PEMUYAN 21:40 - Kenyah New Testament

⁴⁰ Mayur sedadu ina pedayo ho pisiu. Tai Paulus nekejeng kaʹ ulu can, seʹ e pekata man ujoʹ o me lepoʹ ina. Uʹo tai ie belinga, kun ne pisiu man isiu Iberani, kun dau ue:

PEMUYAN 21:40 Iomraidhean Croise

LUKAS 23:38

Un pe ban nte nyurat tahaʹ mpau ia, iaʹ pekini dau ue: “Ini ne laja lepoʹ Yahudi.”

YAYA 19:13

Tegoʹ Pilatus kenahan dau isiu ini, kun ne ngkin Yesus kawang, penco madung kempau adan batu iaʹ kukoʹ metep tiraʹ, iaʹ dulu kuma “Lasan Batu.” (Ngadan ne kuʹun Iberani, “Gabata.”)

YAYA 19:17

Tai kun ne kawang nyuʹun kayu tecek ke tengen, nai palaʹ kukoʹ iaʹ dulu kuma “Tekahing Ulu.” (Isiu Iberani ida kuma “Gulguta.”)

YAYA 19:20

Kadoʹ kelunan Yahudi pecap surat ini, uban kukoʹ dulu napek Yesus neng kayu tecek ina abeʹ un coʹ cen lepoʹ. Surat ina pe senurat neng isiu Iberani, Latin, ngan isiu Gerika.

YAYA 5:2

Kaʹ Yerusalim un ca belau sungai nyeng kata Pamen Dumba. Pipa belau ina un lema re laga petem ngan sengau ue. Dulu pisiu belau ina kuma Bitisda.

PEMUYAN 1:19

Tai tisen ne lepoʹ Yerusalim neng puyan ina, ina ukoʹ de uyan ngadan tanaʹ ina neng isiu re tengen, Akal-dama, sen ne “Tanaʹ Jaka.”)

PEMUYAN 12:17

Kun Peterus pekata seʹ man ujoʹ o ke peberinga ida. Penco ho badaʹ mida kumpin ban Tuhan ngkin ia kawang cen amin sepin ina. Kun Peterus cuk ida badaʹ puyan ina me Yakup ngan diaʹ cenganak de diaʹ ca dalem Tuhan ne ʹo. Uʹo ina kun ne mecin ngan tai kaʹ ca te.

PEMUYAN 13:16

Kenai Paulus beteʹ, mentung nge pekata man ujoʹ o, un dau ue: “Ahaʹ mung ngkem cenganak keʹ lepoʹ Israil, ngan mung ngkem diaʹ tunuk neng Allah, ngeringa ne.

PEMUYAN 19:33

Palai mida dina ngihoʹ ban Alik-sandar iaʹ nading puyan ini moʹ lepoʹ Yahudi ban mecuk ia tahaʹ tena mpun ina. Kun Alik-sandar ina pekata man ujoʹ o, ubaʹ ke mipa dulu kina.

PEMUYAN 21:35

Uʹo re abeʹ kaʹ can, un palai sedadu mejung ia, moʹ dulu muʹo seʹ ke pampo ia.

PEMUYAN 22:2

Dalau re kenahan dau Paulus pisiu neng isiu Iberani, belinga kuʹo ke ida. Un dau ue:

PEMUYAN 26:14

Sulo mung meʹ tai pengkup kaʹ tanaʹ. Uʹo ina heʹ kenahan dau ca isiu iaʹ pisiu akeʹ man isiu Iberani. Un dau ue neng akeʹ: ‘Saul, Saul, moʹ inu hoʹ nyakit akeʹ tupe? Tiwet neng ikoʹ, ikoʹ te ikoʹ nyakit, koʹ baʹan ca sapi iaʹ apik tusuk kelunan iaʹ jagaʹ ia are.’

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PUYAN LUHA’ 16:16

Uʹo ina kun nte telu berua bali dina ngkin mung laja dina kelimpun kukoʹ iaʹ un ngadan dalem isiu Iberani Amagidun.

PUYAN LUHA’ 9:11

Un ca laja iaʹ man ida, ca melikat iaʹ ngkang lubang ntem ina. Ngadan ne kuʹun isiu Iberani, Abadun, ngan dalem isiu Gerika, Apuliun, (iaʹ sen ne “Laki iaʹ Nasaʹ”).