PEMUYAN 22:21 - Kenyah New Testament

²¹ Un dau Tuhan neng akeʹ: ‘Tai ne, moʹ akeʹ iaʹ cuk ikoʹ tai kaʹ coʹ palaʹ kelunan diaʹ tahaʹ awang Yahudi.’ ”

PEMUYAN 22:21 Iomraidhean Croise

PEMUYAN 13:2

Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 18:6

Kun lepoʹ Yahudi miʹa ngan pejaʹat dau neng Paulus. Kun Paulus nepap abu sapai ie, mentung dau ue neng ida: “Buk kem lingu ngan ke durat berua hem nuʹo, tiwet neng ikem tengen pesuʹun kidi. Abeʹ penyalaʹ ini kesihoʹ ake. Naʹkini ketai heʹ pala lepoʹ tahaʹ awang Yahudi ne ini.”

PEMUYAN 9:15

Kun dau Tuhan neng Ananias: “Tai ne ikoʹ sedeʹ. Lepa ne akeʹ lemileʹ Saul ina, ke uyan ia ca senganan man ke pedenga ngadan nceʹ palaʹ dulu diaʹ tahaʹ awang Israil, palaʹ diaʹ paren pe, ngan pekina pe palaʹ lepoʹ Israil.

RUM 1:5

Moʹ kuʹun Yesus, bioʹ ban pengelesau Allah naʹ gayeng makeʹ ketai ca diaʹ lawa Injil ban tuman Keristus ne. Ina ukoʹ keʹ ke payo kelunan singket lepoʹ ne, ke ngelan Tuhan ngan tudep bayaʹ a.

RUM 11:13

Naʹkini akeʹ pisiu mikem diaʹ tahaʹ awang lepoʹ Yahudi. Pekini dau heʹ: Toʹ pengajan nceʹ lawa Injil me dulu tahaʹ awang Yahudi, selum tekaʹ keʹ neng gayeng ngkeʹ are.

RUM 15:16

Akeʹ iaʹ petubo gayeng Keristus Yesus me lepoʹ diaʹ tahaʹ awang Yahudi. Koʹ baʹan iaʹ detaʹu iaʹ ngkang liwa, pekina kenai heʹ badaʹ Denga Injil Allah, apan dulu diaʹ tahaʹ awang Yahudi ketai nuyan koʹ baʹan ca liwa iaʹ akeʹ mencai me Allah. Pengencai ina sihoʹ neng pengubaʹ Allah kuʹun Berua Buheʹ iaʹ nengen ida neng iaʹ buheʹ.

RUM 16:26

Luhaʹ ne katuk iaʹ telit ina naʹkini kuʹun ban Kitap Pegawa Tuhan, ngan kuʹun pengecuk Allah iaʹ ngeriman mudip, iaʹ peluhaʹ a me mung lepoʹ, apan mung kelunan sukat ke ngelan ngan tunuk bayaʹ a.

IPESUS 3:3

Un kaʹ sedep Allah, lepa ne ia peluhaʹ a makeʹ. (Lepa ne akeʹ nyurat kediʹut de neng puyan ina.

1 TIMUTIUS 2:7

Moʹ neng puyan ina, Allah ban cuk akeʹ tai lawa Injil, ngan guru palaʹ dulu diaʹ tahaʹ awang Yahudi. Ia cuk akeʹ penco katuk neng puyan ngelan ngan katuk iaʹ telit. Ngan telit lan dau heʹ, abeʹ keʹ palo.

2 TIMUTIUS 1:11

Ngan lepa ne Allah nyalet akeʹ ke pendenga katuk Injil, ngan nuyan akeʹ lawa Injil, ngan guru kidi.