PEMUYAN 20:7 - Kenyah New Testament

⁷ Tai tahup Tau Kelineʹ, tai meʹ pempun ke pemung uman neng daya Tuhan. Petiraʹ ne Paulus me mpun nte kina ngan dadoʹ dau tiraʹ a, pa ketai ie beluaʹ alem, moʹ kaʹ kimet te ubaʹ ketai puke neng kenempam me.

PEMUYAN 20:7 Iomraidhean Croise

MARKUS 16:9

Mempam mempam Tau Mingku, uʹo lepa Yesus ngeliwet mudip cen patai ie, nai ie luhaʹ ading ading neng ata Mariam Madalina. Cem Mariam ina ne Yesus lepa pekarap tujoʹ de bali ading are. Tai leto dina palaʹ Peterus de telu, penco re badaʹ mung isiu ina are.

LUKAS 22:19

Kun Yesus alaʹ ca luʹung ruti, penco ho nyuaʹ tiga saheʹ palaʹ Allah, kun ne pepiding pepiding nge, mentung nge naʹ a mida. Un dau ue: “Ini ne usa heʹ, ca pengencai moʹ suaʹ ikem. Ikem uyan koʹ baʹan ini are, man ncem ke nawai akeʹ ʹo.”

LUKAS 24:35

Kun nte dua badaʹ pelaʹa puyan iaʹ ban nuyan jinan tai re dua kaʹ Imaus are, ngan kumpin ban tai re dua tisen Yesus tegoʹ o miding ruti ina.

YAYA 20:1

Laho mempam Tau Mingku, petem mentem lepe, tai Mariam Madalina kaʹ liang. Kun ne taʹan batu idai lepa ban lubit ne cen paʹ liang ina.

YAYA 20:19

Tai tahup Tau Mingku, un diaʹ bayaʹ katuk Yesus dina un pempun dalem ca amin, ngan pamen ne pe tenalet uban nte takut kelunan lataʹ lepoʹ Yahudi. Nyeluman kenai Yesus nekejeng kahang ida. Un dau ue: “Denaʹ ne tawai hem.”

YAYA 20:26

Ca mingku uʹo ina, diaʹ bayaʹ katuk dina tai pepeng dalem amin laʹa. Tumas pe un ngan nte. Tegoʹ ina petem palet pe pamen. Un sepuʹo kenai Yesus nekejeng kahang ida ngan kuma: “Denaʹ ne tawai hem.”

PEMUYAN 16:10

Lepa Paulus taʹan neng penaʹat ina are, un tekaʹ meʹ lan ban Allah iaʹ mengin ameʹ kaʹ ina ke badaʹ Denga Injil palaʹ lepoʹ Makedunia. Penco meʹ petenup ketai kaʹ tanaʹ Makedunia.

PEMUYAN 2:42

Ida dina tudep tai pekalai ngan diaʹ lawa Injil dina, ngan kenahum neng udip iaʹ pebeka penawai, pekina pe dalem puyan nte pemung uman ngan lemameʹ palaʹ Tuhan.

PEMUYAN 2:46

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

PEMUYAN 20:11

Nai Paulus kempau, sulo ho pepiding ruti, penco re uman. Majan pe ia petiraʹ laʹa pa nai dema. Uʹo ina le Paulus tai puke.

PEMUYAN 20:31

Ina ukoʹ jagaʹ ne. ngan petawai le ʹo: telu uman majan nceʹ ngan ncem, abeʹ keʹ beto pekatuk ikem singket usa hem, naʹ tau ngan ngahu, mentung ngan tange heʹ le tahaʹ palai.”

PEMUYAN 20:5

Mung nte dina ading tai re pekena ameʹ kaʹ lepoʹ Teruas.

PEMUYAN 20:9

Un ca demanai, ngadan ne Utikus, madung kaʹ paʹ awang, tai ngerungun ne ia. Moʹ majan Paulus petiraʹ, tai gahaʹ ne demanai ina luntoʹ, pa tai ie laboʹ kaʹ tanaʹ cen tekuduk amin iaʹ ketelu ue. Uʹo ina tai dulu alaʹ ia, lepa matai ne ia.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

1 KURINTUS 10:16

Dalau le uman Bunut Tuhan, ilu nisep cen sawan tuman peniga Tuhan, mentung le nyuaʹ tiga saheʹ kuʹun ne. Puyan ina nuyan pekina moʹ le lepa pebulung dalem dahaʹ Keristus. Ruti iaʹ ilu pepiding, ilu pemung uman ne, moʹ le lepa pebulung dalem usa Keristus.

1 KURINTUS 15:10

Un sepuʹo puyan iaʹ nuyan neng akeʹ naʹkini un nuyan kuʹun pengelesau Allah iaʹ ia lebang naʹ milu. Ngan pengelesau iaʹ ia naʹ makeʹ, abeʹ e tai bura tuaʹ le, di lareʹ akeʹ iaʹ tangen pegayeng lapa neng ʹo puyan lawa Injil diaʹ ca. Iaʹ lan ne, abeʹ e puyan pemuyan nceʹ tengen, di lareʹ pengelesau Allah iaʹ ia lebang naʹ milu iaʹ pegayeng ngan nceʹ.

1 KURINTUS 16:2

Neng singket Tau Mingku, tekep ne singket usa hem mahung palai ligit bayaʹ ban pengekadoʹ penalan ncem are. Tiga hem peremun ne, idi dalau heʹ nai ʹo, abeʹ e titin le papit ligit ne.

2 TIMUTIUS 4:2

Pedenga ne tiraʹ Tuhan, ngan lemuto tenup tekaʹ koʹ ke penco tiraʹ ina, mele dalau kumpin kumpin pe. Tiga hoʹ peluhaʹ pemuyan dulu, ngan negun dau neng diaʹ salaʹ. Petangen ida, ngan pekatuk ida man toʹ pengedenaʹ tawai hoʹ.

PUYAN LUHA’ 1:10

Tegoʹ tau Tuhan, un Berua Tuhan nai mesun neng akeʹ. Kun nceʹ kenahan dau lengap tahaʹ likut akeʹ, koʹ bioʹ dau ca tuyau tekepip are.