PEMUYAN 2:46 - Kenyah New Testament

⁴⁶ Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

PEMUYAN 2:46 Iomraidhean Croise

MATIUS 6:22

“Ban ne mata hem ina koʹ baʹan titiu iaʹ ke ngedema usa hem are. Buk mata hem ina dema, pekina lete usa hem ke tipo kuʹun serema ha.

LUKAS 11:41

Di lareʹ mencai ne inu iaʹ un dalem sawan ngan kiut cem me diaʹ taru mudip, ina le ketoʹ o buheʹ neng ikem.

LUKAS 24:30

Pemung madung le Yesus ngan nte dua kena re ke uman, kun ne alaʹ ca luʹung ruti, ngan nyuaʹ tiga saheʹ palaʹ Allah. Sulo ho piding nge, ngan naʹ a mida.

LUKAS 24:53

Lemuto tai re kedalem Umaʹ Palan Allah, ngan nyuaʹ tiga saheʹ de palaʹ Allah.

PEMUYAN 16:34

Kun ne ngkin Paulus de dua Silas pejakaʹ kaʹ amin nte, penco ho naʹ penguman mida dua. Bangen seʹ de panak mung dalem amin nte, moʹ de ngelan Tuhan Allah.

PEMUYAN 2:42

Ida dina tudep tai pekalai ngan diaʹ lawa Injil dina, ngan kenahum neng udip iaʹ pebeka penawai, pekina pe dalem puyan nte pemung uman ngan lemameʹ palaʹ Tuhan.

PEMUYAN 20:7

Tai tahup Tau Kelineʹ, tai meʹ pempun ke pemung uman neng daya Tuhan. Petiraʹ ne Paulus me mpun nte kina ngan dadoʹ dau tiraʹ a, pa ketai ie beluaʹ alem, moʹ kaʹ kimet te ubaʹ ketai puke neng kenempam me.

PEMUYAN 3:1

Tai kun Peterus de dua Yaya lemameʹ kaʹ Umaʹ Palan Allah tegoʹ jam telu tai tahup.

PEMUYAN 5:21

Lepa re kenahan pekina dau, tai re kedalem Umaʹ Palan dalau kenai kedema neng kenempam, penco re pekatuk kidi. Kenai Pengebioʹ Detaʹu ina, peging dulu diaʹ ngan ne, mengin mung pengelataʹ lepoʹ Israil, moʹ de ke pempun mung diaʹ lataʹ. Uʹo ina kun nte cuk dulu tai kaʹ amin sepin, alaʹ mung lawa Injil dina.

PEMUYAN 5:42

Sulo tai re pekatuk singket tau kedalem Umaʹ Palan, pekina pe ngalang amin dulu. Abeʹ de beto tai pedengan ban Yesus iaʹ atek ngkang pungu udip.

RUM 12:8

Buk pengencai le petangen saheʹ dulu, sanget ne petangen saheʹ de. Aheʹ iaʹ petulat inu ne me dulu, tiga na ia ti ie ngan lebang. Aheʹ iaʹ tuʹa le neng gayeng, tangen ne neng gayeng nge. Aheʹ iaʹ lesau mepo dulu, mepo ne ngan bangen.

1 KURINTUS 10:16

Dalau le uman Bunut Tuhan, ilu nisep cen sawan tuman peniga Tuhan, mentung le nyuaʹ tiga saheʹ kuʹun ne. Puyan ina nuyan pekina moʹ le lepa pebulung dalem dahaʹ Keristus. Ruti iaʹ ilu pepiding, ilu pemung uman ne, moʹ le lepa pebulung dalem usa Keristus.

2 KURINTUS 1:12

Ini iaʹ ukoʹ meʹ selum tekaʹ: uban un tekaʹ dalem penawai meʹ iaʹ pedengkep ameʹ neng uban pengudip meʹ kusun tanaʹ ini, ngan iaʹ atek dau meʹ, ina ne puyan meʹ pepanak ngan ncem. Allah iaʹ ban ngaren puyan ina uban ia iaʹ naʹ mameʹ tempa kimet ngan dema tawai, kuʹun ban penyukat pengelesau ue. Abeʹ e kuʹun ban pengencam kimet le kelunan ne.

2 KURINTUS 11:3

Akeʹ malap kimet cem tai pejugau ngan iaʹ jaʹat, malap ikem pe lepo kimet cem iaʹ luʹung luʹung tekaʹ ke malaʹ Keristus are, koʹ baʹan seʹ Hawa sihoʹ panyi bali ncung ulai iaʹ tudi palo ia are.

IPESUS 6:5

Mung ngkem diaʹ ulaʹ, tiga hem kanan bayaʹ dau iaʹ ke tuʹa hem kusun tanaʹ ini, ngan tangen, ngan jaya, ngan sebelang tawai hem, seleket koʹ baʹan neng Keristus are.

KULUSE 3:22

Mung ngkem diaʹ ulaʹ, tunuk ne palaʹ diaʹ tuʹa hem kusun tanaʹ ini neng toʹ naʹan pemuyan. Ayen ncem bang sanget tegoʹ diaʹ tuʹa hem un naʹat ikem tuaʹ le, apan nte ke pempau ngadan ncem, di lareʹ pegayeng ne ngan sebelang tekaʹ kimet cem, moʹ kem nyelama palaʹ Tuhan.