PEMUYAN 22:14 - Kenyah New Testament

¹⁴ Un dau Ananias pelaʹa: ‘Un Allah le ne, ia lete Allah tepun le, ia ban lemileʹ ikoʹ, ke cuk ikoʹ ke ngetisen ban pengubaʹ kimet te, ngan ke taʹan Yesus ulaʹ a iaʹ atek teneng, ngan ikoʹ ke ngeringa dau isiu ue.

PEMUYAN 22:14 Iomraidhean Croise

YAYA 15:16

Abeʹ e ikem iaʹ lemileʹ akeʹ, akeʹ iaʹ lemileʹ ikem, ngan peteneng ikem ke un buʹan iaʹ sahu. Ina ne buʹan iaʹ abeʹ un tisen tai jaʹat. Ngan pekina ne puyan Amai Bioʹ ke naʹ mikem, mele inu iaʹ ikem nyat neng ia dalem ngadan nceʹ.

PEMUYAN 13:17

Ban Allah, Tuhan lepoʹ Israil ini lepa lemileʹ tepun le, ngan cuk lepoʹ ina nai kapan dalau re mudip kena le kaʹ tanaʹ Masir are. Allah iaʹ ngkin ida nai kawang cen Masir ne man puyan nyingan ne.

PEMUYAN 22:15

Moʹ ikoʹ iaʹ ke badaʹ tugen neng Allah. Ikoʹ lete ke badaʹ mung puyan iaʹ ikoʹ ban taʹan ngan kenahan me dulu mung ʹo.

PEMUYAN 22:18

Kun nceʹ taʹan Tuhan nai pisiu ngan nceʹ: ‘Sangkit coʹ, tai ne ikoʹ nyelarai mecin lepoʹ Yerusalim ne, moʹ abeʹ dulu kina ke ngelan dau tugen katuk koʹ iaʹ penco dau heʹ puʹo,’ kun dau Tuhan makeʹ.

PEMUYAN 24:14

Un sepuʹo, ini le akeʹ ke ngahaʹ palaʹ amai: Akeʹ lemameʹ palaʹ Allah, iaʹ Allah tepun meʹ, bayaʹ Janan iaʹ ida badaʹ ca adet pebutun iaʹ abeʹ un teneng, baʹan dau re. Akeʹ ngelan lete mung inu iaʹ ban un dalem Kitap Katuk Adet Musa, ngan mung Kitap Pegawa ne.

PEMUYAN 26:16

Beteʹ ne, ngan nekejeng telit le. Tuman nceʹ nai peluhaʹ palaʹ ikoʹ, moʹ keʹ ke uyan ngan nyalet ikoʹ ulaʹ keʹ iaʹ ke badaʹ tugen neng akeʹ, idi hoʹ ketai badaʹ me kelunan neng puyan ncoʹ ban taʹan akeʹ tau ini, pekina pe neng puyan iaʹ akeʹ ke peluhaʹ palaʹ ikoʹ bayaʹ ʹo.

PEMUYAN 5:30

Un Allah iaʹ anun tepun le, lepa pudip Yesus cen patai uʹo hem lepa ngediding lematai ia neng kayu tecek are.

PEMUYAN 7:52

Pegawa iaʹ mpi iaʹ are sihoʹ tuyen kuʹu tepun ncem tupe? Tepun ncem lete iaʹ lematei diaʹ lawa Allah iaʹ nekena badaʹ neng puyan kenai Ulaʹ a iaʹ teneng ina. Naʹkini lepa ne ikem muau neng Laki ina, ngan lematai ia.

PEMUYAN 9:15

Kun dau Tuhan neng Ananias: “Tai ne ikoʹ sedeʹ. Lepa ne akeʹ lemileʹ Saul ina, ke uyan ia ca senganan man ke pedenga ngadan nceʹ palaʹ dulu diaʹ tahaʹ awang Israil, palaʹ diaʹ paren pe, ngan pekina pe palaʹ lepoʹ Israil.

PEMUYAN 9:17

Penco ketai Ananias masat, tai kedalem amin kukoʹ Saul ne. Kun ne napoʹ ujoʹ o neng Saul, un dau ue: “Ahaʹ cenganak keʹ Saul, akeʹ iaʹ ban Tuhan cuk, ia lete Yesus iaʹ ban nai luhaʹ kata ikoʹ ngalang janan, dalau nai hoʹ are. Ina ukoʹ o cuk akeʹ nai, moʹ o ke cuk ikoʹ ke taʹan pelaʹa, ngan cuk ikoʹ tai sangan kuʹun Berua Buheʹ.”

RUM 1:1

Cen Paulus, ulaʹ Keristus Yesus, iaʹ Allah ban mengin ke nuyan ca diaʹ lawa ha, tengangan ke tai pedenga Denga Injil Allah.

1 KURINTUS 11:23

Moʹ katuk iaʹ akeʹ lepa alaʹ cen Tuhan, ina lete iaʹ akeʹ naʹ mikem, iaʹ ina, tegoʹ alem iaʹ dulu ke mencai Tuhan Yesus, kun ne alaʹ ruti,

1 KURINTUS 15:3

Dau iaʹ akeʹ pelawa mikem are, ia ne iaʹ akeʹ lepa alaʹ lete, ca puyan iaʹ atek bioʹ, iaʹ ina Keristus ban matai tuman penyalaʹ le, bayaʹ dau Kitap.

1 KURINTUS 15:8

Ketai kebayaʹ a, nai ie luhaʹ palaʹ akeʹ lete, iaʹ koʹ baʹan anak uno are.

1 KURINTUS 9:1

Moʹ abeʹ keʹ ca kelunan iaʹ muga tekaʹ mudip tupe? Moʹ abeʹ keʹ te ca kelunan lawa Injil tupe? Moʹ abeʹ keʹ lepa taʹan Yesus, Tuhan le tupe? Moʹ abeʹ kem dini diaʹ badaʹ uban nceʹ pegayeng me Tuhan tupe?

2 KURINTUS 5:21

Keristus iaʹ peletoʹ-letoʹ abeʹ un penyalaʹ, di lareʹ tuman ilu Allah uyan ia iaʹ keliwa penyalaʹ le, apan ilu diaʹ pebeka tawai ngan ne, senteng alaʹ udip iaʹ teneng cen Allah.

GALATIA 1:12

Ngan abeʹ keʹ alaʹ a cen kelunan. Abeʹ pe un kelunan iaʹ pekalai akeʹ, di lareʹ Yesus Keristus tengen iaʹ peluhaʹ Denga Injil ini makeʹ.

GALATIA 1:15

Un sepuʹo kuʹun pengelesau Allah ina, ia lepa lemileʹ akeʹ cen kena heʹ nai pempet kusun tanaʹ ini, ngan mengin akeʹ, apan nceʹ tai nuyan ulaʹ a.

2 TIMUTIUS 1:1

Cen Paulus, lawa Keristus Yesus kuʹun pengubaʹ Allah ke pedenga pengudip iaʹ ilu un pemung dalem Keristus Yesus: pengudip ina iaʹ Allah ban petuket milu are:

TITUS 1:1

Cen Paulus, ulaʹ Allah ngan lawa Yesus Keristus. Allah lepa lemileʹ akeʹ, cuk akeʹ tai mepo pengelan diaʹ anun Allah, diaʹ ia lepa lemileʹ, mentung ngkeʹ ke ngkin ida ke tisen katuk iaʹ telit, kuaʹ baʹan layen adet buheʹ le are.

1 PETERUS 2:22

Abeʹ Keristus uyan penyalaʹ, ngan nyahut un ca palo cen isiu ue.

1 YAYA 2:1

Ahaʹ ikem diaʹ anak keʹ, akeʹ ti surat ini mikem apan ncem abeʹ un uyan penyalaʹ ʹo. Un sepuʹo buk aheʹ ke uyan penyalaʹ, ilu un Yesus Keristus, Laki iaʹ atek teneng, iaʹ lemameʹ dau milu neng Amai Bioʹ.