mipa ha ngan lemaʹ dau ngan selama dau. Tiga ha lemuto dema tekaʹ kimet dalem penawai hem, apan buk dulu ke pejaʹat ikem moʹ kem mudip bayaʹ Keristus, ketai saʹe re ke pejaʹat ikem moʹ pemuyan ncem tiga.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,