PEMUYAN 2:40 - Kenyah New Testament

⁴⁰ Pekesihoʹ ne dau tiraʹ Peterus neng ida. Ngan kadoʹ tiraʹ diaʹ ca laʹa, seʹ Peterus ten ke payo ida dina, kun dau ue: “Pudip ne usa hem cen ukum iaʹ ke sihoʹ lepoʹ iaʹ jaʹat ini.”

PEMUYAN 2:40 Iomraidhean Croise

MATIUS 12:34

E lepoʹ ncung ulai, kumpin ncem senteng ke menco isiu iaʹ tiga idi pe petem jaʹat dalem kimet cem? Ban ne inu iaʹ sangan dalem kimet kelunan, ina lete iaʹ kenai kawang cen paʹ de.

MATIUS 16:4

Kelunan diaʹ mudip ngajan ini un jaʹat kimet de, ngan puyan nte petaro Tuhan Allah. Seʹ kem ke cuk akeʹ uyan puyan nyingan? Naʹun. Bang ca le tedanaʹ nyingan iaʹ akeʹ ke naʹ mikem, iaʹ ina tedanaʹ nyingan pegawa Yunus.” Lepa ina sulo tai Yesus mecin ida.

MATIUS 17:17

Un dau Yesus mipa: “E kelunan diaʹ abeʹ un pengelan, ngan salaʹ kimet. Kudaʹ majan nceʹ ke ngelineʹ ngan ncem tupe? Ngan kudaʹ majan nceʹ ke pedenaʹ ngan ncem? Nai ne ngkin anak ina kini palaʹ akeʹ.”

MATIUS 23:33

E ikem diaʹ mela ncung ulai, ayen ncem nebelum ke nakau usa hem cen ukum luten.

MARKUS 8:38

Tuman ina, buk ca kelunan iaʹ nyepati ke ngahaʹ akeʹ ngan katuk keʹ ngajan udip pe taro ngan jaʹat ini, pekina lete Anak Sio ini nyepati ke ngahaʹ ia, tegoʹ ke nai ie luhaʹ dalem serema peniga Amai ie, peging ngan melikat te diaʹ buheʹ.”

LUKAS 16:28

moʹ lema re cenganak keʹ laki kina. Un baʹan le, ia badaʹ tugen le mida, malap ida kenai kaʹ ukoʹ iaʹ tuyen ini tegoʹ de matai ʹo.’

LUKAS 21:36

Lemuto hem ke jagaʹ ngan lemameʹ, apan ncem un penyalet ceng dadoʹ jatan puyan taru dini, ngan ke jeng salet nyeripa Anak Sio ʹo.”

YAYA 21:25

Kadoʹ pemuhan diaʹ ca Yesus lepa ti. Buk ketoʹ dina lepa senurat tahaʹ ca tahaʹ ca, akeʹ ngihoʹ ketoʹ usun tanaʹ ini abeʹ un senteng ukoʹ Kitap diaʹ ke senurat dina. 2

PEMUYAN 10:42

Kun Yesus cuk ameʹ nai badaʹ Denga Injil ina me dulu mung, ngan tugen uban ia iaʹ Allah ban peteneng Pebetep Ukum neng mung kelunan diaʹ mudip, pekina pe diaʹ matai.

PEMUYAN 15:32

Un Yudas ngan Silas, pegawa Tuhan nte dua. Majan nte pekatuk diaʹ cenganak dalem Tuhan kina, mentung nte dua petangen ngan ngepali pengelan nte.

PEMUYAN 20:11

Nai Paulus kempau, sulo ho pepiding ruti, penco re uman. Majan pe ia petiraʹ laʹa pa nai dema. Uʹo ina le Paulus tai puke.

PEMUYAN 20:2

Ketai Paulus pelibut ketoʹ dale ina, mentung nge petangen dulu man kadoʹ katuk ke. Uʹo ina tai ie abeʹ kaʹ tanaʹ Gerika.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 20:24

Naʹ pia pekina, abeʹ keʹ mawaʹ udip keʹ pe. Ahaʹ akeʹ senteng pelepa tulat gayeng ngkeʹ neng jo udip keʹ, iaʹ akeʹ ban alaʹ cen Tuhan Yesus are, ina ne ke badaʹ tugen puyan Denga Injil neng pengelesau Allah iaʹ ia lebang naʹ milu.

PEMUYAN 20:9

Un ca demanai, ngadan ne Utikus, madung kaʹ paʹ awang, tai ngerungun ne ia. Moʹ majan Paulus petiraʹ, tai gahaʹ ne demanai ina luntoʹ, pa tai ie laboʹ kaʹ tanaʹ cen tekuduk amin iaʹ ketelu ue. Uʹo ina tai dulu alaʹ ia, lepa matai ne ia.

PEMUYAN 28:23

Ina ukoʹ de nengangan uyan tebuku ngan Paulus, tau re kenai pempun kata ia. Kadoʹ kenai lepoʹ Yahudi neng tau idi. Cen mempam pa ketai ie tahup, Paulus nyituk badaʹ dau katuk ke mida neng puyan pengaren Allah ngaren ilu kelunan. Kun ne badaʹ cen Kitap Katuk Adet Musa, pekina pelaʹa cen Kitap diaʹ Pegawa. Man dina ha ten ke payo ida ke ngelan neng Yesus.

PEMUYAN 4:36

Un Yusup ne, diaʹ lawa Injil naʹ ipa ngadan ne Barnabas, iaʹ sen ngadan ina “Laki Nyelaho,” ca diaʹ mela Liwi ie, ban cen tanaʹ Siperus te.

2 KURINTUS 5:20

Tuman ina ameʹ dini nuyan lawa Keristus, seleket Allah tengen iaʹ mayo ikem kuʹun meʹ. Saliu Keristus ameʹ ngelapen nyat ikem: tunuk ne palaʹ Allah apan ne uyan ikem diaʹ pepanak ngan ne.

2 KURINTUS 6:17

Ban ne pekina Tuhan pisiu laʹa kuma ha: “Ayen ngelineʹ neng beluaʹ ida dina. Petengen udip kem cen ida. Ayen ngkang inu iaʹ abeʹ un buheʹ, ngan akeʹ ke nyelama alaʹ ikem.

GALATIA 5:3

Ca liwai laʹa akeʹ pejagaʹ dau mikem: buk ca kelunan ke uyan adet sunat, atek ke kebayaʹ lete mung puyan Katuk Adet ina.

IPESUS 4:17

Ina ukoʹ keʹ pisiu ikem dalem ngadan Tuhan, ngan tengayet kaʹ keʹ ke mulen ikem mudip koʹ baʹan diseʹ diaʹ muau Tuhan, diaʹ abeʹ un tuman tuman kimet de,

PILIPI 2:15

apan abeʹ un ukoʹ dulu ke pesalaʹ ikem ʹo. Idi hem buheʹ ke nuyan anak Allah iaʹ abeʹ un penginteʹ ngajan ncem mudip neng ahang lepoʹ diaʹ kileng, diaʹ piwaʹ neng iaʹ jaʹat. Ikem ne kedema neng ahang ida koʹ baʹan betuʹen iaʹ ngedema kusun tanaʹ iaʹ mentem ini,

1 TESALUNIKA 2:11

Ikem tisen ban meʹ pekimet singket usa hem pekuaʹ a koʹ baʹan ca amai ke pekimet anak ke tengen are.

1 TIMUTIUS 4:16

Nawai le ikoʹ tiga tiga tuk usa hoʹ ngan neng katuk koʹ. Tudep le ikoʹ dalem gayeng Tuhan, moʹ dalem gayeng ini hoʹ ke pudip usa hoʹ tengen, ngan pekina pe diaʹ ngeringa dau hoʹ.

1 PETERUS 5:12

Akeʹ uyan surat iaʹ buʹet ini palaʹ ikem man ujoʹ Suanus, moʹ keʹ kuma ia ca cenganak le iaʹ semamet. Kimet ceʹ ubaʹ ke petangen ikem, ngan badaʹ ban ini iaʹ lan lan ne pengelesau Allah. Tiga hem salet nekejeng kidi.