PEMUYAN 20:25 - Kenyah New Testament

²⁵ “Lepa ne kenai heʹ masat neng ahang ikem badaʹ katuk neng puyan pengaren Allah ke ngaren ilu kelunan. Naʹkini tisen nceʹ, abeʹ kem ke taʹan akeʹ ne laʹa ʹo.

PEMUYAN 20:25 Iomraidhean Croise

MATIUS 10:7

Tai ne ikem ngan badaʹ denga ngan pekini dau hem: ‘Un nyeng ne puyan pengaren Allah ke ngaren ilu kelunan,’

MATIUS 13:19

Kelunan diaʹ kenahan dau katuk neng puyan pengaren Allah ke ngaren ilu kelunan, ngan abeʹ un tisen sen ne, ida dina ne diaʹ koʹ baʹan beneʹ diaʹ ban laboʹ kaʹ sada janan are. Nai ne kun Bali Jaʹat ʹo, magang katuk iaʹ Tuhan lepa mula dalem kimet de.

MATIUS 13:52

Sulo dau Yesus pelaʹa: “Uban pekina ne singket guru Katuk Adet Musa diaʹ nai pekalai bayaʹ katuk puyan pengaren Allah ini, un pekuaʹ ngan ca kelunan iaʹ un amin. Cen lepubung nge ia mencam ke peluhaʹ inu ue diaʹ mading ngan diaʹ puʹun.”

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:23

Yesus tai masat pa tipo tanaʹ Galilia, mentung nge pekatuk dalem singket amin sebayang. Kun Yesus badaʹ denga tiga neng puyan pengaren Tuhan Allah ke ngaren ilu kelunan. Sulo Yesus paget dulu neng ketoʹ naʹan penyakit.

LUKAS 16:16

“Un Katuk Adet Musa ngan surat mung pegawa Tuhan, idi senawan kelunan mudip pa kenai abeʹ Yaya Batis are. Uʹo ina nai luhaʹ Denga Injil neng puyan pengaren Allah ke ngaren kelunan, ngan mung dulu naseʹ ketai kedalem me.

LUKAS 9:60

Un dau Yesus neng ia: “Talan pia diaʹ abeʹ un pengudip dalem Tuhan masek patai neng ata re tengen. Iaʹ un ncoʹ ini, tai ne pedenga puyan pengaren Allah.”

PEMUYAN 20:38

Pasak bihe re ban kenahan dau tiraʹ Paulus iaʹ badaʹ ida abeʹ un ke taʹan ia laʹa ʹo. Pekina ketai re matet ia ka kapen.

PEMUYAN 28:31

Kun ne badaʹ denga neng puyan pengaren Allah ngaren ilu kelunan, ngan badaʹ katuk neng Tuhan Yesus Keristus. Kun ne pisiu ngan tempa dau ue, ngan abeʹ un aheʹ iaʹ penceng ia. 109

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

RUM 15:23

Naʹkini nuʹo, muʹo ne gayeng ngkeʹ dalem dale ini. Un kudaʹ uman ne tekaʹ keʹ bampa ubaʹ ke nai naʹat ikem.

GALATIA 1:22

Dalau ina mung Mpun Keristus diaʹ kaʹ dale Yahudi, abeʹ de taʹan akeʹ lepe.

KULUSE 2:1

Talan ne akeʹ badaʹ mikem kumpin ban nceʹ lepa muhat pegayeng mikem are, ngan me kelunan diaʹ kaʹ lepoʹ Ludikia, ngan pekina pe me mung nte diaʹ abeʹ un taʹan akeʹ lepe.