PEMUYAN 22:4 - Kenyah New Testament

⁴ Akeʹ nyakit pe dulu diaʹ bayaʹ Janan Yesus ne pa palai matai. Ngan tai pe akeʹ dakep laki, pekina pe leto, penco meput ida kedalem amin sepin.

PEMUYAN 22:4 Iomraidhean Croise

PEMUYAN 16:17

Nai dekiʹit leto ina bayaʹ ameʹ telu Paulus, mentung nge ngelengap, un dau ue: “Kelunan dini iaʹ ngkang gayeng Allah iaʹ atek mpau. Ida iaʹ badaʹ janan mikem neng iaʹ ke pudip ikem dalem Tuhan.”

PEMUYAN 18:26

Kun ne pisiu dalem amin sebayang Yahudi ngan tempa dau ue. Dalau Periskila ngan Akila kenahan dau ue, kun nte dau ngkin ia tai kaʹ amin nte, ngan nemek dau re dua badaʹ Janan Tuhan Allah mia ngan peluhaʹ iaʹ teneng pelaʹa.

PEMUYAN 19:23

Dalau ina nuyan ca kasing bioʹ kaʹ lepoʹ Ipesus kuʹun Janan Tuhan.

PEMUYAN 19:9

Moʹ un palai diaʹ ban mahing kimet de, ngan abeʹ de ubaʹ ke ngelan, bang pejaʹat dau neng Janan Tuhan tuaʹ ne ida me dulu, ina ukoʹ Paulus mecin ida dina. Kun ne ngkin ida diaʹ bayaʹ katuk Tuhan dina ngan ne. Singket tau ne tai ie petiraʹ dalem amin sekula Tiranus.

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 7:58

Sulo re pet ia kaʹ awang lepoʹ, mentung nte lemulo ia. Mung diaʹ ban badaʹ tugen are, ida mahung sapai re ngan ca laki iaʹ iʹut udip, ngadan ne Saul.

PEMUYAN 9:21

Tai salam ne tekaʹ mung dulu diaʹ kenahan dau ue. Un dau re: “Moʹ abeʹ e laki ini lete iaʹ lematai dulu diaʹ ngelan Yesus kaʹ Yerusalim are tupe? Masaʹ nai ie kini ke magang kelunan dini, ngan ngkin ida palaʹ diaʹ detaʹu lataʹ taʹin?”

1 KURINTUS 15:9

Akeʹ iaʹ pelapa iʹut neng ahang mung diaʹ lawa Injil dina. Tekaʹ keʹ, abeʹ e tekep ke pisiu akeʹ ca lawa Injil, moʹ keʹ petaru Mpun Tuhan Allah are.

GALATIA 1:13

Moʹ lepa ne ikem kenahan kumpin denga pengudip keʹ cen naʹaʹ, ca kelunan Yahudi iaʹ sanget dalem adet, ngan kumpin puyan nceʹ tai nyakit diaʹ Mpun diaʹ anun Allah ngan buseʹ, mentung ngkeʹ mita janan ke nasaʹ ida.

PILIPI 3:6

Akeʹ ca iaʹ sanget kidi, pa heʹ tai nyakit Mpun diaʹ ngelan Tuhan. Neng puyan tunuk adet Yahudi, iaʹ ukoʹ dulu kenaʹ ilu tai teneng ngan Allah, abeʹ keʹ un ca salaʹ kidi pe.

2 PETERUS 2:2

Naʹ pe pekina, kadoʹ dulu ke bayaʹ diseʹ puyan nte selabu ngan pemung nyelem. Kuʹun puyan nte dulu ke pejaʹat dau neng Janan Udip iaʹ lan.