PEMUYAN 22:5 - Kenyah New Testament

⁵ Un Pengebioʹ Detaʹu, ia iaʹ atek tugen neng puyan nceʹ, peging ngan mung Mpun diaʹ Lataʹ. Cen ida pe akeʹ alaʹ surat iaʹ ida ke naʹ katu me diaʹ cenganak Yahudi kaʹ lepoʹ Damsik te. Penco tai heʹ kaʹ lepoʹ ina, ubaʹ ketai dakep ngan lemeka ida diaʹ kina, sulo ke ngkin ida kaʹ Yerusalim, moʹ ke ngukum ida.”

PEMUYAN 22:5 Iomraidhean Croise

LUKAS 22:66

Dalau kenai dema, pempun ne diaʹ lataʹ lepoʹ Yahudi kina, peging diaʹ detaʹu lataʹ ngan diaʹ guru Adet Yahudi. Penco re ngkin Yesus tai nyeripa Mpun diaʹ Lataʹ.

PEMUYAN 1:15

Kudaʹ tau pe ʹo ina, kenai re pempun mung diaʹ ngelan Tuhan, kihoʹ kihoʹ ca ato dua puloʹ usa kadoʹ de. Dalau ina kenai Peterus nekejeng. Un dau ue:

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 2:29

Un dau Peterus laʹa: “Ahaʹ cenganak keʹ mung, melai melai dau heʹ pisiu ikem neng puyan tepun le Daut. Lepa ne ia matai. Lepa dulu nanam ne ia. Liang nge un ngan le pabeʹ tau ini ne.

PEMUYAN 22:1

“Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

PEMUYAN 23:6

Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 26:10

Atek pekina puyan nceʹ kaʹ Yerusalim are. Tai heʹ palaʹ diaʹ detaʹu lataʹ, alaʹ surat penyukat ceʹ ketai nyepin dulu diaʹ anun Allah. Dalau re sihoʹ ukum patai are, payo pe akeʹ ngan dulu diaʹ ti ida.

PEMUYAN 26:11

Kudaʹ liwai ne akeʹ nyakit ida kedalem singket amin sebayang Yahudi. Naten kun nceʹ cuk ida pejaʹat pengelan nte neng Keristus. Akeʹ iaʹ pasak buseʹ neng ida, ina ukoʹ o pa abeʹ lepoʹ diaʹ ca te ketai heʹ pabat ida, moʹ keʹ ke nyakit ida.”

PEMUYAN 26:12

Sulo dau Paulus laʹa: “Dalem pemuyan ia pekina, nengangan ketai heʹ kaʹ Damsik are. Kun nceʹ ngkin surat penyukat ceʹ cen diaʹ detaʹu lataʹ diaʹ ban cuk akeʹ tai dina.

PEMUYAN 28:17

Lepa ketelu tau ue, kun Paulus mengin mung diaʹ lataʹ Yahudi iaʹ un neng lepoʹ ina, nai pempun. Uʹo kenai re pempun, un dau ue neng ida: “Ahaʹ cenganak keʹ mung, naʹ pe akeʹ abeʹ un uyan ca inu iaʹ jaʹat neng lepoʹ le, pekina pe neng adet tepun le, un sepuʹo dulu nyepin nceʹ kaʹ Yerusalim, sulo re mahung akeʹ me lepoʹ Rum.

PEMUYAN 28:21

Un dau re neng Paulus: “Abeʹ meʹ alaʹ surat pe cen tanaʹ Yudia neng puyan ncoʹ. Pekina pe neng ahang mung cenganak le diaʹ ban nai cen ina, abeʹ un denga iaʹ jaʹat neng puyan ncoʹ.

PEMUYAN 3:17

Sulo dau Peterus laʹa: “Ahaʹ cenganak keʹ mung, akeʹ tisen ban puyan ncem ini dalau hem turan are, pekina lete diaʹ tuʹa hem pe.

PEMUYAN 4:5

Neng kenempam me, mung tuʹa lepoʹ Yahudi, ngan diaʹ lataʹ de, ngan diaʹ guru Katuk Adet, sulo re pempun ne kaʹ Yerusalim.

PEMUYAN 5:21

Lepa re kenahan pekina dau, tai re kedalem Umaʹ Palan dalau kenai kedema neng kenempam, penco re pekatuk kidi. Kenai Pengebioʹ Detaʹu ina, peging dulu diaʹ ngan ne, mengin mung pengelataʹ lepoʹ Israil, moʹ de ke pempun mung diaʹ lataʹ. Uʹo ina kun nte cuk dulu tai kaʹ amin sepin, alaʹ mung lawa Injil dina.

PEMUYAN 9:14

Kenai ie kaʹ lepoʹ Damsik ini pelaʹa, nai ie ngkin penyukat cen diaʹ detaʹu lataʹ ke magang mung diaʹ ngelan ikoʹ.”

GALATIA 1:13

Moʹ lepa ne ikem kenahan kumpin denga pengudip keʹ cen naʹaʹ, ca kelunan Yahudi iaʹ sanget dalem adet, ngan kumpin puyan nceʹ tai nyakit diaʹ Mpun diaʹ anun Allah ngan buseʹ, mentung ngkeʹ mita janan ke nasaʹ ida.

PILIPI 3:6

Akeʹ ca iaʹ sanget kidi, pa heʹ tai nyakit Mpun diaʹ ngelan Tuhan. Neng puyan tunuk adet Yahudi, iaʹ ukoʹ dulu kenaʹ ilu tai teneng ngan Allah, abeʹ keʹ un ca salaʹ kidi pe.

1 TIMUTIUS 4:14

Ayen ncoʹ peterai neng pengencai Berua Tuhan iaʹ un dalem ikoʹ, iaʹ ban Allah naʹ mikoʹ tegoʹ diaʹ pegawa Tuhan pisiu, ngan tegoʹ diaʹ tuʹa Mpun napoʹ ujoʹ de neng ikoʹ are.