PEMUYAN 2:9 - Kenyah New Testament

⁹ Ilu dini cen lepoʹ Partia, ngan Media, lepoʹ Ilam, ngan dulu diaʹ cen Mesuputami, ngan Yudia, ngan Kapadukia, ngan Puntus, ngan Asia,

PEMUYAN 2:9 Iomraidhean Croise

PEMUYAN 16:6

Ketai re pelibut tanaʹ Perigia ngan Galatia, uʹo ina Berua Buheʹ mulen nte tai badaʹ katuk Tuhan kaʹ dalem tanaʹ Asia.

PEMUYAN 18:2

Kaʹ ina ha petegoʹ ngan diaʹ lepoʹ Yahudi ngadan nte Akila ngan Periskila ida dua peto, diaʹ ban pempet kaʹ lepoʹ Puntus, iaʹ laho lepe ban nai cen lepoʹ Rum tanaʹ Italia, moʹ Laja Keludius cuk lepoʹ Yahudi mung tai kelap cen lepoʹ Rum. Un dalau ketai Paulus kaʹ lepoʹ Kurintus, tai kun ne naʹat ida dua,

PEMUYAN 19:10

Pekina puyan Paulus dalem dua uman majan ne, pa mung dulu neng tanaʹ Asia kenahan tiraʹ Tuhan, inu pia Yahudi, ngan pekina pe Gerika, mung nte kenahan dau ue.

PEMUYAN 19:27

Un diaʹ pekina, abeʹ e gayeng le ini tuaʹ le iaʹ ketai tasaʹ, di pareʹ amin Artimis, bali leto bioʹ ina, abeʹ dulu ke pesingo ia ne laʹa ʹo. Ke pesau mung, peging ngan pengaren bali ini, moʹ mung dulu lemameʹ ia kaʹ tanaʹ Asia. Ketoʹ dulu kusun tanaʹ lemameʹ Artimis ne.”

PEMUYAN 19:31

Un pe kudaʹ usa diaʹ tuʹa neng perinta cen tanaʹ Asia pelaʹa, diaʹ malai ngejahi Paulus, naʹ tiraʹ katu mia mulen ia tai kukoʹ lasan ina.

PEMUYAN 2:8

Moʹ inu mencam nte pisiu isiu lepoʹ ilu tupe? Singket usa re pisiu neng isiu le, kaʹ ukoʹ le ban musang are.

PEMUYAN 20:16

Betep dau kimet Paulus ubaʹ ameʹ ke tai penco pelapa Ipesus, malap ke majan kaʹ tanaʹ Asia ne. Ina ukoʹ o busek dau ue, apan ne senteng abeʹ kaʹ Yerusalim tegoʹ tau bioʹ adet Pentakusta ina.

PEMUYAN 20:18

Uʹo kenai re dina palaʹ ia, kun ne pisiu mida: “Tisen ne ikem kumpin diseʹ puyan nceʹ ban pejahi ngan ncem lemuto, cen tading tau kenai heʹ cut tanaʹ Asia ini are.

PEMUYAN 20:4

Diaʹ serengan Paulus, un Supatar anak Pirus lepoʹ Beria, ngan Aristakus, ngan Sekundus lepoʹ Tisalunika, ngan Gayus lepoʹ Derbe, ngan Timutius. Un pe Tikikus ngan Terupimus lepoʹ apau Asia pelaʹa.

PEMUYAN 21:27

Dalau ketai nyeng kesukung tujoʹ tau majan Paulus muheʹ usa ha, nai kun diaʹ lepoʹ Yahudi cen Asia. Ida taʹan Paulus un kedalem Umaʹ Palan Allah ina. Kun nte pebingaʹ dulu, penco re dakep Paulus,

PEMUYAN 24:18

Dalau ketai kuʹo adet ceʹ ngebuheʹ usa heʹ, nai re diaʹ peneti ngan nceʹ tegoʹ akeʹ dalem Umaʹ Palan Allah, jinan nceʹ naʹ pengencai heʹ me Allah. Abeʹ keʹ pemung ngan mpun dulu dalau ina, abeʹ pia un maho dau dulu.

PEMUYAN 27:2

Tai kun meʹ puke, ngedung neng ca kapen iaʹ cen Adamitium, iaʹ ketai masat tahaʹ tanaʹ Asia. Un Aristakus, ca usa Makedunia cen lepoʹ Tesalunika, ia iaʹ nai serengan ameʹ.

PEMUYAN 6:9

Naʹ pe ia pekina, un pe diaʹ nai beteʹ pesakat ngan Stipanus. Ida dina cen mpun kelunan Ulaʹ diaʹ Takau. Un pe palai Yahudi lepoʹ Kirini, un pe palai lepoʹ Alik-sandaria, un pe Yahudi diaʹ ca cen tanaʹ Kilikia ngan tanaʹ Asia, nai re ke ti ngan Stipanus.

PEMUYAN 7:2

Kun Stipanus mipa ia: “Ahaʹ pui, ngan cenganak cenganak keʹ mung, tiga hem ngeringa dau heʹ. Ban Allah iaʹ un serema peniga lepa nai luhaʹ palaʹ tepun le Ibrahim dalau ue caʹ un kaʹ tanaʹ Mesuputami, kena ha ke tai paso kaʹ tanaʹ Haran cen naʹaʹ te are.

RUM 16:5

Laʹa akeʹ badaʹ tiga saheʹ keʹ me Mpun diaʹ ngelan Tuhan diaʹ nai pempun dalem amin nte dua. Badaʹ tiga saheʹ keʹ me Ipinitus iaʹ akeʹ malaʹ. Ia iaʹ ading ading ban ngelan neng Keristus kaʹ tanaʹ Asia.

1 KURINTUS 16:19

Mung Mpun Tuhan diaʹ kaʹ tanaʹ Asia ngatu tiga saheʹ palaʹ ikem. Akila ngan Periskila, peging ngan Mpun iaʹ pempun dalem amin nte dina, ngatu bioʹ tekaʹ tiga saheʹ palaʹ ikem.

2 KURINTUS 1:8

Ahaʹ cenganak cenganak, tekep lete ameʹ petawai ikem neng puyan taru iaʹ ameʹ lepa sihoʹ kaʹ dale Asia are. Puyan penuyen iaʹ sihoʹ ameʹ un baran laleʹ ngan bahat laleʹ pa ketai iʹut tawai meʹ ke mudip.

2 TIMUTIUS 1:15

Tisen ne pe ikoʹ neng puyan mung nte dalem tanaʹ Asia, lepa ne tai re kelap akeʹ. Neng ahang ida diaʹ tai kelap dina Pigelus ngan Hemuginis.

1 PETERUS 1:1

Cen Peterus, lawa Yesus Keristus: Palaʹ mung diaʹ Allah ban lemileʹ, diaʹ mudip tutang, diaʹ muʹo tai purat petat kaʹ tanaʹ Puntus, ngan kaʹ Galatia, ngan kaʹ Kapadukia, ngan kaʹ Asia, ngan kaʹ Bitinia.

PUYAN LUHA’ 1:11

Un dau ue: “Inu iaʹ ikoʹ taʹan, nyurat ne dalem ca Kitap. Ikoʹ ngatu ue me diaʹ tujoʹ Mpun diaʹ ngelan Tuhan, kaʹ lepoʹ Ipesus, ngan kaʹ Semirna, ngan kaʹ Pegamus, ngan kaʹ Tatira, ngan kaʹ Sardis, ngan kaʹ Piladipia, ngan kaʹ Ludikia ʹo.”

PUYAN LUHA’ 1:4

Cen Yaya me diaʹ tujoʹ Mpun diaʹ ngelan Tuhan kaʹ tanaʹ Asia: Tebelum ngkeʹ pengelesau ngan denaʹ tawai cen Allah iaʹ un ngan ncem: Allah iaʹ lemuto un, ngan iaʹ lepa ban un, ngan iaʹ ke nai ʹo. Pekina pe cen diaʹ tujoʹ berua iaʹ nyeripa padung pengaren ne.