PEMUYAN 21:11 - Kenyah New Testament

¹¹ Nai Agabus palaʹ ameʹ pat, kun ne alaʹ seketeng Paulus, lemeka seketeng Paulus neng taket te tengen ngan neng ujoʹ o, un dau ue: “Pekini dau isiu Berua Buheʹ: ‘Uban un laki iaʹ un seketeng ini ʹo, pekini te diseʹ lepoʹ Yahudi ke lemeka ia kaʹ Yerusalim ʹo, ngan ke naʹ ia palaʹ dulu diaʹ ca ʹo.”

PEMUYAN 21:11 Iomraidhean Croise

YAYA 18:1

Lepa Yesus pisiu dalem temameʹ e, tai kun ne mecin pemung ngan diaʹ bayaʹ katuk ke, tai tahaʹ dipa sungai iʹut ina iaʹ ngadan Kidrun, iaʹ kukoʹ un pula. Kina ketai Yesus pemung ngan diaʹ bayaʹ katuk ke ne.

PEMUYAN 13:2

Dalau re pat lemameʹ Tuhan ngan lemalan abeʹ un uman, un dau Berua Buheʹ neng ida: “Nengen ne Barnabas ngan Saul makeʹ, idi re tai mejo gayeng ngkeʹ neng iaʹ ukoʹ keʹ mengin ida.”

PEMUYAN 16:6

Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 20:23

Bang iaʹ akeʹ tisen ke un puyan meput ngan taru iaʹ mabang akeʹ ʹo, moʹ kaʹ singket singket lepoʹ un Berua Buheʹ iaʹ ban nugen badaʹ puyan iaʹ pekina makeʹ.

PEMUYAN 21:33

Penco kenai mayur sedadu ina ngenyeng ngan dakep Paulus, tai cuk dulu lemeka ia man dua re beka ampit malat. Kun mayur ina lemutu, un dau ue: “Aheʹ laki ini tupe? Inu ban pemuyan ne are?”

PEMUYAN 21:4

Kina meʹ petegoʹ ngan diaʹ ngelan Tuhan, ngan ngelineʹ meʹ ngan nte kina pa dalem tujoʹ tau. Un palai mida diaʹ pisiu kuʹun Berua Buheʹ, ida iaʹ badaʹ me Paulus mulen ia ketai kaʹ Yerusalim.

PEMUYAN 22:25

Dalau re ke ngaput ia man tali anit kena re ke lemeta ia, un dau Paulus neng kaptin sedadu iaʹ nekejeng dudo ia, kuma ha: “Un ne bayaʹ dau adet buk ke lemeta lepoʹ Rum kena hem ke pebetep tiraʹ iaʹ badaʹ salaʹ a tupe?”

PEMUYAN 24:27

Dua uman uʹo ina, sulo Parkius Pistus nyaliu Pilik neng gayeng. Uban Pilik ubaʹ ke alaʹ tawai lepoʹ Yahudi, ina ukoʹ o caʹ meput Paulus dalem amin sepin.

PEMUYAN 26:29

Kun dau Paulus: “Naʹ pe ia ke nuat, inu pe ia ke majan, akeʹ lemameʹ Allah, abeʹ e bang amai tuaʹ le, di pareʹ mung ngkem diaʹ kenahan dau heʹ tau ini, awaʹ ne ikem ban ngelan koʹ baʹan akeʹ are, bang beka ampit ini le iaʹ are kahum kidi.”

PEMUYAN 28:17

Lepa ketelu tau ue, kun Paulus mengin mung diaʹ lataʹ Yahudi iaʹ un neng lepoʹ ina, nai pempun. Uʹo kenai re pempun, un dau ue neng ida: “Ahaʹ cenganak keʹ mung, naʹ pe akeʹ abeʹ un uyan ca inu iaʹ jaʹat neng lepoʹ le, pekina pe neng adet tepun le, un sepuʹo dulu nyepin nceʹ kaʹ Yerusalim, sulo re mahung akeʹ me lepoʹ Rum.

PEMUYAN 28:20

Puʹun nceʹ mengin ikem kini, moʹ keʹ ubaʹ ke taʹan ikem, ngan ke pisiu ngan ncem. Tuman nceʹ sihoʹ beka ampit malat ini ban kuʹun tebelum lepoʹ le Israil neng Laki iaʹ Keniga ilu.”

PEMUYAN 28:25

Pekina ne diseʹ ketai re ke uleʹ nuʹo. Un selepeʹ dau neng ahang ida ban kuʹun ca jo tiraʹ Paulus iaʹ pekini dau: “Ban atek lan koʹ baʹan dau tiraʹ Berua Buheʹ man isiu pegawa Yesaya palaʹ diaʹ tepun le are, iaʹ kuma ha:

PEMUYAN 8:29

Kun Berua Buheʹ pisiu Pilipus: “Tai ne ikoʹ ngenyeng laki bioʹ lepoʹ Itiupia ina, tai pemung ngan ne neng kerita haʹ.”

PEMUYAN 9:16

Akeʹ tengen ke badaʹ mia neng mung tuyen iaʹ tekep ke sihoʹ ia moʹ kuʹun ngadan nceʹ.”

IPESUS 3:1

Cen diaʹ pekina, ina ukoʹ keʹ lemameʹ palaʹ Allah. Akeʹ iaʹ Paulus, iaʹ ban tai sihoʹ sepin kuʹun Keristus Yesus moʹ tuman ikem diaʹ tahaʹ awang Yahudi.

IPESUS 4:1

Cen diaʹ pekina, taten dau heʹ mikem. Akeʹ iaʹ sihoʹ sepin dalem gayeng Tuhan. Tekep kem uyan puyan pengudip kem kuaʹ puyan pengudip iaʹ Allah nguaʹ neng ikem, dalau ue mengin ikem are.

IPESUS 6:20

Moʹ kuʹun Denga Injil ini heʹ tai ca lawa Tuhan, naʹ pe naʹkini heʹ sihoʹ sepin. Ina ukoʹ lemameʹ kem makeʹ, apan nceʹ tempa ke badaʹ Denga Injil ngan isiu iaʹ tekep akeʹ ke pisiu.

1 TIMUTIUS 4:1

Berua Tuhan iaʹ peluhaʹ milu: un tegoʹ ketai kuʹo udip uʹo, ke un palai diaʹ ke lepo pengelan nte, moʹ de tai tunuk bali diaʹ pelingu kelunan, ngan bayaʹ dau katuk bali dina.

2 TIMUTIUS 2:9

Suaʹ keʹ ban pedenga Denga Injil ini, koʹ keʹ sihoʹ tuyen pa heʹ sihoʹ beka ampit malat, koʹ baʹan ca usa diaʹ ban pepuk kuʹun penyalaʹ are. Un sepuʹo tiraʹ Tuhan, abeʹ e tisen beka ampit malat.

IBERANI 10:34

Ikem kuaʹ tuyen ngan kelunan diaʹ sihoʹ sepin. Tegoʹ dulu magang mung inu hem, bangen seʹ kem neng puyan pengebura hem are. Moʹ ikem tisen petem un ca puyan iaʹ pelapa tiga, iaʹ ke un pa majan.

IBERANI 3:7

Tuman ina, sihoʹ dau Berua Buheʹ iaʹ kuma ha: “Buk tegoʹ tau ini ikem kenahan dau Allah,

1 PETERUS 1:12

Allah iaʹ petisen diaʹ pegawa dina, abeʹ de pegayeng bang mida tengen le, di lareʹ seʹ de pegayeng mikem, moʹ de penco tiraʹ iaʹ lan, iaʹ ikem ban alaʹ naʹkini. Moʹ naʹkini diaʹ lawa Injil penco katuk dalem penyukat Berua Buheʹ, iaʹ Allah ban cuk nai cen surga. Ida iaʹ badaʹ tiraʹ iaʹ lan mikem, ngan ubaʹ pe melikat ke tisen kidi.