PEMUYAN 20:27 - Kenyah New Testament

²⁷ Moʹ lepa ne akeʹ badaʹ mung ban pengubaʹ kimet Allah mikem. Abeʹ keʹ un nyuhuk palai.

PEMUYAN 20:27 Iomraidhean Croise

MATIUS 28:20

Ngan pekatuk ida bayaʹ mung inu iaʹ akeʹ lepa ban cuk ikem. Ngan nawai tiga le neng ini: Akeʹ ke lemuto un ngan ncem, pabeʹ ketai kuʹo udip ini ʹo.” 98

LUKAS 7:30

Naʹ pe pekina, dulu diaʹ Perisi ngan guru Adet Yahudi nyekang dau katuk pengubaʹ Allah mida, mentung nte are dayo Yaya ke ngebatis ida.

YAYA 15:15

Abeʹ keʹ un kuma ikem ulaʹ laʹa, uban iaʹ ulaʹ abeʹ un tisen inu pemuyan iaʹ tuʹa ha uyan. Un sepuʹo akeʹ pisiu ikem diaʹ tuyang ngkeʹ, uban mung dau diaʹ akeʹ kenahan cen Amai heʹ, akeʹ lepa badaʹ mikem.

PEMUYAN 13:36

Lepa ne Daut pegayeng bayaʹ pengubaʹ Allah ngajan udip pe, uʹo ina tai ie matai. Tai re masek ia, pedudo ia ngan tepun ne, ngan madam pe ia.

PEMUYAN 2:23

Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 20:20

Tisen ne ikem abeʹ un ca suhuk katuk keʹ neng ikem. Ban mung tiraʹ iaʹ ngkin bang mikem, mung nge akeʹ badaʹ lete mikem, dalau heʹ pekatuk ikem neng Mpun ncem, ngan pekina pe singket lubang amin ncem.

PEMUYAN 20:35

Neng mung ban gayeng ngkeʹ lepa ne akeʹ peluhaʹ a, nuyan ca kata mikem, apan ncem tisen pelase diseʹ mepo dulu diaʹ lemaʹ, mentung ngkem petawai tiraʹ Tuhan Yesus iaʹ ia tengen badaʹ a milu, kuma ha: ‘Ban pelapa bioʹ bangen kelunan buk de naʹ, cen ʹo re alaʹ.’ ”

1 KURINTUS 11:23

Moʹ katuk iaʹ akeʹ lepa alaʹ cen Tuhan, ina lete iaʹ akeʹ naʹ mikem, iaʹ ina, tegoʹ alem iaʹ dulu ke mencai Tuhan Yesus, kun ne alaʹ ruti,

2 KURINTUS 4:2

Ameʹ nyekang mung naʹan puyan diaʹ selem ngan puyan diaʹ pesaʹe. Abeʹ meʹ mejo puyan panyi-anyi. Pekina pe ameʹ abeʹ un tai lemalo-alo badaʹ tiraʹ Allah. Ameʹ mudip kata Allah kentaʹ katuk telit, seleket kentaʹ tau iaʹ katan. Ngan pekina puyan meʹ nengayet ke mayo mung kelunan diaʹ un tiga kimet dalem penawai re.

GALATIA 4:16

Kumpin? Akeʹ iaʹ bunoʹ kem moʹ keʹ ban badaʹ katuk telit ini palaʹ ikem mo?

IPESUS 1:11

Mung inu tai nuyan bayaʹ sedep pe iaʹ ia pebetep neng kimet te tengen. Ngan Allah lepa lemileʹ ilu ke tai diaʹ anun ne tengen, moʹ o ke pebeka tawai le dalem Kerisus, bayaʹ ban kimet te cen penading nge.

1 TESALUNIKA 2:4

Di lareʹ ameʹ lemuto pisiu pekuaʹ ngan pengubaʹ kimet Allah. Ban ne lepa ne Allah badaʹ kimet te ubaʹ ameʹ, ngan ngelan ameʹ ke ngkang Denga Injil ina. Abeʹ meʹ mita apan kelunan ke pada ameʹ, un sepuʹo iaʹ ameʹ pita apan Allah ke pada ameʹ, moʹ Allah iaʹ nesek jo dalem kimet meʹ.