PEMUYAN 21:20 - Kenyah New Testament

²⁰ Lepa re kenahan dau puyan ina, penco re pempau Allah. Kun dau re neng Paulus: “Ahaʹ cenganak, tisen ne ikoʹ ban kudaʹ ibu diaʹ lepoʹ Yahudi diaʹ lepa ngelan Tuhan Yesus di lareʹ mung nte caʹ tudep lepe ida kanan Katuk Adet Musa.

PEMUYAN 21:20 Iomraidhean Croise

MATIUS 9:8

Tegoʹ dulu diaʹ ca taʹan seʹ puyan ina, takut ne tekaʹ de, mentung nte pempau Allah iaʹ lepa mencai puyan nyingan iaʹ pekina bioʹ palaʹ ilu kelunan.

LUKAS 12:1

Dalau ina ketai kudaʹ ibu usa pempun, pa re cut taket de peselepeʹ. Un dau Yesus pisiu neng diaʹ bayaʹ katuk ke: “Jagaʹ ne ikem lemuto neng ala lamut Perisi, iaʹ ina neng puyan ngaloʹ de.

LUKAS 15:32

Tekep te ilu tiga saheʹ ngan bangen tawai, moʹ sadin ncoʹ ini seleket ban matai, ngan nai ie ngeliwet mudip pe ini laʹa. Lepa tutang ne ia are, belekaʹ nai ie luhaʹ pe ini laʹa.’ ”

YAYA 12:24

Lan dau heʹ mikem, ukoʹ baʹan le ke pekata luang padai are. Ca bute padai ke nahung ca bute tuaʹ le, buk le abeʹ un lemahaʹ a kaʹ tanaʹ penco matai. Buk ke matai, ina le ia ke kadoʹ buʹan ne.

PEMUYAN 11:18

Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”

PEMUYAN 15:1

Nai palai dulu cen tanaʹ Yudia nyabeʹ kaʹ lepoʹ Antiukia. Pekini dau katuk de neng cenganak dalem Tuhan dina, kun dau re: “Buk kem are sihoʹ sunat bayaʹ Katuk Adet Musa, abeʹ kem senteng ke alaʹ udip iaʹ ke pudip ikem dalem Tuhan ʹo.”

PEMUYAN 15:24

Ameʹ kenahan ban un palai kelunan diaʹ nai cen Mpun meʹ, diaʹ nai ngkin tiraʹ bareng iaʹ ngasing kimet cem. Iaʹ lan ne, abeʹ meʹ cuk ida nai pekina.

PEMUYAN 15:5

Un palai diaʹ Perisi diaʹ lepa ngelan, nai beteʹ. Un dau re: “Abeʹ senteng are ke nyunat ida dina, ngan cuk ida bayaʹ Katuk Adet Musa.”

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

PEMUYAN 22:3

“Akeʹ ne ca lepoʹ Yahudi iaʹ ban pempet kaʹ lepoʹ Tarsus kaʹ tanaʹ Kelikia. Nai heʹ kaʹ lepoʹ Yerusalim ini pekalai neng Gamalil iaʹ guru heʹ. Lepa ne akeʹ alaʹ katuk iaʹ telit bayaʹ adet tepun le. Sanget ngan temek pe akeʹ lemameʹ palaʹ Allah, koʹ baʹan seʹ kem mung tau ini are.

PEMUYAN 4:21

Pali kuʹo ke Mpun diaʹ Lataʹ dina mulen ida dua laʹa, penco re pawang ida dua tai uleʹ. Abeʹ un penading ukoʹ de senteng ke nyakit ida dua, moʹ mung dulu pempau Allah kuʹun puyan iaʹ lepa ban nuyan ina.

PEMUYAN 4:4

Un sepuʹo kadoʹ ne dulu iaʹ lepa kenahan tiraʹ ina ngan ngelan ne. Toʹ kadoʹ laki dina kihoʹ kihoʹ lema ibu usa diaʹ ngelan.

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

RUM 10:2

apan akeʹ iaʹ badaʹ tugen mida, idi re sanget lemameʹ palaʹ Allah. Un sepuʹo abeʹ penyanget de pesente neng penisen iaʹ teneng,

GALATIA 1:14

Akeʹ ne iaʹ atek muhat neng ʹo kelunan Yahudi diaʹ pekuaʹ udip ngan nceʹ, neng puyan pengelan nceʹ palaʹ adet Yahudi. Akeʹ ne iaʹ atek sanget neng toʹ adet tepun le cen naʹaʹ neng ʹo kelunan dina.

GALATIA 1:24

Pekina ne puyan nte pempau Allah ban tuman akeʹ.

2 TESALUNIKA 1:10

Tegoʹ Tuhan kenai luhaʹ dalau ina, ia ke alaʹ serema peniga ha tengen cen mung kelunan diaʹ anun ne. Pekina pe ia ke alaʹ selama cen mung kelunan diaʹ ngelan ia. Ngan ikem ne iaʹ ke kahum ngan nte dina ʹo, moʹ kem ban ngelan dau katuk iaʹ ameʹ lepa badaʹ mikem are.