PEMUYAN 21:19 - Kenyah New Testament

¹⁹ Kun Paulus badaʹ saheʹ tawai ie palaʹ ida, penco ho nepuʹun badaʹ tahaʹ ca tahaʹ ca, mung puyan iaʹ Allah uyan cen ban gayeng nge neng ahang dulu diaʹ tahaʹ awang Yahudi.

PEMUYAN 21:19 Iomraidhean Croise

MATIUS 23:7

Moʹ de ubaʹ dulu ke nyelama ida ngalang pasen, ngan pisiu ida ‘Guru.’

PEMUYAN 1:17

Yudas lepa sihoʹ cap ngan le uban Tuhan lepa lemileʹ ia alaʹ tulat neng gayeng le.”

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:12

Mung nte dina beringa tuaʹ ne ida, sulo re ngeringa dau Barnabas ngan Paulus badaʹ neng mung tedanaʹ bulen ngan puyan nyingan iaʹ ban Allah uyan neng ahang dulu diaʹ tahaʹ awang Yahudi kuʹun nte dua.

PEMUYAN 15:4

Abeʹ ne ida kaʹ Yerusalim, kenai Mpun diaʹ ngelan Tuhan kina, peging diaʹ tuʹa Mpun, ngan diaʹ lawa Injil dina, nyelalang ngan nyelama ida pat. Kun nte badaʹ mung ban pemuyan Allah kanan ida.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

2 KURINTUS 12:12

Puyan iaʹ badaʹ ban akeʹ ca lawa Injil lepa luhaʹ neng ahang ikem, peging ngan puyan denaʹ tawai pe. Lepa un puyan tedanaʹ, un pe puyan bulen, un pe puyan nyingan.

2 KURINTUS 6:1

Ina ukoʹ ameʹ diaʹ pemung pegayeng ngan Allah taten dau nyat ikem: alaʹ ne pengelesau Tuhan Allah, iaʹ ia lebang naʹ ina, ngan ayen peterai ie pelo-lo.

KULUSE 1:29

Tuman ina, jengan ngan nengayet tekaʹ keʹ ke kanan penyukat pali, iaʹ Keristus naʹ makeʹ, iaʹ pegayeng dalem usa heʹ.