PEMUYAN 2:47 - Kenyah New Testament

⁴⁷ mentung nte pempau Allah, ngan sihoʹ neng pengubaʹ lepoʹ ina mung. Singket tau ne Tuhan ngepit Mpun nte kuʹun dulu diaʹ tisen puyan iaʹ pudip ida dalem Tuhan.

PEMUYAN 2:47 Iomraidhean Croise

LUKAS 19:48

Un sepuʹo abeʹ de mencam, moʹ ketoʹ dulu ubaʹ ngelenep ke ngeringa dau Yesus, moʹ de ubaʹ ke kanan singket luʹung isiu ue.

LUKAS 2:52

Kenai Yesus bioʹ, tai tudi kuʹo ke ia pekimet. Keno kenai luhaʹ diseʹ Allah ubaʹ neng ia, pekina pe diseʹ dulu neng ia.

PEMUYAN 11:21

Moʹ ban un nyingan Tuhan luhaʹ tugung ida dina, ina ukoʹ kadoʹ laleʹ dulu diaʹ ngelan ngan pupa nai bayaʹ Tuhan.

PEMUYAN 11:24

Moʹ Barnabas ne ca laki iaʹ atek tiga saheʹ, iaʹ sangan kuʹun Berua Buheʹ ngan pengelan. Nai un pit kadoʹ dulu diaʹ pupa nai bayaʹ Tuhan.

PEMUYAN 13:48

Tai bangen diseʹ dulu diaʹ tahaʹ awang Yahudi, moʹde kenahan dau tiraʹ ina, mentung nte pada katuk Tuhan Allah. Un kudaʹ kadoʹ ne ida nai penco ngelan Tuhan, moʹ de lepa tenup tekaʹ ke alaʹ udip saheʹ kelineʹ iaʹ ngeriman cen Tuhan.

PEMUYAN 14:1

Kuaʹ koʹ baʹan puyan ina are pelaʹa kaʹ lepoʹ Ikunium. Tai Paulus de dua Barnabas kedalem amin sebayang Yahudi. Kun nte dua penco pekatuk kidi. Kadoʹ dulu nai ngelan Tuhan, un pe Yahudi, pekina pe lepoʹ diaʹ ca.

PEMUYAN 14:21

Kun Paulus de dua Barnabas pedenga Denga Injil kedalem lepoʹ Derbe. Kadoʹ dulu diaʹ nai ngelan bayaʹ katuk Tuhan. Uʹo ina, tai re dua ngeliwet kaʹ Listera, ngan kaʹ Ikunium, ngan Antiukia tanaʹ Pisidia are.

PEMUYAN 16:5

Pekina te mung Mpun diaʹ ngelan Tuhan kina tai pali dalem pengelan nte, ngan singket tau nai un pit kadoʹ de.

PEMUYAN 17:12

Kadoʹ de nai ngelan, un pe leto Gerika iaʹ kayaʹ, ngan kadoʹ pe laki re nai.

PEMUYAN 2:39

Moʹ palaʹ ikem lete Allah lepa petuket ini, ngan palaʹ anak kem, ngan pekina pe palaʹ mung kelunan diaʹ coʹ, mele kudaʹ kadoʹ iaʹ Tuhan Allah le ke mengin nai palaʹ ia.”

PEMUYAN 2:41

Kadoʹ de kina diaʹ ngelan dau katuk ke, sulo re alaʹ batis nuʹo. Tegoʹ tau ina, kadoʹ de, kihoʹ kihoʹ telu ibu usa, iaʹ nai ngepit neng mpun nte.

PEMUYAN 4:21

Pali kuʹo ke Mpun diaʹ Lataʹ dina mulen ida dua laʹa, penco re pawang ida dua tai uleʹ. Abeʹ un penading ukoʹ de senteng ke nyakit ida dua, moʹ mung dulu pempau Allah kuʹun puyan iaʹ lepa ban nuyan ina.

PEMUYAN 4:33

Man pemuyan penyukat iaʹ bioʹ, lawa Injil dina badaʹ ban Tuhan Yesus numpak mudip cen patai ie. Allah pe mubeʹ sio neng ida mung.

PEMUYAN 4:4

Un sepuʹo kadoʹ ne dulu iaʹ lepa kenahan tiraʹ ina ngan ngelan ne. Toʹ kadoʹ laki dina kihoʹ kihoʹ lema ibu usa diaʹ ngelan.

PEMUYAN 6:1

Kudaʹ majan uʹo ina, nai un pit un pit ne pengekadoʹ de diaʹ bayaʹ katuk Tuhan dina. Tai paseʹ ne dau lepoʹ Yahudi diaʹ pisiu Gerika neng lepoʹ Yahudi diaʹ puʹun. Un lepoʹ Yahudi diaʹ pisiu Gerika dina badaʹ abeʹ un aheʹ iaʹ pesingo leto balu re dalau re petulat balun singket tau are.

PEMUYAN 6:7

Tai libut kuʹo ne denga tiraʹ Allah, ngan nai un pit un pit ne kadoʹ de diaʹ bayaʹ katuk Tuhan kaʹ lepoʹ Yerusalim. Kadoʹ pe ida diaʹ detaʹu nai ngelan bayaʹ Yesus.

PEMUYAN 9:31

Ina ukoʹ o un tadan neng Mpun diaʹ ngelan Tuhan pa tipo tanaʹ Yudia, ngan Galilia, ngan Samaria. Un Mpun diaʹ ngelan Tuhan kina tai tangen kuʹun katuk ngan tai un pit kadoʹ de, mentung mudip ngan tunuk seʹ puyan nte palaʹ Tuhan, uban kuʹun Berua Tuhan iaʹ mepo ida.

PEMUYAN 9:35

Mung dulu diaʹ kaʹ lepoʹ Lida ngan kaʹ tanaʹ Sarun ina taʹan seʹ aget Inias, penco re mayo bayaʹ Tuhan.

RUM 14:18

Aheʹ iaʹ tudep bayaʹ Keristus neng puyan iaʹ pekina, Allah iaʹ ke badaʹ seʹ e ubaʹ ia, ngan pekina pe dulu ke badaʹ seʹ puyan ne tiga.

RUM 8:30

Un diaʹ Allah ban pelaya dina are, ida te Allah ban mengin pelaʹa. Un diaʹ Allah ban mengin dina, ida pe diaʹ Allah ban peteneng ngan ne pelaʹa ʹo. Un diaʹ Allah ban peteneng dina, Allah ngahum nte pemung ngan ne dalem serema peniga ha.

RUM 9:27

Kun Yesaya ngelengap lepoʹ Israil pekini dau ue: “Naʹ pe cap lepoʹ Israil ketai kuaʹ kadoʹ ahit kaʹ sada bahi banget ne, bang kediʹut le diaʹ ke un udip iaʹ ke pudip ida dalem Tuhan ʹo.

1 KURINTUS 1:18

Moʹ katuk neng puyan patai Keristus neng usun kayu tecek ina nuyan ca apaʹ me kelunan diaʹ ketai lingu. Un sepuʹo palaʹ ilu iaʹ un puyan iaʹ pudip ilu dalem Tuhan, ia ne penyukat Allah.