PEMUYAN 23:11 - Kenyah New Testament

¹¹ Neng alem iaʹ uʹo ina, nai kun Tuhan nekejeng dudo Paulus, kun dau ue: “Bawaʹ ne ading Paulus, moʹ lepa ne ikoʹ badaʹ ban ncoʹ tugen neng akeʹ kaʹ lepoʹ Yerusalim, pekina pelaʹa atek koʹ ke tai lete badaʹ ban ncoʹ tugen neng akeʹ kaʹ lepoʹ Rum laʹa ʹo.”

PEMUYAN 23:11 Iomraidhean Croise

MATIUS 14:27

Ngan nyelarai dau Yesus pisiu ida: “Denaʹ ne tawai hem ading. Akeʹ ini. Ayen ncem takut.”

MATIUS 28:20

Ngan pekatuk ida bayaʹ mung inu iaʹ akeʹ lepa ban cuk ikem. Ngan nawai tiga le neng ini: Akeʹ ke lemuto un ngan ncem, pabeʹ ketai kuʹo udip ini ʹo.” 98

MATIUS 9:2

Nai dulu ngkin ca usa iaʹ sakit lemaʹ palaʹ ia. Bang meken le ia neng usun pat te. Yesus tisen kudaʹ bioʹ ban pengelan nte, sulo dau ue pisiu ngan laki iaʹ sakit lemaʹ ina: “Anak keʹ, nyalet ne kimet coʹ. Mung penyalaʹ koʹ lepa pesau ne.”

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

YAYA 14:18

“Abeʹ keʹ un ke peterai ikem tengen. Atek akeʹ iaʹ ke nai ngeliwet palaʹ ikem.

YAYA 16:33

Lepa ne akeʹ badaʹ ini mikem apan ncem ke un denaʹ tawai kuʹun puyan ncem pebeka udip ngan nceʹ. Puyan usun tanaʹ ini iaʹ ke petuyen ikem, un sepuʹo ngebawaʹ ne ikem, lepa ne akeʹ nyupeʹ puyan usun tanaʹ ini.”

PEMUYAN 18:9

Un ca alem me, kenai Tuhan pisiu ngan Paulus dalem penaʹat te, kun ne: “Ayen ncoʹ takut lemuto ne pisiu, ngan ayen tai luʹap tekaʹ kimet coʹ,

PEMUYAN 19:21

Lepa ne puyan ina uʹo, un tekaʹ kimet Paulus ubaʹ ke tai masat pa tipo tanaʹ Makedunia ngan tanaʹ Gerika. Uʹo ina ha ngimet ketai kaʹ Yerusalim. Kun dau ue: “Buk keʹ tai abeʹ kaʹ ina ʹo, atek keʹ ketai naʹat tanaʹ Rum lete.”

PEMUYAN 2:25

Un dau Daut badaʹ neng Yesus, pekini dau ue: ‘Akeʹ lemuto taʹan Tuhan kata akeʹ, moʹ Tuhan un tahaʹ taʹu akeʹ, apan abeʹ un inu iaʹ ke ngeliung tawai heʹ.

PEMUYAN 20:22

Naʹkini un Berua Buheʹ seʹ ke mihit akeʹ ketai kaʹ Yerusalim. Abeʹ keʹ tisen inu iaʹ ke nuyan neng akeʹ kina.

PEMUYAN 22:15

Moʹ ikoʹ iaʹ ke badaʹ tugen neng Allah. Ikoʹ lete ke badaʹ mung puyan iaʹ ikoʹ ban taʹan ngan kenahan me dulu mung ʹo.

PEMUYAN 22:18

Kun nceʹ taʹan Tuhan nai pisiu ngan nceʹ: ‘Sangkit coʹ, tai ne ikoʹ nyelarai mecin lepoʹ Yerusalim ne, moʹ abeʹ dulu kina ke ngelan dau tugen katuk koʹ iaʹ penco dau heʹ puʹo,’ kun dau Tuhan makeʹ.

1 KURINTUS 9:1

Moʹ abeʹ keʹ ca kelunan iaʹ muga tekaʹ mudip tupe? Moʹ abeʹ keʹ te ca kelunan lawa Injil tupe? Moʹ abeʹ keʹ lepa taʹan Yesus, Tuhan le tupe? Moʹ abeʹ kem dini diaʹ badaʹ uban nceʹ pegayeng me Tuhan tupe?

PILIPI 1:13

Pa ketai mung sedadu diaʹ ngalang amin Laja Kaisar, ngan mung nte diaʹ ca, tai tisen puyan nceʹ ban sepin moʹ tuman beka dalem Keristus.

2 TIMUTIUS 4:17

Naʹ pia pekina, Tuhan iaʹ un ngan nceʹ, ia iaʹ ngepali akeʹ apan nceʹ sukat pedenga Denga Injil kenahan mung dulu diaʹ tahaʹ awang Yahudi, ngan Tuhan iaʹ ban sau akeʹ cen paʹ lencau ina.