PEMUYAN 20:21 - Kenyah New Testament

²¹ Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:21 Iomraidhean Croise

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

MARKUS 1:15

Un dau Yesus: “Lepa abeʹ ne tau ue, ngan nyeng ne puyan pengaren Allah ke ngaren ilu kelunan. Nesen ne ngan nyepuleʹ kimet cem cen penyalaʹ kem, sulo ngelan Denga Injil ini.”

MARKUS 6:12

Sulo tai re penco katuk ke payo kimet kelunan, apan nte ke nyepuleʹ kimet de cen penyalaʹ de.

LUKAS 13:3

Abeʹ e pekina. Lan dau heʹ mikem, buk kem abeʹ un nyepuleʹ kimet cen penyalaʹ kem, ngan nai bayaʹ Allah, atek kem mung ke matai pekina ʹo.

LUKAS 13:5

Abeʹ e pekina. Lan dau heʹ mikem, buk kem abeʹ un nyepuleʹ kimet cen penyalaʹ kem, ngan nai bayaʹ Allah, atek kem mung ke matai pekina ʹo.”

LUKAS 15:10

Un dau Yesus laʹa: “Dau heʹ mikem, pekina lete bangen laleʹ diaʹ melikat Allah, moʹ ban kuʹun ca le usa kelunan penyalaʹ iaʹ nesen ngan nyepuleʹ kimet te.”

LUKAS 15:7

Un dau Yesus laʹa: “Dau heʹ mikem, pekina lete bangen laleʹ kaʹ surga te, moʹ ban kuʹun ca usa kelunan penyalaʹ iaʹ nesen, ngan nyepuleʹ kimet te. Lapa tekaʹ bangen ne neng ʹo piʹen puloʹ piʹen usa kelunan iaʹ teneng, iaʹ are titin nesen ngan nyepuleʹ kimet de.”

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

YAYA 20:31

Un sepuʹo dini diaʹ lepa senurat apan ncem ke ngelan Yesus iaʹ atek Keristus iaʹ ngkang pungu udip, ngan iaʹ atek Anak Allah. Ngan kuʹun pengelan ncem ini pe ikem ke alaʹ udip dalem ngadan ne.

YAYA 3:36

Aheʹ iaʹ ngelan neng Anak ina, ia lete iaʹ un udip saheʹ kelineʹ iaʹ ngeriman. Aheʹ iaʹ muau bayaʹ dau Anak ina, nyahut te senteng ke alaʹ udip ne, bang kenca Allah iaʹ ke pencit neng ia pabeʹ bayaʹ.

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 11:18

Uʹo re kenahan dau Peterus pekina, tai benaʹa ne ida, penco tai re pempau Allah, mentung dau re: “Buk pekina, seʹ Allah mawang ca janan me dulu diaʹ tahaʹ awang Yahudi, ukoʹ de nesen ngan nyepuleʹ kimet de, iaʹ tai palaʹ udip dalem Tuhan.”

PEMUYAN 16:31

Un dau re dua: “Ngelan ne ikoʹ neng Tuhan Yesus, peging ngan diaʹ neng pengamin ncoʹ mung, ina le ikem ke un udip dalem Tuhan.”

PEMUYAN 17:30

Toʹ ngajan kelunan turan mudip are, abeʹ Allah un situk kidi. Un sepuʹo, naʹkini Allah cuk mung kelunan kempi kempi ke nesen ngan nyepuleʹ kimet de cen puyan jaʹat de.

PEMUYAN 19:17

Tai pasi ne denga ina neng ahang mung lepoʹ Yahudi ngan lepoʹ Gerika diaʹ mudip kaʹ lepoʹ Ipesus. Tai takut ne tekaʹ de mung. Tai un pit kuʹo ke dulu diaʹ pempau ngadan Tuhan Yesus.

PEMUYAN 2:38

Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 2:40

Pekesihoʹ ne dau tiraʹ Peterus neng ida. Ngan kadoʹ tiraʹ diaʹ ca laʹa, seʹ Peterus ten ke payo ida dina, kun dau ue: “Pudip ne usa hem cen ukum iaʹ ke sihoʹ lepoʹ iaʹ jaʹat ini.”

PEMUYAN 20:23

Bang iaʹ akeʹ tisen ke un puyan meput ngan taru iaʹ mabang akeʹ ʹo, moʹ kaʹ singket singket lepoʹ un Berua Buheʹ iaʹ ban nugen badaʹ puyan iaʹ pekina makeʹ.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 24:24

Abeʹ e majan uʹo ina, kenai Pilik ngkin leto ho Derusila, ca lepoʹ Yahudi, nai naʹat Paulus. Sulo Pilik cuk ida tai mengin Paulus, ubaʹ ke ngeringa dau puyan pengelan neng Keristus Yesus.

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 26:20

Ading ketai heʹ badaʹ denga ina palaʹ lepoʹ Damsik, uʹo ina tai heʹ palaʹ lepoʹ Yerusalim, uʹo ina pelaʹa tai heʹ pa tipo tanaʹ Yudia nuʹo. Ngan palaʹ dulu diaʹ tahaʹ awang Yahudi pe ketai heʹ badaʹ a, apan nte nesen ngan nyepuleʹ kimet de, ngan pupa palaʹ Tuhan Allah, ngan uyan puyan tiga iaʹ ke badaʹ diseʹ ban nte nesen ngan nyepuleʹ kimet de.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 8:25

Lepa Peterus de dua Yaya ne badaʹ neng ban tugen nte, ngan pedenga tiraʹ Tuhan ne, nai re dua ngeliwet kaʹ Yerusalim. Ngalang janan nte badaʹ Denga Injil kedalem palai lepoʹ kaʹ dale Samaria.

RUM 1:14

Ubaʹ tekaʹ keʹ ke nai pedenga Denga Tiga, moʹ janga tekaʹ kimet ceʹ neng kelunan mung, diaʹ kaʹ lepoʹ bioʹ, pekina pe neng lepoʹ iʹut, ngan neng diaʹ mencam sekula, pekina pe neng diaʹ turan kidi.

RUM 1:16

Abeʹ keʹ babak tekaʹ neng Denga Injil ini, uban ina atek penyukat Allah iaʹ ke pudip mung kelunan diaʹ ke ngelan ne. Iaʹ ading kidi lepoʹ Yahudi, un pe lepoʹ diaʹ ca puʹo ngebayaʹ.

RUM 10:9

Moʹ buk man isiu hoʹ, ikoʹ teto ke ngahaʹ Yesus ina iaʹ Tuʹa hoʹ, ngan ngelan dalem penawai hoʹ ban Allah iaʹ pudip Yesus cen patai ie, atek koʹ ke un udip iaʹ ke pudip ikoʹ dalem Tuhan.

RUM 2:4

Pamoʹ pe ikem pesingo neng pengelesau iaʹ Allah lebang naʹ milu, ngan dadoʹ saheʹ e, ngan denaʹ tawai ie. Tekep kem tisen inu ukoʹ Allah ban lesau ikem, moʹ o ten ke ngkin ikem nyepuleʹ kimet cem cen penyalaʹ kem.

RUM 4:24

Un te dalem surat te milu lete, ban Allah ke naʹ ilu teneng moʹ kuʹun pengelan le neng ia, ngan Allah lete iaʹ ban pudip Tuhan le Yesus cen patai ie.

RUM 5:1

Lan te, teneng ne ilu ngan Allah kuʹun pengelan le, ina ukoʹ le un udip iaʹ tadan ngan Allah moʹ kuʹun Tuhan le Yesus Keristus ne.

1 KURINTUS 1:22

Kelunan Yahudi pita puyan nyingan apan nte un tugen kidi baʹan nte, ngan kelunan Gerika ke mita penudi.

2 KURINTUS 7:10

Moʹ pengebampa iaʹ Allah kanan senteng uyan kimet le tai pekaliu, sulo ngkin ilu palaʹ udip dalem Tuhan. Abeʹ le nesen kuʹun puyan ina. Di lareʹ puyan pengebampa kusun tanaʹ ini iaʹ ngkin kelunan palaʹ patai.

GALATIA 2:16

Naʹ pia pekina, ameʹ tisen moʹ ca kelunan ketai teneng ngan Allah, abeʹ e kuʹun pemuyan ne bayaʹ Katuk Adet, di lareʹ bang kuʹun pengelan ne palaʹ Yesus Keristus le. Lepa ne ameʹ ngelan palaʹ Yesus Keristus apan meʹ sukat tai teneng ngan Allah kuʹun pengelan meʹ neng Keristus ina, abeʹ e kuʹun pemuyan meʹ bayaʹ Katuk Adet. Moʹ kuʹun Katuk Adet ina, ca kelunan pe abeʹ un sukat ketai teneng ngan Allah.

GALATIA 2:20

Ina ukoʹ pengudip keʹ naʹkini, abeʹ e akeʹ laʹa, di lareʹ Keristus iaʹ mudip dalem akeʹ. Pengudip keʹ naʹkini, iaʹ ina kuʹun pengelan nceʹ palaʹ Anak Allah, iaʹ malaʹ akeʹ ngan iaʹ lepa mencai pengudip pe tuman akeʹ.

GALATIA 3:22

Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.

IPESUS 1:15

Moʹ cen diaʹ pekina, dalau heʹ kenahan dau denga pengelan ncem neng Tuhan Yesus, pekina pe neng denga hem malaʹ mung kelunan diaʹ anun Allah,

KULUSE 2:5

Ban ne naʹ pe usa heʹ coʹ neng ikem, un sepuʹo berua heʹ un ngan ncem. Bangen tekaʹ keʹ taʹan ban kuaʹ salet tekejeng ngkem dalem pengelan ncem palaʹ Keristus.

PILIMUN 1:5

Ban ne akeʹ lepa kenahan denga puyan ncoʹ malaʹ neng mung diaʹ anun Allah, ngan pekina pe puyan pengelan ncoʹ palaʹ Tuhan Yesus.

1 YAYA 5:1

Aheʹ kelunan iaʹ ngelan uban Yesus iaʹ atek Keristus iaʹ man pungu keniga udip, kelunan ina ne iaʹ anak Allah. Ngan aheʹ iaʹ malaʹ neng iaʹ amai, ia ke malaʹ neng iaʹ anak ke lete.

1 YAYA 5:5

Aheʹ iaʹ senteng pesupeʹ puyan penyaheʹ usun tanaʹ ini tupe? Bang kelunan iaʹ ngelan ban Yesus iaʹ atek Anak Allah.