PEMUYAN 2:42 - Kenyah New Testament

⁴² Ida dina tudep tai pekalai ngan diaʹ lawa Injil dina, ngan kenahum neng udip iaʹ pebeka penawai, pekina pe dalem puyan nte pemung uman ngan lemameʹ palaʹ Tuhan.

PEMUYAN 2:42 Iomraidhean Croise

LUKAS 24:30

Pemung madung le Yesus ngan nte dua kena re ke uman, kun ne alaʹ ca luʹung ruti, ngan nyuaʹ tiga saheʹ palaʹ Allah. Sulo ho piding nge, ngan naʹ a mida.

LUKAS 24:35

Kun nte dua badaʹ pelaʹa puyan iaʹ ban nuyan jinan tai re dua kaʹ Imaus are, ngan kumpin ban tai re dua tisen Yesus tegoʹ o miding ruti ina.

PEMUYAN 1:14

Mung nte lemuto pempun ke lemameʹ neng ca le penawai re. Un pe kudaʹ usa leto ngan nte. Un pe Mariam ueʹ Yesus, ngan diaʹ sadin laki neng Yesus.

PEMUYAN 11:23

Uʹo ketai Barnabas abeʹ, tisen ne ia ban Allah iaʹ naʹ peniga mida dina, tai bangen ne kaʹ tawai ie. Penco ho pekatuk ida mung, apan denaʹ tekaʹ penawai re tudep bayaʹ Tuhan.

PEMUYAN 14:22

Mentung nte nyalet penawai dulu diaʹ lepa bayaʹ katuk Tuhan, ngan petagen ida ke tudep dalem pengelan nte. Pekini dau katuk de dua: “Ilu diaʹ tisen puyan pengaren Allah ngaren ilu, abeʹ senteng le are ke bayaʹ janan iaʹ un kadoʹ penaru lete.”

PEMUYAN 2:46

Singket tau ne, tudep seʹ de tai pempun kaʹ Umaʹ Palan Allah, ngan ca le penawai re. Kun nte pemung uman kedalem amin nte, mentung nte uman ngan bangen saheʹ ngan libaʹ seʹ kimet de,

PEMUYAN 20:11

Nai Paulus kempau, sulo ho pepiding ruti, penco re uman. Majan pe ia petiraʹ laʹa pa nai dema. Uʹo ina le Paulus tai puke.

PEMUYAN 20:7

Tai tahup Tau Kelineʹ, tai meʹ pempun ke pemung uman neng daya Tuhan. Petiraʹ ne Paulus me mpun nte kina ngan dadoʹ dau tiraʹ a, pa ketai ie beluaʹ alem, moʹ kaʹ kimet te ubaʹ ketai puke neng kenempam me.

PEMUYAN 4:23

Lepa ne Peterus ngan Yaya nai mecin cen ina, tai re uleʹ palaʹ diaʹ cenganak de dalem Tuhan. Sulo re badaʹ a mida mung ban puyan dau isiu diaʹ detaʹu lataʹ dina, ngan dau diaʹ lataʹ lepoʹ.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 6:4

Tuman ina ameʹ dini diaʹ ke pekutat ke lemameʹ Tuhan ngan ke menco gayeng pedenga tiraʹ a.”

RUM 12:12

Tiga pe ikem bangen lemuto kuʹun tebelum ngkem. Pedenaʹ tawai hem dalem penaru, ngan ayen beto lemameʹ.

1 KURINTUS 10:21

Abeʹ kem senteng nisep cen sawan Tuhan buk kem nisep cen sawan bali. Laʹa abeʹ kem senteng pemung uman kaʹ bijaʹ Tuhan buk kem pemung ngan bijaʹ bali.

1 KURINTUS 11:2

Akeʹ pada te ikem moʹ kem petawai akeʹ lemuto, ngan bayaʹ dau katuk iaʹ akeʹ ban naʹ mikem are.

1 KURINTUS 14:6

Moʹ ban pekina cenganak cenganak keʹ, dalau nai heʹ palaʹ ikem ʹo, inu bang nge buk keʹ pisiu ngan isiu bulen mikem tupe? Abeʹ un bang buk keʹ abeʹ un menco ca isiu iaʹ Allah peluhaʹ milu, buk are ca penisen, buk are ca isiu seluhan isiu Allah, buk are ca katuk.

GALATIA 1:6

Muʹo ne tawai heʹ neng ikem, moʹ jelarai laleʹ le ban ncem tai nyelikut ia iaʹ lepa mengin ikem man pengelesau Keristus ina. Belekaʹ kem tai bayaʹ denga injil diaʹ ca.

IPESUS 2:20

Buk alaʹ kata cen amin, seʹ e medeng ikem neng usun ca data tanaʹ iaʹ nuyan kuʹun lawa Injil ngan pegawa Tuhan. Keristus Yesus tengen iaʹ sukaʹ tekedeng nge.

IPESUS 6:18

Uyan mung dina dalem temameʹ kem lemuto, mentung nyat Allah mepo ikem. Lemameʹ ne lemuto-uto bayaʹ ajak Berua Tuhan. Moʹ ina jagaʹ ne, ngan nengayet ne pa kumpin, ngan lemuto ne lemameʹ me mung diaʹ anun Allah.

PILIPI 1:5

moʹ un pebeka tawai hem dalem gayeng Denga Injil ini cen penading nai ie palaʹ ikem, pa abeʹ naʹkini.

KULUSE 1:23

Tuman ina, tekep lete ikem penco tudep neng usun tentan iaʹ salet ina. Ngan ayen ncem pedayo dulu ke ngala ikem neng tebelum ngkem iaʹ ikem lepa alaʹ tegoʹ kem kenahan neng tebelum ngkem iaʹ ikem lepa alaʹ tegoʹ kem kenahan dau Denga Injil ina are. Akeʹ ne Paulus iaʹ lepa tai nuyan ulaʹ ban tuman Denga Injil ina, iaʹ ina Denga Injil iaʹ lepa ban pedenga palaʹ kelunan kusun tanaʹ ini.

KULUSE 4:2

Tiga hem lemameʹ lemuto-uto, ngan tudep le tegoʹ kem lemameʹ, mentung ngkem nyuaʹ tiga saheʹ palaʹ Allah.

2 TIMUTIUS 3:14

Un sepuʹo tiga hoʹ tudep dalem mung katuk iaʹ telit, iaʹ ban ikoʹ pekalai ngan ngelan, moʹ tiga hoʹ ngetisen aheʹ diaʹ ban pekatuk ikoʹ.

IBERANI 10:25

Tiga le pempun koʹ baʹan kelayen le. Ayen leko koʹ baʹan palai are. Di lareʹ tiga le petangen ilu semaheʹ, tai tangen kuʹo uban le tisen Tau Bioʹ Tuhan kenai nyeng laʹa.

IBERANI 10:39

Abeʹ le koʹ baʹan kelunan diaʹ ngedut ngan tasaʹ. Un sepuʹo ilu diaʹ ngelan ngan alaʹ udip me berua le.

1 YAYA 1:3

Inu iaʹ ameʹ lepa ban taʹan, ngan iaʹ ameʹ lepa ban kenahan, ameʹ penco ho mikem lete, apan ncem ke pebulung ngan meʹ neng puyan iaʹ pebeka tawai le ngan Amai Bioʹ, pemung ngan Anak ke Yesus Keristus.

1 YAYA 1:7

Buk le mudip neng dema koʹ baʹan Allah iaʹ un mudip neng dema, ina le un pebeka tawai le ca usa ngan ca usa, ngan dahaʹ Yesus iaʹ Anak ke ke muheʹ ilu cen singket penyalaʹ le.

1 YAYA 2:19

Ida diaʹ bunoʹ Keristus dina nai luhaʹ cen ahang ilu, sulo mecin ilu. Abeʹ de un atek lemakat cen mpun ilu. Buk de lemakat cen mpun le, atek de tudep ke pemung ngan le lete. Un sepuʹo ida lepa mecin ilu apan ne luhaʹ ban ca usa mida pe abeʹ un lemakat cen mpun le.

YAHUDA 1:20

Un sepuʹo ikem diaʹ cenganak keʹ, nemek ne nekedeng pengudip kem pebesun ne neng pengelan ncem iaʹ atek buheʹ. Lemameʹ ne ikem dalem pengali Berua Tuhan,