PEMUYAN 22:16 - Kenyah New Testament

¹⁶ Naʹkini, inu ikoʹ pekena laʹa? Beteʹ ne, tai ne sihoʹ ngebatis te, ngan lemameʹ palaʹ Yesus apan ne sau penyalaʹ koʹ.’ Pekina dau Ananias neng akeʹ.”

PEMUYAN 22:16 Iomraidhean Croise

YAYA 13:8

Penco dau Peterus: “Midan midan pe ayen ncoʹ peletoʹ ke muheʹ taket ceʹ.” Un dau Yesus mipa: “Buk keʹ abeʹ un ke muheʹ taket coʹ, abeʹ koʹ diaʹ bayaʹ katuk keʹ laʹa.”

PEMUYAN 2:21

Un dalau ina sepe, aheʹ diaʹ lemameʹ Tuhan dalem ngadan ne, ia le iaʹ ke un udip iaʹ ke pudip ia dalem Tuhan.’ Pekina dau Allah dalem surat Yuil.”

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 7:59

Penco re lemulo Stipanus. Mentung Stipanus ngelengap, kun dau ue: “Ahaʹ Tuhan Yesus, alaʹ ne berua heʹ.”

PEMUYAN 9:14

Kenai ie kaʹ lepoʹ Damsik ini pelaʹa, nai ie ngkin penyukat cen diaʹ detaʹu lataʹ ke magang mung diaʹ ngelan ikoʹ.”

PEMUYAN 9:18

Dalau ina koʹ baʹan un are tekaʹ ca king atuk laboʹ cen mata ha, penco ho taʹan. Nai kun ne beteʹ, sulo tai ie sihoʹ ngebatis nuʹo.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

1 KURINTUS 12:13

Kuaʹ baʹan puyan usa lete ilu mung. Ikem lepoʹ Yahudi, pekina pe ikem diaʹ tahaʹ awang lepoʹ Yahudi, pekina pe kelunan ulaʹ, ngan diaʹ muga tekaʹ mudip, ilu mung ban sihoʹ ngebatis kuʹun Berua Tuhan, ketai nuyan ca usa tuaʹ le. Ngan Berua Tuhan loʹ lete iaʹ nuyan milu seleket telang sio iaʹ ilu senteng nisep.

1 KURINTUS 6:11

Cen naʹaʹ un palai neng ahang ikem diaʹ pekina puyan nte, un sepuʹo lepa ne Allah muheʹ ikem cen penyalaʹ, ngan ia iaʹ lepa nengen ikem neng iaʹ buheʹ, ngan ia iaʹ peteneng ikem ngan ne kuʹun pemuyan Tuhan Yesus Keristus, ngan pemuyan Berua Tuhan iaʹ un ilu.

GALATIA 3:27

Moʹ mung ngkem lepa sihoʹ ngebatis kaʹ dalem puyan pebeka tawai hem ngan Keristus ina, tuman ina saheʹ Keristus tengen iaʹ un neng ikem.

IPESUS 5:26

Pekina puyan Keristus, apan ne ke nebaya Mpun diaʹ ngelan ia me Allah, mentung nge muheʹ Mpun diaʹ ngelan ia, ngan ntoʹ ida man katuk ke.

TITUS 3:5

nai luhaʹ puyan ne pudip ilu. Abeʹ e tuman pemuyan iaʹ tiga iaʹ ilu tengen lepa uyan, un sepuʹo kuʹun tuman pengelesau Allah tengen. Ina tuman ne pudip ilu man puyan Berua Buheʹ e, iaʹ ntoʹ ilu, ngan naʹ ca puyan iaʹ uyan ilu numpak pempet mading laʹa, ngan naʹ ca pengudip iaʹ mading milu.

IBERANI 10:22

Ina ukoʹ tiga le nai ngejuma Allah man kimet iaʹ sebelang, ngan pengelan iaʹ salet, mentung ngan kimet iaʹ lepa buheʹ cen tekaʹ penawai iaʹ dengkep neng penyalaʹ cen kena are. Un pe usa le lepa ntoʹ kuʹun sungai buheʹ.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,