PEMUYAN 20:19 - Kenyah New Testament

¹⁹ Akeʹ ca ulaʹ Tuhan iaʹ pegayeng mia ngan toʹ libaʹ kimet ceʹ, ngan tite luloʹ keʹ, pekina pe dalau penaru iaʹ nai cen lepoʹ Yahudi diaʹ ban peseket ke ti akeʹ.

PEMUYAN 20:19 Iomraidhean Croise

LUKAS 19:41

Dalau ketai ie nyeng kaʹ lepoʹ Yerusalim, penco ho nange taʹan diseʹ e.

YAYA 12:26

Aheʹ iaʹ badaʹ kimet te malaʹ akeʹ, atek ke nai bayaʹ akeʹ. Mele kempi ukoʹ keʹ, kina lete diaʹ pegayeng makeʹ un ngan nceʹ. Ngan Amai heʹ ke nyelama aheʹ iaʹ pegayeng makeʹ.”

PEMUYAN 17:13

Un sepuʹo dalau lepoʹ Yahudi iaʹ kaʹ Tisalunika ne tisen ban Paulus iaʹ badaʹ tiraʹ Allah kaʹ Beria, nai kun nte kaʹ ina. Penco re ngasing kimet dulu ngan pebingaʹ lepoʹ ina.

PEMUYAN 17:5

Un sepuʹo, miʹi tekaʹ lepoʹ Yahudi. Kun nte mengin palai dulu diaʹ jaʹat diaʹ mukoʹ bareng ngalang pasen dina, sulo re pepeng ida nuʹo. Kun nte pebingaʹ lepoʹ ina, mentung nte nyudup amin Yasun ke mita Paulus ngan Silas, moʹ de ubaʹ ke ngkin ida kawang palaʹ mpun lepoʹ.

PEMUYAN 20:3

Telu bulan ne kina. Dalau ue pedaʹam inu ue ngimet ketai bayaʹ kapen sungai kaʹ tanaʹ Siria, tecu tekaʹ a tisen ban lepoʹ Yahudi peseket ubaʹ ke nyakit ia. Sulo teto kaʹ kimet te ubaʹ ke ngeliwet tai cen tanaʹ Makedunia pelaʹa.

PEMUYAN 20:31

Ina ukoʹ jagaʹ ne. ngan petawai le ʹo: telu uman majan nceʹ ngan ncem, abeʹ keʹ beto pekatuk ikem singket usa hem, naʹ tau ngan ngahu, mentung ngan tange heʹ le tahaʹ palai.”

PEMUYAN 21:27

Dalau ketai nyeng kesukung tujoʹ tau majan Paulus muheʹ usa ha, nai kun diaʹ lepoʹ Yahudi cen Asia. Ida taʹan Paulus un kedalem Umaʹ Palan Allah ina. Kun nte pebingaʹ dulu, penco re dakep Paulus,

PEMUYAN 27:23

Uban un alem tahup de, nai ca usa melikat palaʹ akeʹ cen Tuhan Allah. Allah ina iaʹ un akeʹ: palaʹ ia heʹ lemameʹ. Un dau melikat ina neng akeʹ:

RUM 1:1

Cen Paulus, ulaʹ Keristus Yesus, iaʹ Allah ban mengin ke nuyan ca diaʹ lawa ha, tengangan ke tai pedenga Denga Injil Allah.

RUM 1:9

Allah iaʹ senteng nugen isiu heʹ. Palaʹ ia le akeʹ pegayeng ngan keluʹung kimet ceʹ, iaʹ ina puyan pedenga Denga Injil neng puyan Anak ke. Allah iaʹ tisen, abeʹ keʹ beto petawai ikem.

RUM 12:11

Tangen ncem dalem gayeng ngkem, ayen leko. Ca le kimet cem mejo gayeng Tuhan.

2 KURINTUS 2:4

Tau idai akeʹ nyurat mikem are, atek taru laleʹ ngan janga tekaʹ tawai heʹ, mentung keʹ nange. Abeʹ e surat ina tuman pebampa ikem, di lareʹ tuman ke petisen ikem kumpin bioʹ ban pengemalaʹ keʹ neng ikem mung.

2 KURINTUS 3:5

Neng usa meʹ tengen abeʹ inu iaʹ puko meʹ ke kuma ha ameʹ senteng ngkang gayeng ini. Moʹ penyukat iaʹ un neng ameʹ, bang cen Allah kenai ie.

2 KURINTUS 7:5

Dalau meʹ telu lepa abeʹ kaʹ tanaʹ Makedunia are, abeʹ meʹ un biʹen ke penteng jengan. Kempi kempi pe ameʹ sihoʹ puyan taru, un pe puyan pesakat ngan kelunan, un pe tekaʹ bisau dalem kimet meʹ.

GALATIA 1:10

Tuman ina, un seʹ keʹ nebelum kelunan ke pancau akeʹ tupe? Naʹun. Bang puyan iaʹ badaʹ Allah ubaʹ akeʹ tuaʹ le iaʹ akeʹ mita. Kumpin, un nceʹ mita janan iaʹ bayaʹ pengubaʹ kelunan mo? Buk lan ne pekina, abeʹ keʹ ca ulaʹ Keristus laʹa.

IPESUS 6:7

Lemejo ne gayeng ngkem ngan bangen tawai hem me Tuhan, ayen koʹ baʹan neng kelunan are.

PILIPI 3:18

Cen naʹaʹ tajen nceʹ badaʹ pekini dau mikem. Naʹkini pelaʹa seʹ keʹ ke numpak badaʹ a ngan tange heʹ: kadoʹ dulu diaʹ luhaʹ neng pengudip de pebunoʹ ngan Keristus, moʹ de miʹi neng puyan patai ie neng kayu tecek.

KULUSE 3:24

Nawai ne, ikem lete iaʹ ke alaʹ bang ngkem cen Tuhan ʹo. Ikem ke alaʹ inu iaʹ Tuhan lepa petenup me diaʹ anun ne, moʹ iaʹ lan ne, ikem pegayeng me Keristus.

1 TESALUNIKA 1:9

Mung kelunan dina badaʹ kumpin puyan ncem nyelama alaʹ ameʹ dalau tai meʹ menoʹ ikem cen naʹaʹ are. Ngan pekina pe ida badaʹ kumpin puyan ncem nyepuleʹ kimet cem cen uyat, ngan sileʹ palaʹ Tuhan Allah, sulo tunuk palaʹ Allah iaʹ lan ngan iaʹ mudip.

2 TIMUTIUS 1:4

Moʹ keʹ petawai luloʹ koʹ, tai bampa ne tekaʹ keʹ ubaʹ ke taʹan ikoʹ, apan bioʹ tekaʹ saheʹ keʹ ʹo.

YAKUP 1:2

Cenganak cenganak keʹ, tegoʹ kenai naʹan naʹan puyan iaʹ ke ten ikem, tekep kem ke kuma tiga ukun,

1 PETERUS 1:6

Neng puyan ini, bangen ne ikem, naʹ pia nuat le ikem tisen tekaʹ bahat kimet, moʹ tekep kem ngihen neng kadoʹ naʹan pengeten lete.

2 PETERUS 1:1

Cen Simun Peterus, ulaʹ ngan lawa Yesus Keristus: Palaʹ ikem diaʹ lepa un pengelan iaʹ kuaʹ tiga ngan pengelan meʹ, iaʹ kuʹun peneneng Allah le, ngan Laki iaʹ Keniga Udip le Yesus Keristus, iaʹ ban naʹ pengelan ina milu.

PUYAN LUHA’ 7:15

Ina ukoʹ de nekejeng nyeripa padung pengaren Allah ina, ngan sebayang mia, naʹ tau ngan ngahu, dalem umaʹ palan ne. Ngan ia iaʹ madung neng usun padung pengaren ina, ia tengen iaʹ ke ngelidung ida.