PEMUYAN 21:13 - Kenyah New Testament

¹³ Un dau Paulus: “Inu hem nange ngan ngelemaʹ tekaʹ penawai heʹ tupe? Lepa tenup ne akeʹ talan ne dulu lemeka akeʹ kaʹ Yerusalim. Naʹ pe akeʹ matai, tenup ne akeʹ moʹ tuman ban Tuhan Yesus.”

PEMUYAN 21:13 Iomraidhean Croise

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 20:37

Mung diaʹ tuʹa Mpun kaʹ Ipesus dina, mung nte nange, mentung nte nyekapu batuk Paulus, seʹ de maʹoʹ ia.

PEMUYAN 5:41

Kenai diaʹ lawa Injil dina mecin kukoʹ Mpun diaʹ Lataʹ dina ngan bangen tawai re, moʹ Tuhan kuma ha tekep de sihoʹ saʹe kuʹun ngadan Yesus ne.

PEMUYAN 9:16

Akeʹ tengen ke badaʹ mia neng mung tuyen iaʹ tekep ke sihoʹ ia moʹ kuʹun ngadan nceʹ.”

1 KURINTUS 15:31

Ahaʹ cenganak, singket tau ne akeʹ nengayet neng puyan patai. Akeʹ pekini dau moʹ tekaʹ keʹ selum tuman ikem, tuman puyan pengudip le iaʹ pebulung kaʹ dalem Keristus Yesus, Tuhan le.

PILIPI 2:17

Naʹ pe dahaʹ keʹ ke musa nuyan koʹ baʹan telang iaʹ pubeʹ kempau liwa, ina seleket pengencai hem. Ngan un pengelan ncem pemung ngan dahaʹ keʹ ina ketai nuyan pengencai liwa palaʹ Allah. Buk keʹ matai pekina ʹo, bangen tekaʹ keʹ, ngan pemung le ikem ke tisen kaʹ bangen nceʹ.

PILIPI 2:26

Bioʹ tekaʹ bampa Ipap-ruditus ubaʹ ke taʹan ikem mung. Janga tekaʹ tawai ie, moʹ kem lepa kenahan dau ue ban sakit are.

KULUSE 1:24

Naʹkini bangen tekaʹ kimet ceʹ kuʹun penuyen iaʹ un neng akeʹ ban tuman ikem. Ban ne man penuyen usa heʹ ini, akeʹ sukat ke mepo ngan pesukung penuyen Keristus iaʹ caʹ lelum ban tuman usa ha, iaʹ ina Mpun diaʹ ngelan ia.

2 TIMUTIUS 1:4

Moʹ keʹ petawai luloʹ koʹ, tai bampa ne tekaʹ keʹ ubaʹ ke taʹan ikoʹ, apan bioʹ tekaʹ saheʹ keʹ ʹo.

2 TIMUTIUS 4:6

Un sepuʹo akeʹ ini, lepa ne akeʹ petenup ke mencai usa heʹ. Moʹ tuket ceʹ ke mecin usun tanaʹ ini, kena ha abeʹ ne ini.

2 PETERUS 1:14

Moʹ tisen ne akeʹ, abeʹ e ke majan laʹa akeʹ ke mahung usa kelekep ini, koʹ baʹan dau Tuhan le Yesus Keristus iaʹ ban badaʹ a makeʹ.

PUYAN LUHA’ 12:11

Mung diaʹ cenganak le dina lepa tai un usun neng ia moʹ kuʹun dahaʹ Anak Dumba ina, ngan kuʹun katuk telit iaʹ ida penco. Abeʹ cenganak le dina mawaʹ neng udip de, inu pia pa matai.

PUYAN LUHA’ 3:10

Lepa ne ikem nawai dau heʹ cuk ikem dadoʹ kimet are, ina ukoʹ keʹ ke petubo ikem lete tegoʹ penaru bioʹ iaʹ ke nai abeʹ libut usun tanaʹ ini ʹo, ke ten mung kelunan diaʹ kusun tanaʹ ini.