PEMUYAN 20:24 - Kenyah New Testament

²⁴ Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 20:24 Iomraidhean Croise

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

YAYA 15:27

ngan ikem lete ke badaʹ puyan nceʹ, uban ikem iaʹ lepa un ngan nceʹ cen kena re.

YAYA 17:4

Akeʹ lepa peluhaʹ serema peniga hoʹ neng usun tanaʹ ini, ngan pelepa gayeng iaʹ ikoʹ cuk akeʹ ti are.

PEMUYAN 1:17

Yudas lepa sihoʹ cap ngan le uban Tuhan lepa lemileʹ ia alaʹ tulat neng gayeng le.”

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 13:25

Kena Yaya ke pesukung gayeng nge, un dau ue neng dulu: ‘Ikem kenaʹ aheʹ keʹ tupe? Akeʹ ne, abeʹ akeʹ iaʹ ikem ke mengaʹ kenai idi. Lan dau heʹ, un ca usa iaʹ kenai bayaʹ akeʹ ʹo, di pe ke ngelesoʹ sepatu neng taket te, abeʹ pe akeʹ tekep.’ Pekina dau Yaya.”

PEMUYAN 14:3

Majan diaʹ lawa Injil dina ngelineʹ kaʹ Ikunium ne, ngan tempa dau re badaʹ tiraʹ Tuhan. Tuhan iaʹ peluhaʹ ban lan dau katuk de neng pengelesau ue, ina ukoʹ Tuhan naʹ penyukat man nte uyan puyan nyingan ngan tedanaʹ bulen.

PEMUYAN 15:7

Majan nte pata dau isiu re. Uʹo ina kenai Peterus beteʹ. Un dau ue: “Ahaʹ cenganak keʹ mung, tisen te ikem, cen kena ne Allah lemileʹ akeʹ neng ahang ikem apan nceʹ ke pedenga katuk Injil me dulu diaʹ tahaʹ awang Yahudi, idi re kenahan ngan ngelan ne pe.

PEMUYAN 18:5

Tegoʹ kenai Silas ngan Timutius abeʹ cen tanaʹ Makedunia, un Paulus abeʹ un kelineʹ kelineʹ e penco tiraʹ Tuhan, mentung tugen dau ue badaʹ me lepoʹ Yahudi ban Yesus ina lete iaʹ atek ngkang pungu udip ne.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:23

Bang iaʹ akeʹ tisen ke un puyan meput ngan taru iaʹ mabang akeʹ ʹo, moʹ kaʹ singket singket lepoʹ un Berua Buheʹ iaʹ ban nugen badaʹ puyan iaʹ pekina makeʹ.

PEMUYAN 20:32

Sulo dau Paulus laʹa: “Naʹkini akeʹ pelek kem me Allah iaʹ sukat ke petubo ikem. Akeʹ pelek kem me katuk tiraʹ pengelesau Allah iaʹ sukat ke pedengkep ikem ngan naʹ mikem tulat sioʹ iaʹ Allah petenup ke naʹ me mung kelunan diaʹ anun ne.

PEMUYAN 21:13

Un dau Paulus: “Inu hem nange ngan ngelemaʹ tekaʹ penawai heʹ tupe? Lepa tenup ne akeʹ talan ne dulu lemeka akeʹ kaʹ Yerusalim. Naʹ pe akeʹ matai, tenup ne akeʹ moʹ tuman ban Tuhan Yesus.”

PEMUYAN 22:21

Un dau Tuhan neng akeʹ: ‘Tai ne, moʹ akeʹ iaʹ cuk ikoʹ tai kaʹ coʹ palaʹ kelunan diaʹ tahaʹ awang Yahudi.’ ”

PEMUYAN 9:15

Kun dau Tuhan neng Ananias: “Tai ne ikoʹ sedeʹ. Lepa ne akeʹ lemileʹ Saul ina, ke uyan ia ca senganan man ke pedenga ngadan nceʹ palaʹ dulu diaʹ tahaʹ awang Israil, palaʹ diaʹ paren pe, ngan pekina pe palaʹ lepoʹ Israil.

RUM 11:6

Allah lemileʹ ida dina ban kuʹun pengelesau ue, abeʹ e ban kuʹun pemuyan nte. Moʹ buk Allah lemileʹ ban kuʹun pemuyan nte, abeʹ pengelesau ina atek pengelesau lan.

RUM 4:4

Palaʹ dulu diaʹ pegayeng, un te bang nge. Abeʹ le pisiu bang nte ina koʹ baʹan ca pengencai tuaʹ le, moʹ o atek ban penalan nte.

1 KURINTUS 15:58

Tuman ina cenganak cenganak iaʹ akeʹ malaʹ, nengayet cem tudep ngan temek lemuto-uto. Lemuto sanget cem pegayeng me Tuhan, moʹ kem tisen penyanget cem abeʹ e pelo-lo buk ke sanget dalem gayeng Tuhan.

2 KURINTUS 12:10

Ina ukoʹ denaʹ saheʹ keʹ dalau un puyan lemaʹ, pekina pe dalau dulu pejaʹat akeʹ, pekina pe dalau keta, ngan dalau dulu nyakit akeʹ, ngan dalau taru tuman Keristus. Moʹ dalau heʹ lemaʹ, dalau ina lete akeʹ un pali.

2 KURINTUS 4:1

Abeʹ meʹ tai iʹut tawai, moʹ Allah tengen iaʹ lepa naʹ tulat gayeng ini mameʹ, ban kuʹun pengelesau ue.

2 KURINTUS 4:12

Sen dau ina, un ca puyan patai iaʹ pegayeng dalem ameʹ, un sepuʹo ca puyan udip iaʹ pegayeng dalem ikem.

2 KURINTUS 5:8

Bioʹ penina meʹ, ngan kimet meʹ ubaʹ laleʹ ketai mecin amin usa ini, penco tai pemung amin ngan Tuhan.

2 KURINTUS 7:4

Abeʹ keʹ un babak tekaʹ neng ikem. Atek selum tekaʹ keʹ kuʹun ncem. Naʹ pe kadoʹ naʹan penaru meʹ, ina lemuto tangen tekaʹ tawai heʹ lete, ngan atek lapa laleʹ ne tekaʹ pengebangen nceʹ ne.

GALATIA 1:1

Cen Paulus iaʹ lepa sihoʹ pengin tai nuyan lawa Injil, abeʹ e kuʹun kelunan, ngan abeʹ e bayaʹ dau pengecuk kelunan, di lareʹ kuʹun Yesus Keristus, ngan Allah iaʹ Amai Bioʹ iaʹ lepa beteʹ Yesus cen ahang kelunan matai.

IPESUS 1:6

Tiga le pempau Allah moʹ bioʹ serema pengelesau ue, ngan lebang pengencai ie milu, kuʹun puyan le pebeka tawai dalem Anak iaʹ pengemalaʹ a.

IPESUS 3:13

Cen diaʹ pekina, ukoʹ keʹ nyat neng ikem, ayen iʹut tawai, moʹ penaru iaʹ sihoʹ akeʹ ban suaʹ ikem iaʹ ke nuyan peniga mikem.

PILIPI 2:17

Naʹ pe dahaʹ keʹ ke musa nuyan koʹ baʹan telang iaʹ pubeʹ kempau liwa, ina seleket pengencai hem. Ngan un pengelan ncem pemung ngan dahaʹ keʹ ina ketai nuyan pengencai liwa palaʹ Allah. Buk keʹ matai pekina ʹo, bangen tekaʹ keʹ, ngan pemung le ikem ke tisen kaʹ bangen nceʹ.

PILIPI 2:30

Moʹ suaʹ gayeng Keristus, lemelaʹ seʹ ke matai le ia, dalau nai ie saliu ikem ke mepo akeʹ, moʹ kem abeʹ un biʹen.

KULUSE 1:24

Naʹkini bangen tekaʹ kimet ceʹ kuʹun penuyen iaʹ un neng akeʹ ban tuman ikem. Ban ne man penuyen usa heʹ ini, akeʹ sukat ke mepo ngan pesukung penuyen Keristus iaʹ caʹ lelum ban tuman usa ha, iaʹ ina Mpun diaʹ ngelan ia.

1 TESALUNIKA 2:2

Tisen te ikem kumpin puyan dulu nyakit ameʹ ngan panyi ameʹ kaʹ lepoʹ Pilipi, kena kenai meʹ palaʹ ikem kaʹ Tesalunika. Naʹ pe ia pekina, Allah le iaʹ naʹ akang mameʹ, man meʹ badaʹ Denga Injil iaʹ nai cen ia, kenuen pe kadoʹ diaʹ ke nyekang nge.

1 TESALUNIKA 3:3

malap ca usa mele aheʹ pe neng ahang ikem ke tai pubut kimet te tuman penaru iaʹ nantaʹ ikem naʹkini. Ikem tengen tisen ban ne un tulat penaru dalem pengubaʹ kimet Allah me ilu.

2 TIMUTIUS 1:12

Moʹ ina ukoʹ keʹ sihoʹ tuyen neng puyan ini. Un sepuʹo abeʹ keʹ saʹe, moʹ keʹ tisen palaʹ aheʹ keʹ pesente pengelan nceʹ. Akeʹ ngelan ia sukat petubo mung uban sana heʹ, iaʹ Allah ban mahung makeʹ, pa ha tai abeʹ Tau Bioʹ.

2 TIMUTIUS 3:11

ngan seʹ puyan dulu nyakit akeʹ ngan petuyen akeʹ. Moʹ ikoʹ tengen pe tisen neng puyan iaʹ ban sihoʹ akeʹ kaʹ Antiukia, ngan kaʹ Ikunium, ngan kaʹ Listera are. Tisen pe ikoʹ ban pasak kadoʹ penuyen iaʹ sihoʹ akeʹ. Un sepuʹo neng dina mung, Tuhan iaʹ sau akeʹ kidi.

2 TIMUTIUS 4:17

Naʹ pia pekina, Tuhan iaʹ un ngan nceʹ, ia iaʹ ngepali akeʹ apan nceʹ sukat pedenga Denga Injil kenahan mung dulu diaʹ tahaʹ awang Yahudi, ngan Tuhan iaʹ ban sau akeʹ cen paʹ lencau ina.

TITUS 1:3

Dalau neng iaʹ marung, Allah lepa ban peluhaʹ puyan ini dalem Denga Injil, iaʹ ia ngelan akeʹ ke ngkang. Pekina ne akeʹ ke pedenga ha bayaʹ dau pengecuk Allah iaʹ Keniga Udip le.

TITUS 2:11

Allah lepa peluhaʹ pengelesau ue iaʹ ia lebang naʹ milu ina iaʹ senteng ke pudip mung kelunan.

IBERANI 10:34

Ikem kuaʹ tuyen ngan kelunan diaʹ sihoʹ sepin. Tegoʹ dulu magang mung inu hem, bangen seʹ kem neng puyan pengebura hem are. Moʹ ikem tisen petem un ca puyan iaʹ pelapa tiga, iaʹ ke un pa majan.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.

1 YAYA 3:16

Pekini ban le ke ngetisen inu ban puyan malaʹ: Keristus lepa naʹ udip pe tuman ilu. Ina ukoʹ tekep ilu ke naʹ udip le tuman diaʹ cenganak le.

PUYAN LUHA’ 12:11

Mung diaʹ cenganak le dina lepa tai un usun neng ia moʹ kuʹun dahaʹ Anak Dumba ina, ngan kuʹun katuk telit iaʹ ida penco. Abeʹ cenganak le dina mawaʹ neng udip de, inu pia pa matai.

PUYAN LUHA’ 6:11

Kun ne naʹ sapai puteʹ mida, singket usa re. Un dau ue cuk ida ngelineʹ abeʹ majan laʹa, pa ketai tuket pengekadoʹ diaʹ cenganak de, diaʹ pekuaʹ pegayeng ngan nte, ketai sihoʹ patai koʹ baʹan ida.