PEMUYAN 21:34 - Kenyah New Testament

³⁴ Un palai mida ngelengap badaʹ pekini, un pe palai badaʹ pekina. Moʹ o maho laleʹ, abeʹ mayur ina tisen iaʹ mpi iaʹ lan, ina ukoʹ o cuk ida ngkin Paulus kedalem amin sedadu.

PEMUYAN 21:34 Iomraidhean Croise

PEMUYAN 19:32

Dalau dulu bisau bisau dau pekina, un palai pisiu pekini, un palai pisiu pekina, moʹ dulu diaʹ pempun dina muʹo tai kasing diseʹ de. Kadoʹ de diaʹ abeʹ un tisen inu iaʹ ukoʹ de tai pempun kina.

PEMUYAN 21:37

Kena re ke ngkin ia kedalem amin sedadu ina, kun Paulus pisiu mayur sedadu ina: “Ahaʹ amai, senteng ngkeʹ ke pisiu ngan ncoʹ ading tupe?” Un dau mayur mipa: “Adeʹ ban tisen ncoʹ isiu Gerika?

PEMUYAN 22:24

Penco mayur ina cuk sedadu ue tai ngkin Paulus kaʹ amin sedadu dina. Kun ne cuk sedadu ue ke lemeta Paulus, apan nte tisen inu tuman dulu ngelengap pekina dau neng ia.

PEMUYAN 22:30

Neng kenempam me, mayur ina ubaʹ ke ngetisen puyan ina ngan lan lan, selu inu ban tuman lepoʹ Yahudi mekem salaʹ me Paulus. Idi ukoʹ o cuk dulu mubai ngan sau beka ampit malat te. Kun ne cuk diaʹ detaʹu lataʹ nai pempun, peging ngan ketoʹ Mpun diaʹ Lataʹ dina. Sulo nai ie ngkin Paulus, cuk ia nekejeng nyeripa ida.

PEMUYAN 23:10

Dalau ketai ie kenyarem dau re pekenca, un mayur sedadu ina tai takut ne ia, malap dulu ke pesepit Paulus. Kun ne cuk sedadu dina puno nai alaʹ Paulus cen ahang mpun ina, penco ngkin ia kaʹ amin sedadu.

PEMUYAN 23:16

Un sadin Paulus ca leto, un anak laki ie, ia kenahan dau peket dulu ina, penco ketai ie kedalem amin sedadu, badaʹ isiu ini me Paulus.

PEMUYAN 23:32

Neng kenempam me, un diaʹ lepat dina nai re ngeliwet kaʹ lepoʹ Yerusalim kaʹ amin nte ne. Un diaʹ ngedung neng kuda dina, ida diaʹ tai penco tugung Paulus.

PEMUYAN 25:26

Di ie abeʹ keʹ tisen inu iaʹ akeʹ ke nyurat palaʹ laki paren bioʹ ina. Ina ukoʹ keʹ ngkin ia palaʹ ikem pat mung, ading nge palaʹ ikoʹ amai Ageripa, apan buk ke tai tugen puyan ini, senteng te akeʹ ke nyurat ca luʹung tiraʹ ʹo.