PEMUYAN 22:25 - Kenyah New Testament

²⁵ Dalau re ke ngaput ia man tali anit kena re ke lemeta ia, un dau Paulus neng kaptin sedadu iaʹ nekejeng dudo ia, kuma ha: “Un ne bayaʹ dau adet buk ke lemeta lepoʹ Rum kena hem ke pebetep tiraʹ iaʹ badaʹ salaʹ a tupe?”

PEMUYAN 22:25 Iomraidhean Croise

MATIUS 10:17

Tiga hem jagaʹ, ban ne un dulu kenai dakep ikem, ngan ketai ngadu ikem palaʹ ukoʹ diaʹ lataʹ pebetep tiraʹ, ngan dulu ke lemeta ikem dalem amin sebayang nte.

MATIUS 27:54

Tegoʹ kaptin sedadu ina ngan sedadu ue diaʹ ban jagaʹ Yesus taʹan seʹ tanaʹ tai liung, ngan mung inu iaʹ nuyan, tai takut ne tekaʹ de, mentung nte kuma ha: “Atek lan lete ia ini Anak Allah.”

MATIUS 8:8

Un dau kaptin ina mipa ia: “Ahaʹ Amai, ayen ne ikoʹ titin nai kaʹ amin nceʹ, ban ne abeʹ tekep keʹ ke ngkin ikoʹ nai kamin nceʹ. Tiga hoʹ bang pisiu tuaʹ le, ina ulaʹ keʹ ne kenai maget lete.

PEMUYAN 10:1

Kaʹ lepoʹ Kaisaria un ca laki ngadan ne Kurnilius, ca kaptin sedadu Rum, iaʹ cen mpun sedadu iaʹ dulu naʹ “Mpun Sedadu Italia.”

PEMUYAN 16:37

Un dau Paulus neng pulis ina: “Abeʹ de badaʹ inu penyalaʹ meʹ lepe, belekaʹ penco re lemeta ameʹ taʹan dulu mung, petem lepoʹ Rum lete ameʹ dua ne. Sulo re nyepin ameʹ. Naʹkini seʹ de cuk ameʹ ketai kelap nyelem le nuʹo. Nyahut meʹ ubaʹ ia ke pekina ne. Iaʹ ke tekep pe, pengelataʹ Rum tengen nai nakau ameʹ.”

PEMUYAN 22:26

Dalau kaptin ina kenahan dau ue pekina, penco tai ie badaʹ a me mayur, kun dau ue: “Kumpin tekaʹ koʹ neng puyan ini amai, moʹ un laki ini ban ca lepoʹ Rum?”

PEMUYAN 23:17

Kun Paulus mengin ca usa kaptin sedadu, un dau ue: “Ngkin ne demanai ini palaʹ mayur hem, moʹ un ca tiraʹ ia ubaʹ ke badaʹ mia.”

PEMUYAN 23:27

Ban lepoʹ Yahudi dakep laki ini, ubaʹ ke lematai ia. Nai heʹ peging ngan sedadu heʹ, sau ia, moʹ keʹ kenahan dau ue ca anak lepoʹ Rum.

PEMUYAN 25:16

Un dau heʹ neng ida: ‘Abeʹ un adet lepoʹ Rum ke ngukum ca usa iaʹ dulu naʹ salaʹ, buk abeʹ lepe iaʹ dulu naʹ salaʹ ina tai petugen ne ngan iaʹ pet salaʹ mia, ngan ilu naʹ lete ca pengebiʹen mia ading apan ne mipa dulu diaʹ naʹ ia salaʹ.’

PEMUYAN 27:1

Uʹo re pebetep dau ke cuk ameʹ ketai tugung kapen kaʹ tanaʹ Italia, kun nte naʹ Paulus me Yulius, ca tuʹa sedadu Rum cen mpun sedadu Kaisar. Un pe palai dulu diaʹ ban sepin pemung ngan ne.

PEMUYAN 27:3

Neng kenempam me, ketai meʹ nyabeʹ kaʹ lepoʹ Sidun. Un Yulius ne, un saheʹ seʹ e neng Paulus. Ia pedayo ho tai pekajaʹ palaʹ diaʹ cenganak dalem Tuhan, apan nte petubo ia.

PEMUYAN 27:43

Un tuʹa sedadu ina ubaʹ a ke pudip Paulus, idi ukoʹ o mulen ida keti puyan pekina. Kun ne cuk mung nte diaʹ mencam nyatung petuhun kaʹ sungai, tai kaʹ sada bahi ading.