PEMUYAN 24:14 - Kenyah New Testament

¹⁴ Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 24:14 Iomraidhean Croise

MATIUS 10:32

“Aheʹ iaʹ teto dau ngahaʹ ban ia iaʹ anun nceʹ neng ahang dulu, akeʹ ke ngahaʹ ia kaʹ juma Amai heʹ kaʹ surga lete.

MATIUS 22:40

Ketoʹ Katuk Adet, ngan katuk pegawa diaʹ cen naʹaʹ pesente neng katuk ukum dua dina mung ne ida.”

MATIUS 7:12

“Puyan iaʹ ikem ubaʹ dulu ke uyan neng ikem, tekep lete ikem ke uyan puyan ina neng dulu. Ini ne atek sen Katuk Adet Musa, ngan sen katuk diaʹ pegawa cen naʹaʹ.”

LUKAS 1:70

Moʹ pekini dau diaʹ pegawa Allah diaʹ buheʹ, penco dau ue cen naʹaʹ are.

LUKAS 16:16

“Un Katuk Adet Musa ngan surat mung pegawa Tuhan, idi senawan kelunan mudip pa kenai abeʹ Yaya Batis are. Uʹo ina nai luhaʹ Denga Injil neng puyan pengaren Allah ke ngaren kelunan, ngan mung dulu naseʹ ketai kedalem me.

LUKAS 16:29

“Un dau Ibrahim: ‘Un te Kitap Musa ngan Kitap Pegawa Tuhan kata ida, ina iaʹ senteng ke mulen diaʹ cenganak koʹ dina. Tiga pe buk de kanan dau ue.’

LUKAS 24:27

Sulo Yesus badaʹ mida dua mung dau katuk iaʹ sihoʹ neng ia tengen dalem isiu Kitap Tuhan. Kun ne nading nge cen Kitap Musa ngan mung surat pegawa ne.

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 13:15

Uʹo lepa dulu baca Kitap Katuk Adet Musa ngan Kitap Pegawa Tuhan, kun diaʹ tuʹa neng amin sebayang Yahudi ina cuk ca usa tai kata ida dua, kedau re: “Amai, buk un ca katuk ikem dua ke petangen dau neng lepoʹ ini, badaʹ ne mameʹ.”

PEMUYAN 15:5

Un palai diaʹ Perisi diaʹ lepa ngelan, nai beteʹ. Un dau re: “Abeʹ senteng are ke nyunat ida dina, ngan cuk ida bayaʹ Katuk Adet Musa.”

PEMUYAN 19:23

Dalau ina nuyan ca kasing bioʹ kaʹ lepoʹ Ipesus kuʹun Janan Tuhan.

PEMUYAN 19:9

Moʹ un palai diaʹ ban mahing kimet de, ngan abeʹ de ubaʹ ke ngelan, bang pejaʹat dau neng Janan Tuhan tuaʹ ne ida me dulu, ina ukoʹ Paulus mecin ida dina. Kun ne ngkin ida diaʹ bayaʹ katuk Tuhan dina ngan ne. Singket tau ne tai ie petiraʹ dalem amin sekula Tiranus.

PEMUYAN 22:14

Un dau Ananias pelaʹa: ‘Un Allah le ne, ia lete Allah tepun le, ia ban lemileʹ ikoʹ, ke cuk ikoʹ ke ngetisen ban pengubaʹ kimet te, ngan ke taʹan Yesus ulaʹ a iaʹ atek teneng, ngan ikoʹ ke ngeringa dau isiu ue.

PEMUYAN 24:22

Un Pilik ne atek tisen lan ne neng Janan Udip Keristin. Ia pelepa tiraʹ ina me dulu kina, pekini dau ue: “Buk Lisias, mayur sedadu ina, nai puno kini ca liwai ʹo, ina le akeʹ ke pebetep puyan tiraʹ keʹ ini ʹo.”

PEMUYAN 24:5

Tisen meʹ laki ini jaʹat, ia ca laki iaʹ ngasing udip lepoʹ Yahudi kempi kempi re un neng usun tanaʹ ini. Ia ne ca tuʹa de dalem adet Nasarani, pebutun adet Yahudi.

PEMUYAN 25:8

Un dau Paulus mipa kuma: “Nyahut un penyalaʹ keʹ neng adet lepoʹ Yahudi, pekina pe neng Umaʹ Palan Allah, pekina pe neng Kaisar laja lepoʹ Rum.”

PEMUYAN 26:22

Naʹ pe pekina, Allah mepo heʹ pa abeʹ tau ini ne. Ina ukoʹ keʹ jeng kini, kebadaʹ ban nceʹ tugen neng Yesus palaʹ mung dulu, diaʹ iʹut ngan pekina pe neng diaʹ bioʹ. Mung dau isiu heʹ ini, abeʹ e tekajaʹ ngan dau isiu diaʹ pegawa cen naʹaʹ, ngan dau isiu Musa pe.

PEMUYAN 26:27

Ahaʹ amai Laja Ageripa, un ncoʹ ngelan neng diaʹ pegawa Tuhan cen naʹaʹ tupe? Tisen nceʹ atek ngelan lete ikoʹ.”

PEMUYAN 26:4

“Mung lepoʹ Yahudi tisen ne ida ban puyan udip keʹ cen dalau iʹut ceʹ te. Ida tisen pe ban tading tading keʹ mudip kaʹ tanaʹ meʹ, ngan uʹo ina kenai heʹ kaʹ Yerusalim ne.

PEMUYAN 26:6

Naʹkini heʹ nekejeng kini, iaʹ ukoʹ dulu mekem salaʹ makeʹ, moʹ keʹ nebelum neng tiraʹ iaʹ Allah lepa petuket me tepun meʹ mung cen naʹaʹ.

PEMUYAN 28:22

Inu pia, ubaʹ meʹ ke ngeringa dau hoʹ, kumpin tekaʹ penisen ncoʹ. Bang tisen meʹ dau dulu kempi kempi badaʹ dau uban salaʹ puyan utun adet iaʹ ikoʹ kanan ini.”

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 3:13

Ban Allah iaʹ anun Ibrahim ngan Isak ngan Yakup, ina Allaj iaʹ anun tepun le pe, lepa naʹ pengaren me Yesus iaʹ anak ke, iaʹ ikem dini ban naʹ palaʹ perinta. Tegoʹ Pilatus ban pekimet ubaʹ ne nakau Yesus are, ikem iaʹ nyekang ia.

PEMUYAN 5:30

Un Allah iaʹ anun tepun le, lepa pudip Yesus cen patai uʹo hem lepa ngediding lematai ia neng kayu tecek are.

PEMUYAN 7:32

‘Akeʹ ini iaʹ Allah tepun ncem, iaʹ ina Allah iaʹ anun Ibrahim, ngan Allah iaʹ anun Isak, ngan Allah iaʹ anun Yakup.’ Un tekaʹ Musa takut laleʹ kaʹ a, ngan ngeregen tekaʹ a, pa ha abeʹ un makang ke naʹat te.

PEMUYAN 9:2

Saul ke ngkin surat ina kaʹ lepoʹ Damsik, me mpun sebayang Yahudi kina, idi buk ke taʹan aheʹ dulu diaʹ bayaʹ Janan Tuhan Yesus kina, inu pia laki ngan leto, ia ke dakep de ngan magang ida kaʹ Yerusalim.

RUM 1:9

Allah iaʹ senteng nugen isiu heʹ. Palaʹ ia le akeʹ pegayeng ngan keluʹung kimet ceʹ, iaʹ ina puyan pedenga Denga Injil neng puyan Anak ke. Allah iaʹ tisen, abeʹ keʹ beto petawai ikem.

RUM 3:21

Naʹkini ban nai luhaʹ ne janan Allah ke peteneng ilu kelunan, tengen pe puyan katuk adet. Naʹ pe ia tengen, lepa ne Katuk Adet Musa ngan tiraʹ diaʹ pegawa Tuhan cen naʹaʹ ban badaʹ tugen neng idi.

1 KURINTUS 11:19

(Puyan paseʹ abeʹ senteng are nai luhaʹ neng ahang ikem apan kelunan diaʹ telit ke luhaʹ lan.)

GALATIA 5:20

puyan ngelan uyat, ngan puyan pucau. Pemuyan penyaheʹ usa iaʹ meteʹ kelunan tai pebunoʹ, punan inu re, petiʹet, pekenca, penta un denga, puyan tai un tat, ngan selepeʹ kimet.

2 TIMUTIUS 1:3

Akeʹ nyuaʹ tiga saheʹ palaʹ Allah. Palaʹ ia heʹ un temek ngan tudep ngan dema tekaʹ kimet dalem penawai heʹ, koʹ baʹan puyan tepun nceʹ cen naʹaʹ. Nyahut ceʹ tai beto petawai ikoʹ dalem temameʹ keʹ tegoʹ ngahu ngan naʹ tau.

TITUS 3:10

Tiga hoʹ pejagaʹ dau pa kedua liwai palaʹ kelunan iaʹ ke lemasi ikem, ngan lepa ina tiga hoʹ ngecoʹ ia.

1 PETERUS 1:11

Seʹ de ubaʹ ke ngetisen midan jakaʹ a, ngan ke kumpin seʹ puyan ke kenai ie ʹo. Moʹ Berua Keristus iaʹ un dalem ida, tugen dau neng iaʹ naʹkini, ngan nekena badaʹ neng penuyen iaʹ ke sihoʹ Keristus, ngan serema peniga iaʹ petuk kenai luhaʹ bayaʹ a.

PUYAN LUHA’ 19:10

Kun nceʹ muʹup kata taket melikat ina ke lemameʹ palaʹ ia. Un dau ue neng akeʹ: “Ayen ti pekina, akeʹ ne ca ulaʹ Allah pekuaʹ ngan ncoʹ lete, pekuaʹ ngan cenganak koʹ iaʹ mampin katuk telit, iaʹ nai luhaʹ kuʹun Yesus. Bang Allah le ilu lemameʹ.” Kuʹun katuk telit iaʹ Yesus peluhaʹ milu, ina iaʹ petangen pegawa Tuhan ke penco katuk milu.