PEMUYAN 22:3 - Kenyah New Testament

³ “Akeʹ ne ca lepoʹ Yahudi iaʹ ban pempet kaʹ lepoʹ Tarsus kaʹ tanaʹ Kelikia. Nai heʹ kaʹ lepoʹ Yerusalim ini pekalai neng Gamalil iaʹ guru heʹ. Lepa ne akeʹ alaʹ katuk iaʹ telit bayaʹ adet tepun le. Sanget ngan temek pe akeʹ lemameʹ palaʹ Allah, koʹ baʹan seʹ kem mung tau ini are.

PEMUYAN 22:3 Iomraidhean Croise

LUKAS 10:39

Un Marta ne, un ca sadin leto ho, ngadan ne Mariam. Ia iaʹ madung nusau taket Tuhan, ngeringa dau katuk ke.

LUKAS 2:46

Neng iaʹ ketelu tau ue, ina le ida petegoʹ ngan ne dalem Umaʹ Palan Allah. Idi diseʹ e madung neng ahang diaʹ guru lepoʹ Yahudi, ngeringa dau re pipa tiraʹ, ngan mentung nge lemutu ida.

LUKAS 8:35

Nai kun dulu naʹat seʹ ban puyan ina. Kenai re kata Yesus, penco re taʹan laki iaʹ ban ukoʹ kenai bali dina kelap. Seʹ e madung kata taket Yesus ngan ban un gelam ne ia, ngan tiga ne ban kimet te. Takut ne tekaʹ de mung.

PEMUYAN 11:25

Uʹo ina tai puke ne Barnabas, tai kaʹ Tarsus ke mita Saul.

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:41

Sulo tai re dua pa tipo dale Siria ngan kilikia, mentung nte dua petangen singket Mpun diaʹ ngelan Tuhan kina.

PEMUYAN 21:20

Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 21:39

Kun dau Paulus: “Akeʹ ini ca lepoʹ Yahudi cen lepoʹ Tarsus kaʹ dalem Kilikia, ca lepoʹ dulu pedenga. Akeʹ nyat lesau neng amai, pawang ngkeʹ pisiu me lepoʹ ini ading.”

PEMUYAN 23:34

Kun gebenur baca surat ina, penco ho lemutu tanaʹ cen mpi ukoʹ o. Tegoʹ o tisen ban Paulus ne ca laki cen tanaʹ Kilikia,

PEMUYAN 23:6

Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 26:5

Moʹ tisen ne ida cen kena, buk de ubaʹ, senteng nte peluhaʹ ban lan seʹ keʹ mudip tangen bayaʹ adet iaʹ tuping laleʹ, ina jo adet Perisi.

PEMUYAN 26:9

“Lan ne cen naʹaʹ akeʹ pekimet tekep tekaʹ keʹ naten ke pebunoʹ ngan dulu diaʹ ngelan neng ngadan Yesus lepoʹ Nasarit ina.

PEMUYAN 5:34

Un ca usa diaʹ lataʹ kina, ca kelunan Perisi, ngadan ne Gamalil, ca guru Katuk Adet Musa iaʹ paren neng lepoʹ ina. Nai kun ne beteʹ nekejeng neng ahang mpun ina. Kun ne cuk ida tai ngkin diaʹ lawa Injil dina kawang nuat le.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 9:1

Dalau ina caʹ buseʹ lepe Saul. Kun ne ngeretaʹ dau mida ubaʹ ke lematai diaʹ bayaʹ katuk Tuhan dina. Ketai Saul nyat surat neng Pengebioʹ Detaʹu.

PEMUYAN 9:11

Un dau Tuhan neng ia: “Petenup ne ikoʹ. Tai hoʹ masat kaʹ janan iaʹ ngadan ne Janan Telit. Ikoʹ ke taʹan ca laki ngadan ne Saul lepoʹ Tarsus kaʹ amin Yudas de. Un te Saul lemameʹ kina te.

PEMUYAN 9:30

Un diaʹ cenganak ke dalem Tuhan dina, tai re tisen neng puyan ina, penco re ngkin Saul kaʹ Kaisaria, kun nte cuk ia tai kaʹ lepoʹ Tarsus.

RUM 11:1

Un pe dau heʹ pelaʹa: Lepa ne Allah nyekang lepoʹ diaʹ anun ne tupe? Nyahut te pekina ne. Akeʹ ca lepoʹ Israil lete, cen mela Ibrahim ngan lepoʹ Benyamin pe akeʹ.

2 KURINTUS 11:22

Idaʹ diaʹ kelunan Iberani mo? Akeʹ lete kelunan Iberani. Ida diaʹ lepoʹ Israil mo? Akeʹ lete lepoʹ Israil. Ida diaʹ mela cen Ibrahim mo? Akeʹ lete mela cen Ibrahim.

GALATIA 1:14

Akeʹ ne iaʹ atek muhat neng ʹo kelunan Yahudi diaʹ pekuaʹ udip ngan nceʹ, neng puyan pengelan nceʹ palaʹ adet Yahudi. Akeʹ ne iaʹ atek sanget neng toʹ adet tepun le cen naʹaʹ neng ʹo kelunan dina.

GALATIA 1:21

Lepa ina tai heʹ kaʹ dale Siria ngan Kilikia.