PEMUYAN 20:32 - Kenyah New Testament

³² Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 20:32 Iomraidhean Croise

MARKUS 10:17

Tai Yesus mecin cen ina moʹ o ubaʹ ketai masat laʹa. Dalau ina lete sulo kenai ca laki ngasa ngan sutlep dudo ia, penco ho lemutu ia, kun dau ue: “Ahaʹ guru iaʹ tiga, kudaʹ pe ikoʹ badaʹ makeʹ ading. Inu puyan iaʹ tekep akeʹ uyan apan nceʹ un udip saheʹ kelineʹ iaʹ ngeriman ʹo?”

YAYA 15:3

Lepa buheʹ ne ikem kuʹun katuk iaʹ akeʹ lepa pisiu mikem.

YAYA 17:17

Petengen ne ida mikoʹ, man sen katuk iaʹ telit lan. Isiu hoʹ iaʹ katuk telit.

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 14:23

Ida dua pedengkep kudaʹ usa diaʹ ke tuʹa re neng singet singket Mpun diaʹ ngelan Tuhan. Mentung nte lemameʹ ngan lemalan abeʹ un uman. Kun nte pelek ida dina palaʹ Tuhan, iaʹ ukoʹ de lepa napi tebelum nte.

PEMUYAN 14:26

Cen ina re dua ngedung neng kapen, penco re puke tai kaʹ lepoʹ Antiukia tanaʹ Siria are, kukoʹ Mpun diaʹ ngelan Tuhan iaʹ ban pelek ida dua palaʹ pengelesau Allah tuman gayeng iaʹ ida dua lepa ban pesukung ina.

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 15:40

Kun Paulus mengin Silas. Kena re ke puke, un diaʹ cenganak dalem Tuhan dina lemameʹ pelek ida dua palaʹ pengelesau Allah iaʹ ke petubo ida dua.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

RUM 8:17

Moʹ le anak ke, inu iaʹ Allah ban pedemun me diaʹ anun ne, ilu ke un ne. Ngan inu iaʹ Allah pedemun me Keristus, ke pemung pe ilu ke un ne ngan ne pelaʹa. Moʹ buk le pemung penuyen ngan Keristus, ilu lete ke pemung ngan ne dalem serema peniga ha ʹo.

1 KURINTUS 1:2

Palaʹ Mpun iaʹ anun Allah, iaʹ un kaʹ lepoʹ Kurintus. Iaʹ ina palaʹ mung kelunan diaʹ lepa sihoʹ pengin ke tai nuyan kelunan buheʹ iaʹ Allah ke un. Allah iaʹ un ida moʹ kuʹun puyan nte pebeka tawai dalem Keristus Yesus. Ida iaʹ pebulung ngan kelunan diaʹ lemameʹ man ngadan Tuhan le Yesus Keristus ngalang kempi kempi kukoʹ de. Tuhan nte, ia lete Tuhan ne.

1 KURINTUS 6:10

pekina pe diaʹ bekelau, ngan kelunan tutun, ngan diaʹ mabuk, ngan diaʹ pejaʹat dulu, ngan diaʹ ngelunyeʹ dulu, mung dina abeʹ de ke kahum neng puyan pengaren Allah ke ngaren ilu kelunan ʹo.

1 KURINTUS 6:11

Cen naʹaʹ un palai neng ahang ikem diaʹ pekina puyan nte, un sepuʹo lepa ne Allah muheʹ ikem cen penyalaʹ, ngan ia iaʹ lepa nengen ikem neng iaʹ buheʹ, ngan ia iaʹ peteneng ikem ngan ne kuʹun pemuyan Tuhan Yesus Keristus, ngan pemuyan Berua Tuhan iaʹ un ilu.

1 KURINTUS 6:9

Tisen te ikem tupe? kelunan diaʹ uyan jaʹat, nyahut de ke kahum dalem peniga pengaren Allah ne. Ayen ncem lemalo usa hem tengen. Kelunan diaʹ pemung kena re ke pepeto, pekina pe diaʹ ngelan uyat, pekina pe diaʹ petaro, pekina pe leto diaʹ taro neng leto, pekina pe laki diaʹ taro neng laki,

IPESUS 1:14

Berua Buheʹ ina iaʹ koʹ baʹan ca kedatung milu, neng iaʹ Allah lepa petuket ke naʹ me kelunan diaʹ anun ne. Idi le un tebelum pa kenai Allah ke pawang toʹ kelunan diaʹ anun ne kelap cen iaʹ jaʹat. Tiga le pempau Allah kuʹun serema peniga ha.

IPESUS 1:18

Akeʹ nyat pelaʹa apan mata penawai hem ketai pesik, idi hem tai taʹan dema ha, apan ncem tai tisen tebelum dalem pengin Allah neng ikem. Pekina pe apan ncem tai tisen kumpin bioʹ puyan peniga iaʹ ia petuket ke naʹ me kelunan diaʹ anun ne.

IPESUS 4:12

Ia uyan pekina moʹ o ke pedengkep mung nte diaʹ anun Allah, apan nte mencam pasat gayeng nge dalem nte ke pepo medeng usa Keristus.

IPESUS 4:16

Moʹ cen ulu ue, mung senganan neng usa un tuk iaʹ dengkep. Ngan toʹ usa ina pedapit neng ca le kuʹun uhat buku neng singket te. Buk singket naʹan senganan dalem usa ina pegayeng bayaʹ kelayen nte iaʹ tekep, toʹ usa ina ke nai un pit ngan ke nekedeng tengen, moʹ mung puyan dina nuyan kuʹun malaʹ.

IPESUS 5:5

Petawai lan le ikem neng ini. Moʹ aheʹ iaʹ pemung nyelem, pekina pe diaʹ uyan diaʹ mano, pekina pe diaʹ tutun, nyahut de ke un tulat dalem puyan pengaren Keristus ngan Allah ke ngaren ida. Moʹ un diaʹ tunuk neng puyan tutun, kuaʹ koʹ baʹan puyan nte tunuk neng uyat.

KULUSE 1:12

Bangen tekaʹ le nyuaʹ tiga saheʹ palaʹ Allah iaʹ lepa uyan ikem tekep ke alaʹ tulat cem neng puyan iaʹ Allah lepa petenup me diaʹ anun ne dalem pengaren Allah iaʹ sangan kuʹun serema ha.

KULUSE 2:7

Ngepakat ne dalem Keristus, ngan medeng ne pengudip kem pebesun neng Keristus apan pengelan ncem tai un pit ngan pali, koʹ baʹan katuk iaʹ ikem lepa tisen are. Tiga hem lemuto nyuaʹ tiga saheʹ neng singket naʹan pemuyan Tuhan.

KULUSE 3:24

Nawai ne, ikem lete iaʹ ke alaʹ bang ngkem cen Tuhan ʹo. Ikem ke alaʹ inu iaʹ Tuhan lepa petenup me diaʹ anun ne, moʹ iaʹ lan ne, ikem pegayeng me Keristus.

IBERANI 10:14

Ina ukoʹ man ca pencai liwa tuaʹ le Keristus lepa pedaʹam pa majan mung kelunan diaʹ buheʹ cen penyalaʹ.

IBERANI 13:9

Ayen buhaʹ naʹan naʹan katuk bulen ke peduncau ikem. Tiga ne penawai le nuyan salet kuʹun pengelesau Allah. Abeʹ tiga le nebelum palan penguman ke nyalet penawai le. Moʹ kelunan diaʹ bayaʹ adet pekina, abeʹ un bang nte kuʹun ne.

IBERANI 2:11

Yesus iaʹ muheʹ kelunan cen penyalaʹ de. Ngan ia, pemung ngan kelunan diaʹ tai buheʹ dina, mung nte un ca le Amai re. Ina ukoʹ Yesus abeʹ un saʹe ke ngahaʹ ida diaʹ cenganak ke.

IBERANI 9:15

Ina ukoʹ Keristus iaʹ peteneng ca penyalet tuket iaʹ mading, apan mung kelunan, diaʹ Allah lepa mengin, senteng alaʹ peniga iaʹ ke un pa majan, iaʹ Allah lepa petuket ke naʹ milu. Puyan ini senteng nuyan uban lepa un ca patai, iaʹ senteng ke pawang kelunan kelap cen pemuyan salaʹ iaʹ ida ti dalau re mudip neng penyalet tuket iaʹ puʹun are.

YAHUDA 1:1

Cen Yahuda ca ulaʹ Yesus Keristus, ngan cenganak Yakup: Palaʹ mung kelunan diaʹ Allah ban mengin are, diaʹ ban mudip dalem pengemalaʹ Allah iaʹ Amai Bioʹ ngan dalem gaham Yesus Keristus iaʹ petubo ida.

YAHUDA 1:20

Un sepuʹo ikem diaʹ cenganak keʹ, nemek ne nekedeng pengudip kem pebesun ne neng pengelan ncem iaʹ atek buheʹ. Lemameʹ ne ikem dalem pengali Berua Tuhan,