PEMUYAN 22:20 - Kenyah New Testament

²⁰ Un pelaʹa dalau dulu lematai Stipanus iaʹ badaʹ tugen neng ikoʹ are, un pe akeʹ kaʹ ina. Akeʹ ngahaʹ dulu lematai ia, ngan akeʹ ia mengau sapai kelunan diaʹ lematai ia.’

PEMUYAN 22:20 Iomraidhean Croise

LUKAS 11:48

Cen diaʹ pekina, luhaʹ ban ncem payo ngan tepun ncem. Ida diaʹ lematai pegawa, ngan ikem diaʹ uyan liang mida.

PEMUYAN 26:10

Atek pekina puyan nceʹ kaʹ Yerusalim are. Tai heʹ palaʹ diaʹ detaʹu lataʹ, alaʹ surat penyukat ceʹ ketai nyepin dulu diaʹ anun Allah. Dalau re sihoʹ ukum patai are, payo pe akeʹ ngan dulu diaʹ ti ida.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 7:58

Sulo re pet ia kaʹ awang lepoʹ, mentung nte lemulo ia. Mung diaʹ ban badaʹ tugen are, ida mahung sapai re ngan ca laki iaʹ iʹut udip, ngadan ne Saul.

PEMUYAN 8:1

Saul ca iaʹ mayo neng puyang lematai Stipanus ne. Tegoʹ tau ina, ina ne tading kenai taru iaʹ bioʹ neng Mpun diaʹ ngelan Tuhan kaʹ Yerusalim. Mung diaʹ ngelan Tuhan petat purat de pa tipo tanaʹ Yudia, ngan kaʹ Samaria. Bang diaʹ lawa Injil tuaʹ le diaʹ ngelineʹ.

RUM 1:32

Tisen te ida dau katuk adet Allah iaʹ badaʹ kelunan diaʹ mudip pekina puyan atek tekep de ke sihoʹ ukum patai. Naʹ pe pekina, abeʹ e bang pekina tuaʹ le puyan nte, pincaʹ kun nte pada diaʹ pekina pemuyan nte puʹo.

PUYAN LUHA’ 17:6

Kun nceʹ taʹan leto ina mabuk kuʹun dahaʹ kelunan diaʹ anun Tuhan, ngan dahaʹ kelunan diaʹ ban semamet bayaʹ Yesus pa re matai are. Tegoʹ keʹ taʹan ia ne, atek salam aleʹ tekaʹ keʹ.

PUYAN LUHA’ 2:13

Akeʹ tisen seʹ kem semamet bayaʹ akeʹ. Abeʹ kem lepo pengelan ncem neng akeʹ. Akeʹ tisen ukoʹ kem mudip, ina iaʹ kukoʹ padung pengaren Sitan. Salet lepe ikem dalau dulu lematai Antipas are. Ia iaʹ semamet badaʹ tugen neng puyan nceʹ kaʹ lepoʹ kem, iaʹ kukoʹ Sitan ngelineʹ ina.