PEMUYAN 22:1 - Kenyah New Testament

¹ “Ahaʹ pui, amai, ngan cenganak, ngan tepat mung, ngeringa hem dau heʹ ke mipa ikem ading.”

PEMUYAN 22:1 Iomraidhean Croise

LUKAS 12:11

“Buk dulu tai ngkin ikem kaʹ amin sebayang Yahudi, mele kempi tai re ngkin ikem ke mekem salaʹ mikem, kata gebenur pe, ngan kata diaʹ lataʹ lepoʹ pe, ayen janga pekimet kumpin dau hem ke mipa ida, ngan inu iaʹ ikem ke pisiu ngan nte,

LUKAS 21:14

Moʹ ina, denaʹ ne tawai hem, ayen janga ke petenup neng inu iaʹ ikem ke mipa.

PEMUYAN 13:26

Sulo dau Paulus laʹa: “Ahaʹ amai, ngan cenganak, tepat diaʹ kini mung, ikem diaʹ su mela Ibrahim, ngan mung ngkem diaʹ ca diaʹ tunuk palaʹ Allah, ban palaʹ tepat mung kenai denga katuk neng puyan iaʹ ke pudip kelunan dalem Tuhan ne.

PEMUYAN 19:33

Palai mida dina ngihoʹ ban Alik-sandar iaʹ nading puyan ini moʹ lepoʹ Yahudi ban mecuk ia tahaʹ tena mpun ina. Kun Alik-sandar ina pekata man ujoʹ o, ubaʹ ke mipa dulu kina.

PEMUYAN 23:1

Kun Paulus nekeneng naʹat Mpun diaʹ Lataʹ dina, kun dau ue: “Ahaʹ amai, ngan cenganak keʹ mung, akeʹ ne mudip neng juma Allah peging dema tekaʹ kimet penawai heʹ pa abeʹ tau ini ne.”

PEMUYAN 23:6

Dau Paulus taʹan palai mida dina diaʹ ban Seduki ngan un pe diaʹ Perisi, bioʹ dau ue pisiu kuma ha: “Ahaʹ amai, ngan cenganak keʹ mung, akeʹ ne ca diaʹ Perisi lete, ca anak ban mela Perisi. Moʹ ban nceʹ un tebelum kelunan matai ke nai numpak mudip laʹa, ina iaʹ ukoʹ dulu kini ke petugen akeʹ.”

PEMUYAN 24:10

Uʹo ina, un gebenur ne pekata man ujoʹ o cuk Paulus pisiu. Penco Paulus mipa kuma ha: “Tisen te akeʹ, amai ca diaʹ pebetep tiraʹ neng lepoʹ ini dalem kudaʹ uman pe ban majan ne, ina ukoʹ keʹ ke nyebelang dau ke mipa ikoʹ.

PEMUYAN 25:16

Un dau heʹ neng ida: ‘Abeʹ un adet lepoʹ Rum ke ngukum ca usa iaʹ dulu naʹ salaʹ, buk abeʹ lepe iaʹ dulu naʹ salaʹ ina tai petugen ne ngan iaʹ pet salaʹ mia, ngan ilu naʹ lete ca pengebiʹen mia ading apan ne mipa dulu diaʹ naʹ ia salaʹ.’

PEMUYAN 25:8

Un dau Paulus mipa kuma: “Nyahut un penyalaʹ keʹ neng adet lepoʹ Yahudi, pekina pe neng Umaʹ Palan Allah, pekina pe neng Kaisar laja lepoʹ Rum.”

PEMUYAN 26:24

Dalau Paulus pisiu pekina dau, sulo Pistus ngelengap: “Buling ngkoʹ Paulus, moʹ pelapa laleʹ mpau sekula hoʹ, idi iaʹ pebuling ikoʹ ne.”

PEMUYAN 28:17

Lepa ketelu tau ue, kun Paulus mengin mung diaʹ lataʹ Yahudi iaʹ un neng lepoʹ ina, nai pempun. Uʹo kenai re pempun, un dau ue neng ida: “Ahaʹ cenganak keʹ mung, naʹ pe akeʹ abeʹ un uyan ca inu iaʹ jaʹat neng lepoʹ le, pekina pe neng adet tepun le, un sepuʹo dulu nyepin nceʹ kaʹ Yerusalim, sulo re mahung akeʹ me lepoʹ Rum.

PEMUYAN 7:2

Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

RUM 2:15

Moʹ kuʹun seʹ pemuyan nte dina iaʹ peluhaʹ ban inu iaʹ Katuk Adet Musa cuk, lepa un senurat dalem penawai re. Moʹ tekaʹ kimet dalem penawai re iaʹ badaʹ ban pemuyan nte ina teneng. Uban kimet de tahaʹ palai badaʹ ida salaʹ, un pe tahaʹ palai ie kimet de iaʹ badaʹ ida teneng.

1 KURINTUS 9:3

Tegoʹ dulu pekabi akeʹ, pekini dau heʹ nyekang makeʹ:

2 KURINTUS 12:19

Masaʹ ikem kuma ameʹ bang pekimet ke menting ngadan meʹ tengen kata ikem. Abeʹ e pekina. Ameʹ pisiu pekuaʹ iaʹ Keristus ubaʹ ameʹ pisiu neng juma Allah lete. Ahaʹ cenganak cenganak diaʹ akeʹ malaʹ, mung pemuyan meʹ, ameʹ uyan man pedengkep ikem.

2 KURINTUS 7:11

Pekimet ne, kudaʹ naʹan iaʹ Allah uyan kuʹun puyan bampa hem are, kumpin ncem tangen kuʹun ne, kumpin ncem tangen badaʹ pemuyan ncem un teneng, kumpin ncem miʹi neng puyan salaʹ, kumpin ncem takut, kumpin ncem bimpin, kumpin ncem tudep, kumpin ncem tenup tekaʹ ke mukum puyan salaʹ. Ikem lepa peluhaʹ ban pemuyan ncem un buheʹ neng puyan idai are.

PILIPI 1:17

Un sepuʹo diaʹ ca dina pedenga Keristus, abeʹ e ngan lan tekaʹ sebelang kimet de, di lareʹ kimet de iaʹ ubaʹ ke ngempau ngadan nte tengen. Moʹ un tekaʹ kimet de ubaʹ ke ngepincaʹ petaru akeʹ dalem ngkeʹ sihoʹ sepin ini.

PILIPI 1:7

Tekep lete pekina kimet ceʹ neng ikem mung, moʹ kem lemuto un dalem penawai heʹ. Moʹ kem mung un pemung pebeka ngan nceʹ dalem pengelesau Allah iaʹ naʹ gayeng ini makeʹ, tiga ha dalau heʹ sepin naʹkini pe.

2 TIMUTIUS 4:16

Neng tiraʹ keʹ mipa diaʹ pesalaʹ akeʹ dalem amin kukoʹ dulu pebetep tiraʹ iaʹ ading are, abeʹ un aheʹ iaʹ payo ngan nceʹ. Mung nte iaʹ kelap akeʹ. Ayen ne baʹan le Allah ke pesihoʹ ida neng puyan ina ʹo.

1 PETERUS 3:15

Un sepuʹo nyalet ne Keristus dalem penawai hem, iaʹ atek Tuʹa penina hem. Tiga hem tenup lemuto ke mipa me aheʹ aheʹ iaʹ lemutu sen neng tebelum iaʹ un neng ikem.