PEMUYAN 21:8 - Kenyah New Testament

⁸ Neng kenempam me laʹa, tai meʹ puke abeʹ kaʹ lepoʹ Kaisaria, penco tai meʹ kedalem amin Pilipus, guru Injil ina, sulo ngelineʹ ngan ne. Laki ina ca usa neng ahang diaʹ tujoʹ usa diaʹ dulu lemileʹ kaʹ Yerusalim didai are.

PEMUYAN 21:8 Iomraidhean Croise

PEMUYAN 10:1

Kaʹ lepoʹ Kaisaria un ca laki ngadan ne Kurnilius, ca kaptin sedadu Rum, iaʹ cen mpun sedadu iaʹ dulu naʹ “Mpun Sedadu Italia.”

PEMUYAN 16:10

Lepa Paulus taʹan neng penaʹat ina are, un tekaʹ meʹ lan ban Allah iaʹ mengin ameʹ kaʹ ina ke badaʹ Denga Injil palaʹ lepoʹ Makedunia. Penco meʹ petenup ketai kaʹ tanaʹ Makedunia.

PEMUYAN 16:13

Tegoʹ Tau Kelineʹ, tai meʹ kawang lepoʹ ina kaʹ sada bahi sungai. Kidi meʹ ngihoʹ ke un kukoʹ lepoʹ Yahudi lemameʹ. Penco meʹ madung pisiu ngan leto diaʹ pempun kina.

PEMUYAN 16:16

Ca tau ue laʹa dalau ketai meʹ kaʹ ukoʹ dulu lemameʹ ina, kun meʹ tegoʹ ca usa dekiʹit leto iaʹ un bali mencam ngelingai inu inu. Dulu diaʹ alaʹ ia ulaʹ, bioʹ bang nte neng ia kuʹun puyan ngelingai ina.

PEMUYAN 18:22

Uʹo Paulus abeʹ kaʹ lepoʹ Kaisaria, penco tai ie pukat kaʹ Yerusalim, badaʹ tiga saheʹ e palaʹ Mpun diaʹ ngelan Tuhan kina. Sulo tai ie puno kaʹ Antiukia pelaʹa.

PEMUYAN 20:13

Ameʹ ading tai kaʹ kapen, penco puke tai kaʹ lepoʹ Asus. Kina meʹ pekimet ke alaʹ Paulus, moʹ pekina dau ue cuk ameʹ, ngan ia tengen ubaʹ ke lepat pa ina.

PEMUYAN 20:6

Un meʹ tai bayaʹ kapen cen lepoʹ Pilipi neng uʹo Tau Bioʹ Adet Ruti iaʹ are un Lamut ina. Dalem lema tau, abeʹ ne ameʹ kaʹ Teruas palaʹ ida diaʹ ading tai didai. Kina meʹ ngelineʹ mung, tujoʹ tau majan ne.

PEMUYAN 21:16

Un palai diaʹ bayaʹ katuk Tuhan cen lepoʹ Kaisaria nai tugung ameʹ, penco ketai re ngkin ameʹ pejakaʹ kaʹ amin Manasun, moʹ kina meʹ pekimet ke ngelineʹ. Laki ina cen tanaʹ Siperus, iaʹ serengan ngan diaʹ ading ban bayaʹ katuk Tuhan are.

PEMUYAN 23:23

Penco mayur sedadu ina mengin dua usa kaptin dina, un dau ue: “Petenup ne dua ato sedadu iaʹ ke tai kaʹ Kaisaria, ngan tujoʹ puloʹ usa diaʹ ngedung neng kuda, ngan dua ato usa diaʹ ngkang nyatap, petenup ne tai puke jam piʹen alem ini.

PEMUYAN 27:1

Uʹo re pebetep dau ke cuk ameʹ ketai tugung kapen kaʹ tanaʹ Italia, kun nte naʹ Paulus me Yulius, ca tuʹa sedadu Rum cen mpun sedadu Kaisar. Un pe palai dulu diaʹ ban sepin pemung ngan ne.

PEMUYAN 28:11

Uʹo telu bulan majan meʹ kina, tai meʹ puke neng ca kapen iaʹ cen lepoʹ Alik-sandaria, iaʹ un uyat ngadan ne “Bali Pepit”, iaʹ bang peleting ne ia ngajan ne sengim kaʹ tanaʹ ina.

PEMUYAN 28:16

Uʹo meʹ abeʹ kaʹ lepoʹ Rum, kun nte mahung Paulus, pemung ngan ca usa sedadu iaʹ jagaʹ ia, ngelineʹ neng ca amin tengen le.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 9:30

Un diaʹ cenganak ke dalem Tuhan dina, tai re tisen neng puyan ina, penco re ngkin Saul kaʹ Kaisaria, kun nte cuk ia tai kaʹ lepoʹ Tarsus.

IPESUS 4:11

Atek laki ina te iaʹ “naʹ kudaʹ pengencai me kelunan.” Ia uyan palai mida tai lawa Injil, palai ia uyan pegawa, palai ia uyan penco Injil, un palai ia uyan petubo Mpun diaʹ ngelan Tuhan, ngan pekatuk kidi.

2 TIMUTIUS 4:5

Un sepuʹo ikoʹ ini, tiga hoʹ peteneng ngan jagaʹ usa hoʹ, mele inu pemuyan iaʹ nantaʹ ikoʹ, ngan ngihen neng tuyen. Pegayeng ne neng gayeng iaʹ ke madut dulu palaʹ katuk Denga Injil, ngan pesukung ne gayeng iaʹ tulat coʹ.