PEMUYAN 21:39 - Kenyah New Testament

³⁹ Kun dau Paulus: “Akeʹ ini ca lepoʹ Yahudi cen lepoʹ Tarsus kaʹ dalem Kilikia, ca lepoʹ dulu pedenga. Akeʹ nyat lesau neng amai, pawang ngkeʹ pisiu me lepoʹ ini ading.”

PEMUYAN 21:39 Iomraidhean Croise

PEMUYAN 15:23

Kun nte naʹ ca surat katu tugung ida, pekini dau ue: “Ameʹ diaʹ lawa Injil, peging ngan diaʹ tuʹa Mpun diaʹ ngelan Tuhan, ameʹ diaʹ cenganak kem ke badaʹ selama tawai meʹ palaʹ diaʹ cenganak meʹ dalem Tuhan neng ahang ikem diaʹ tahaʹ awang lepoʹ Yahudi kaʹ lepoʹ Antiukia, ngan dale Siria, ngan Kilikia.

PEMUYAN 15:41

Sulo tai re dua pa tipo dale Siria ngan kilikia, mentung nte dua petangen singket Mpun diaʹ ngelan Tuhan kina.

PEMUYAN 16:37

Un dau Paulus neng pulis ina: “Abeʹ de badaʹ inu penyalaʹ meʹ lepe, belekaʹ penco re lemeta ameʹ taʹan dulu mung, petem lepoʹ Rum lete ameʹ dua ne. Sulo re nyepin ameʹ. Naʹkini seʹ de cuk ameʹ ketai kelap nyelem le nuʹo. Nyahut meʹ ubaʹ ia ke pekina ne. Iaʹ ke tekep pe, pengelataʹ Rum tengen nai nakau ameʹ.”

PEMUYAN 21:37

Kena re ke ngkin ia kedalem amin sedadu ina, kun Paulus pisiu mayur sedadu ina: “Ahaʹ amai, senteng ngkeʹ ke pisiu ngan ncoʹ ading tupe?” Un dau mayur mipa: “Adeʹ ban tisen ncoʹ isiu Gerika?

PEMUYAN 22:3

“Akeʹ ne ca lepoʹ Yahudi iaʹ ban pempet kaʹ lepoʹ Tarsus kaʹ tanaʹ Kelikia. Nai heʹ kaʹ lepoʹ Yerusalim ini pekalai neng Gamalil iaʹ guru heʹ. Lepa ne akeʹ alaʹ katuk iaʹ telit bayaʹ adet tepun le. Sanget ngan temek pe akeʹ lemameʹ palaʹ Allah, koʹ baʹan seʹ kem mung tau ini are.

PEMUYAN 23:27

Ban lepoʹ Yahudi dakep laki ini, ubaʹ ke lematai ia. Nai heʹ peging ngan sedadu heʹ, sau ia, moʹ keʹ kenahan dau ue ca anak lepoʹ Rum.

PEMUYAN 23:34

Kun gebenur baca surat ina, penco ho lemutu tanaʹ cen mpi ukoʹ o. Tegoʹ o tisen ban Paulus ne ca laki cen tanaʹ Kilikia,

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 9:11

Un dau Tuhan neng ia: “Petenup ne ikoʹ. Tai hoʹ masat kaʹ janan iaʹ ngadan ne Janan Telit. Ikoʹ ke taʹan ca laki ngadan ne Saul lepoʹ Tarsus kaʹ amin Yudas de. Un te Saul lemameʹ kina te.

PEMUYAN 9:30

Un diaʹ cenganak ke dalem Tuhan dina, tai re tisen neng puyan ina, penco re ngkin Saul kaʹ Kaisaria, kun nte cuk ia tai kaʹ lepoʹ Tarsus.

1 PETERUS 3:15

Un sepuʹo nyalet ne Keristus dalem penawai hem, iaʹ atek Tuʹa penina hem. Tiga hem tenup lemuto ke mipa me aheʹ aheʹ iaʹ lemutu sen neng tebelum iaʹ un neng ikem.