PEMUYAN 23:6 - Kenyah New Testament

⁶ Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 23:6 Iomraidhean Croise

MATIUS 10:16

“Ikem nawai le, akeʹ ke cuk ikem koʹ baʹan puyan pun dumba tai neng ahang asu lajam. Tiga hem tudi koʹ baʹan puyan ncung ulai are, mentung ngkem ngelemaʹ kimet cem koʹ baʹan puyan sui garaʹ are.

MATIUS 22:23

Neng tau ina lete, kenai palai kelunan Seduki palaʹ Yesus. Kelunan dina ne iaʹ kuma kelunan matai nyahut de ngeliwet mudip ne laʹa.

MATIUS 3:7

Dalau ina kun Yaya taʹan kadoʹ kenai kelunan Perisi ngan kelunan Seduki nai palaʹ ia, ke cuk ia ke ngebatis ida. Un dau Yaya neng ida: “Ikem diaʹ kimet ncung ulai, aheʹ iaʹ badaʹ mikem iaʹ un janan ncem senteng ke takau cen kenca Tuhan Allah iaʹ ke nai ʹo?

PEMUYAN 22:3

“Akeʹ ne ca lepoʹ Yahudi iaʹ ban pempet kaʹ lepoʹ Tarsus kaʹ tanaʹ Kelikia. Nai heʹ kaʹ lepoʹ Yerusalim ini pekalai neng Gamalil iaʹ guru heʹ. Lepa ne akeʹ alaʹ katuk iaʹ telit bayaʹ adet tepun le. Sanget ngan temek pe akeʹ lemameʹ palaʹ Allah, koʹ baʹan seʹ kem mung tau ini are.

PEMUYAN 22:30

Neng kenempam me, mayur ina ubaʹ ke ngetisen puyan ina ngan lan lan, selu inu ban tuman lepoʹ Yahudi mekem salaʹ me Paulus. Idi ukoʹ o cuk dulu mubai ngan sau beka ampit malat te. Kun ne cuk diaʹ detaʹu lataʹ nai pempun, peging ngan ketoʹ Mpun diaʹ Lataʹ dina. Sulo nai ie ngkin Paulus, cuk ia nekejeng nyeripa ida.

PEMUYAN 22:5

Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

PEMUYAN 23:15

Ina ukoʹ o naʹkini tiga hem pemung ngan Mpun diaʹ Lata dina, katu tiraʹ me mayur sedadu ina apan ne ngkin Paulus puno palaʹ ikem. Lemalo diseʹ kem badaʹ ikem ubaʹ ke nyituk ngetisen neng puyan Paulus pelaʹa. Un meʹ sepuʹo ke mabang petenup ke lematai ia kena ha kenai abeʹ kini ʹo.”

PEMUYAN 23:20

Un dau demanai ina: “Un lepoʹ Yahudi lepa peseket ke nyat neng amai, nempam ke ngkin Paulus tai puno nyeripa Mpun diaʹ Lataʹ, seʹ de ke lemalo badaʹ ida ubaʹ ke nyituk ngetisen neng puyan Paulus pelaʹa.

PEMUYAN 23:7

Uʹo Paulus pekina dua, tai paseʹ ne dau re diaʹ Perisi ngan nte diaʹ Seduki dina. Un mpun dina tai bese dua re.

PEMUYAN 24:15

Akeʹ nebelum neng Allah koʹ baʹan ida are lete nebelum neng ia, idi ie mung kelunan diaʹ teneng puyan, pekina pe diaʹ jaʹat puyan, mung nte ke nai numpak mudip cen patai re.

PEMUYAN 24:21

Bang ca tiraʹ ini le iaʹ akeʹ ngelengap dalau heʹ nekejeng kata ida dalau idai are, iaʹ pekini dau heʹ: ‘Ikem mekem salaʹ makeʹ tau ini moʹ keʹ ngelan ban kelunan matai ke numpak nai mudip.’ ”

PEMUYAN 28:20

Puʹun nceʹ mengin ikem kini, moʹ keʹ ubaʹ ke taʹan ikem, ngan ke pisiu ngan ncem. Tuman nceʹ sihoʹ beka ampit malat ini ban kuʹun tebelum lepoʹ le Israil neng Laki iaʹ Keniga ilu.”

PILIPI 3:5

Moʹ lepa ne akeʹ sihoʹ adet sunat neng ke aya tau uʹo nai heʹ pempet. Akeʹ ca lepoʹ Israil cen mela Benyamin, petepuʹun cen Iberani, pelaya lepoʹ Iberani. Neng puyan adet Yahudi, akeʹ ne ca kelunan Perisi lete.

KULUSE 1:5

Dalau tading katuk telit, iaʹ ina Denga Injil, nai abeʹ palaʹ ikem are, ikem lepa kenahan neng puyan ca tebelum iaʹ Denga Injil ke mencai mikem. Ina tuman pengelan ncem ngan pengemalaʹ kem ke pebesun neng puyan inu iaʹ ikem ke nebelum ina, iaʹ Allah ngedemun tiga mikem kaʹ surga.

IBERANI 6:19

Tebelum iaʹ ilu un ini nuyan seleket ca bung me penawai le. Ilu senteng nina ia salet, ngan telu ue pelesan nting umaʹ palan surga pabeʹ amin iaʹ atek buheʹ kaʹ dalem te.