PEMUYAN 21:27 - Kenyah New Testament

²⁷ Dalau ketai nyeng kesukung tujoʹ tau majan Paulus muheʹ usa ha, nai kun diaʹ lepoʹ Yahudi cen Asia. Ida taʹan Paulus un kedalem Umaʹ Palan Allah ina. Kun nte pebingaʹ dulu, penco re dakep Paulus,

PEMUYAN 21:27 Iomraidhean Croise

LUKAS 21:12

“Kenaʹ ke kenai luhaʹ puyan ina, dulu ke dakep ngan peketa ikem. Dulu ke mekem salaʹ mikem kaʹ amin sebayang Yahudi, ngan ke nyepin ikem ʹo. Dulu ke ngkin ncem kata diaʹ paren ngan perinta moʹ suaʹ ngadan nceʹ.

PEMUYAN 13:50

Un palai lepoʹ Yahudi pekana neng diaʹ lataʹ lepoʹ ina, peging ngan leto diaʹ paren lepoʹ ina diaʹ sebayang palaʹ Allah dina. Pekina seʹ tading nte ubaʹ ke nyakit Paulus ngan Barnabas, penco re muyung ida dua tai kelap cen lepoʹ de.

PEMUYAN 14:19

Nai pelaʹa lepoʹ Yahudi cen Antiukia iaʹ kaʹ tanaʹ Pisidia are, abeʹ kaʹ ina. Penco re pekana dulu kina ke lemulo Paulus, sulo re mihit ia kawang lepoʹ. Ida kenaʹ matai ne ia.

PEMUYAN 14:2

Un palai lepoʹ Yahudi diaʹ abeʹ un ubaʹ ke ngelan dina, kun nte pekana dulu diaʹ ca, ngan pesakit kimet de, apan nte ke nyakat diaʹ cenganak le dalem Tuhan dina.

PEMUYAN 14:5

Uʹo ina pelaʹa tai peseket ne palai lepoʹ Yahudi, ngan diaʹ ca dina, peging ngan pengelataʹ lepoʹ de, ubaʹ ke ngejaʹat ngan ke lemulo batu neng Paulus ngan Barnabas, diaʹ lawa Injil dina.

PEMUYAN 16:6

Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 17:13

Un sepuʹo dalau lepoʹ Yahudi iaʹ kaʹ Tisalunika ne tisen ban Paulus iaʹ badaʹ tiraʹ Allah kaʹ Beria, nai kun nte kaʹ ina. Penco re ngasing kimet dulu ngan pebingaʹ lepoʹ ina.

PEMUYAN 18:12

Dalau Galio tai gebenur ngkang perinta kaʹ tanaʹ Gerika, nai kun lepoʹ Yahudi diaʹ kuaʹ ayo ban peseket ubaʹ ke nyakit Paulus. Penco re dakep ia, ngkin ia kukoʹ diaʹ lataʹ pebetep tiraʹ.

PEMUYAN 2:9

Ilu dini cen lepoʹ Partia, ngan Media, lepoʹ Ilam, ngan dulu diaʹ cen Mesuputami, ngan Yudia, ngan Kapadukia, ngan Puntus, ngan Asia,

PEMUYAN 20:19

Akeʹ ca ulaʹ Tuhan iaʹ pegayeng mia ngan toʹ libaʹ kimet ceʹ, ngan tite luloʹ keʹ, pekina pe dalau penaru iaʹ nai cen lepoʹ Yahudi diaʹ ban peseket ke ti akeʹ.

PEMUYAN 24:11

Ke tisen te ikoʹ, moʹ abeʹ e tai lapa puloʹ dua tau cen uʹo heʹ tai pukat kaʹ Yerusalim, tai sebayang.

PEMUYAN 24:18

Dalau ketai kuʹo adet ceʹ ngebuheʹ usa heʹ, nai re diaʹ peneti ngan nceʹ tegoʹ akeʹ dalem Umaʹ Palan Allah, jinan nceʹ naʹ pengencai heʹ me Allah. Abeʹ keʹ pemung ngan mpun dulu dalau ina, abeʹ pia un maho dau dulu.

PEMUYAN 26:21

Ban suaʹ puyan pekina, ina ukoʹ lepoʹ Yahudi ban dakep akeʹ dalem Umaʹ Palan Allah are. Kun nte ten ke lematai akeʹ.

PEMUYAN 4:3

Sulo re mapo ida dua kina, penco nyepin ida dua pabeʹ neng kenempam me, moʹ dalau ketai tahup.

PEMUYAN 5:18

Sulo re dakep diaʹ lawa Injil dina, penco naʹ ida dalem amin sepin lepoʹ ina.

PEMUYAN 6:12

Ngan puyan iaʹ pekini ida pebingaʹ dulu, ngan diaʹ lataʹ, ngan diaʹ guru Katuk Adet Musa, penco re nyudup Stipanus, meseng ia, penco re ngkin ia palaʹ Mpun diaʹ Lataʹ dina.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

2 KURINTUS 11:26

Dalem pengaset ceʹ un kudaʹ liwai heʹ taru kuʹun sungai lempam, pekina pe taru kuʹun kejamun, pekina pe taru kuʹun kelunan, kuaʹ Yahudi pekina pe kuʹun dulu diaʹ ca lete. Un pe taru kaʹ lepoʹ bioʹ, un pe taru kaʹ dalau baʹi, un pe taru kaʹ banget, un pe taru kuʹun cenganak palo lete.

1 TESALUNIKA 2:16

Pit laʹa ida ten ke mempeng ameʹ, mulen ameʹ badaʹ denga ini palaʹ lepoʹ diaʹ ca, denga katuk ini iaʹ senteng ke pudip ida dalem Tuhan. Ini ne iaʹ kuʹo bioʹ neng mung penyalaʹ diaʹ ida lemuto uyan ne. Ngan naʹkini lepa ne kenca Allah mencit ida.