PEMUYAN 20:30 - Kenyah New Testament

³⁰ Cen ahang Mpun ncem tengen pe ke kenai palai dulu diaʹ ke badaʹ katuk palo mikem, iaʹ ke ten pedaru ilu diaʹ ngelan Tuhan pa le dancun tai bayaʹ ida.

PEMUYAN 20:30 Iomraidhean Croise

MATIUS 23:15

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Tai hem pelawat banget ngan tai pelibut dale, ke cuk ca usa pupa kimet te. Uʹo ho lepa nai kaʹ dalem adet cem, kun ncem uyan ia utung ukum luten dua liwai lapa neng ʹo ikem.

PEMUYAN 11:26

Dalau Barnabas petegoʹ ngan Saul, penco ho mengin ia kaʹ Antiukia. Pekina tai sukung ca uman majan ne ida dua pebulung ngan Mpun diaʹ ngelan Tuhan kina, mentung nte pekatuk dulu kina. Kaʹ Antiukia tading dulu naʹ ngadan Keristin me kelunan diaʹ bayaʹ katuk Tuhan.

PEMUYAN 21:38

Buk ke pekina, abeʹ koʹ lepoʹ Masir iaʹ ban cen naʹaʹ ke ten ke ngasing dalem lepoʹ, ngan iaʹ ngkin pat ibu usa diaʹ bekelau kaʹ tanaʹ lenga are tupe?”

2 KURINTUS 11:13

Moʹ ida dina, abeʹ de lawa injil lan. Atek lawa injil palo re, moʹ de palo neng puyan gayeng nte mentung pekaliu seʹ puyan nte, pa re un seʹ de koʹ baʹan lawa Injil Keristus lan.

1 TIMUTIUS 5:13

Un pelaʹa leto diaʹ pekina, tai malai leko re, ketai re madung madung singket amin dulu. Pincaʹ pelaʹa tai malai ne ida patu tiraʹ bareng ngan pemiat dulu, mentung nte pisiu neng inu diaʹ abeʹ un tekep ida pisiu.

1 TIMUTIUS 6:5

Kelunan dina pekutat pesakat, moʹ abeʹ un semantet kimet de ne, moʹ abeʹ de un katuk iaʹ telit laʹa. Seʹ de kuma ha adet sebayang ne ca janan man mita ligit.

2 PETERUS 2:18

Mpau dau re pisiu, ngan abeʹ un semantet dau tiraʹ de. Ida kanan puyan asam pengubaʹ usa man nte ngepan dulu diaʹ laho laho ban kelap cen dulu diaʹ mudip dalem iaʹ salaʹ.

1 YAYA 2:19

Ida diaʹ bunoʹ Keristus dina nai luhaʹ cen ahang ilu, sulo mecin ilu. Abeʹ de un atek lemakat cen mpun ilu. Buk de lemakat cen mpun le, atek de tudep ke pemung ngan le lete. Un sepuʹo ida lepa mecin ilu apan ne luhaʹ ban ca usa mida pe abeʹ un lemakat cen mpun le.

2 YAYA 1:7

Lepa kadoʹ ne ketai diaʹ pelingu dulu libut neng usun tanaʹ ini. Abeʹ de tuman dau bayaʹ uban Yesus Keristus lepa nai neng puyan usa kelunan lan. Kelunan iaʹ pekina ne iaʹ pelingu dulu, ngan ia pe atek Bunoʹ Keristus.

PUYAN LUHA’ 2:6

Un ca puyan iaʹ tiga neng ikem, moʹ kem miʹi neng puyan kelunan diaʹ bayaʹ Nikulaus, kuaʹ baʹan akeʹ miʹi neng puyan nte.