PEMUYAN 2:43 - Kenyah New Testament

⁴³ Kadoʹ puyan nyingan ngan tedanaʹ bulen diaʹ ban nuyan kuʹun lawa Injil dina, ina iaʹ uyan dulu kina mung tai salam tekaʹ.

PEMUYAN 2:43 Iomraidhean Croise

MARKUS 16:17

Tuhan ke naʹ kudaʹ tedanaʹ nyingan dini me kelunan diaʹ ngelan: ida ke pekarap bali man ngadan nceʹ; ida ke pisiu man naʹan naʹan isiu iaʹ bulen;

LUKAS 7:16

Salam ngan takut ne ketoʹ de mung, penco re pempau Allah, un dau re: “Ini ca pegawa iaʹ atek bioʹ nai luhaʹ kahang ilu.” Ngan: “Seʹ kenai Allah keniga udip ilu diaʹ anun ne.”

LUKAS 8:37

Uʹo ina, ketoʹ dulu lepoʹ Gerasa nyat Yesus apan ne tai kelap cen ina, moʹ bioʹ laleʹ kaʹ takut de neng ia. Sulo tai Yesus kaʹ alut, mecin ida tai uleʹ.

YAYA 14:12

Lan dau heʹ mikem, aheʹ diaʹ ngelan neng akeʹ, ida ke ti lete pemuyan iaʹ kuaʹ baʹan akeʹ ti. Idi pe areʹ pelapa bioʹ cen ina pe ida ke ti, uban akeʹ iaʹ ke tai palaʹ Amai Bioʹ.

PEMUYAN 2:22

Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 4:33

Man pemuyan penyukat iaʹ bioʹ, lawa Injil dina badaʹ ban Tuhan Yesus numpak mudip cen patai ie. Allah pe mubeʹ sio neng ida mung.

PEMUYAN 5:5

Dalau Ananias kenahan dau tiraʹ ina, belekaʹ tai ie pengkup, penco berua ha pesau cen ia. Bioʹ laleʹ le takut neng dulu mung diaʹ kenahan dau puyan ina.

PEMUYAN 9:34

Un dau Peterus neng ia: “Ahaʹ Inias, ban Yesus Keristus iaʹ paget ikoʹ. Beteʹ ne, lemelen ne pat coʹ ne.” Dalau ina to kenai ie beteʹ tuaʹ ne.

PEMUYAN 9:40

Kun Peterus cuk ida mung tai ka use. Uʹo ina kun ne sutlep lemameʹ Tuhan. Uʹo ina pelaʹa, penco ho pupa sileʹ tahaʹ patai ina. Un dau ue: “Tabita, beteʹ ne ikoʹ.” Kun Tabita mesik mata ha taʹan Peterus, sulo nai ie madung.