PEMUYAN 2:4 - Kenyah New Testament

⁴ Mung nte tai sangan kuʹun Berua Buheʹ, sulo re pisiu neng naʹan naʹan dau isiu, bayaʹ ban puyan Berua Buheʹ iaʹ nai mesun neng ida cuk ida pisiu.

PEMUYAN 2:4 Iomraidhean Croise

MATIUS 10:19

Dalau dulu ke ngadu ikem, ayen ncem iʹut tawai neng puyan isiu iaʹ ikem ke badaʹ. Tegoʹ jakaʹ kem ke pisiu, Tuhan Allah ke naʹ isiu iaʹ tekep ikem ke pisiu.

MARKUS 16:17

Tuhan ke naʹ kudaʹ tedanaʹ nyingan dini me kelunan diaʹ ngelan: ida ke pekarap bali man ngadan nceʹ; ida ke pisiu man naʹan naʹan isiu iaʹ bulen;

LUKAS 1:15

Ia ke nuyan ca kelunan iaʹ bioʹ dalem penaʹat Tuhan ʹo. Ngan nyahut te ke nisep telang anggur ngan jakan nuʹo. Ia ʹo sangan kuʹun Berua Buheʹ cen tading iʹut te.

LUKAS 1:41

Dalau Ilisabet kenahan dau isiu Mariam nyelama ia, belekaʹ anak ina nepejuk dalem batek ke. Dalau ina sangan ne Ilisabet kuʹun Berua Buheʹ.

LUKAS 1:67

Un Sakaria, amai Yaya ne, sangan ne kuʹun Berua Buheʹ, penco ho badaʹ dau Allah, kun dau ue:

LUKAS 12:12

moʹ Berua Buheʹ iaʹ ke pekatuk ikem dalau ina ʹo, idi telit dau isiu hem.”

LUKAS 21:15

Akeʹ iaʹ kenaʹ isiu neng paʹ kem, ngan naʹ penudi mikem iaʹ bunoʹ kem are senteng ke nyekang ngan ke mipa.

LUKAS 4:1

Nai Yesus uleʹ cen sungai Yardin. Sangan ne kuʹun Berua Buheʹ. Penco Berua ina tai ngkin ia kaʹ tanaʹ lenga.

YAYA 14:26

Ia iaʹ mepo ikem, ina ne Berua Buheʹ iaʹ Amai Bioʹ ke cuk nai dalem ngadan nceʹ, ia iaʹ ke pepo pekatuk ikem neng puyan inu inu, ngan uyan ikem ke petawai ketoʹ diaʹ akeʹ lepa badaʹ mikem.

YAYA 20:22

Lepa ha pisiu ina, kun ne ngelaset nyelempau neng ida, ngan kuma ha: “Alaʹ ne Berua Buheʹ.

PEMUYAN 1:5

Yaya lepa ngebatis kelunan man sungai, un sepuʹo ikem dini iaʹ Allah ke ngebatis man Berua Buheʹ, abeʹ e ke kudaʹ tau majan ne laʹa.”

PEMUYAN 1:8

Un sepuʹo ke sangan ncem kuʹun penyukat te tegoʹ Berua Buheʹ kenai mesun neng ikem, ngan ikem iaʹ ke tai nuyan kelunan diaʹ ke badaʹ tugen neng akeʹ kaʹ Yerusalim, pekina pe pa tipo tanaʹ Yudia, ngan kaʹ tanaʹ Samaria, pabeʹ libut usun tanaʹ ne.”

PEMUYAN 10:46

Moʹ lepoʹ Yupe dina kenahan dau isiu re iaʹ bulen neng naʹan naʹan isiu, mentung nte pempau Allah neng bioʹ ban puyan ne. Un dau Peterus:

PEMUYAN 10:47

“Ini ne ida dini alaʹ Berua Buheʹ, koʹ baʹan ameʹ are. Abeʹ un aheʹ senteng ke mulen ida tai sihoʹ ngebatis man sungai laʹa.”

PEMUYAN 11:15

Sulo dau Peterus laʹa: “Dalau tading keʹ ke pisiu neng mpun dulu kaʹ amin Kurnilius ina, kenai Berua Buheʹ mesun neng ida, koʹ baʹan diseʹ neng ilu dalau tading nge are.

PEMUYAN 11:24

Moʹ Barnabas ne ca laki iaʹ atek tiga saheʹ, iaʹ sangan kuʹun Berua Buheʹ ngan pengelan. Nai un pit kadoʹ dulu diaʹ pupa nai bayaʹ Tuhan.

PEMUYAN 13:52

Toʹ de diaʹ bayaʹ katuk Tuhan kaʹ lepoʹ Antiukia ina sangan kuʹun bangen ngan Berua Buheʹ.

PEMUYAN 13:9

Un Saul, iaʹ ilu kuma Paulus ina, sangan ne kuʹun Berua Buheʹ. Kun ne nekeneng naʹat laki pucau ina.

PEMUYAN 15:8

Ban Allah iaʹ tisen kimet kelunan mung. Tugen lan ban Tuhan Allah alaʹ dulu diaʹ tahaʹ awang Yahudi, moʹ o naʹ Berua Buheʹ mida koʹ baʹan ne naʹ milu are.

PEMUYAN 19:6

Kun Paulus napoʹ ujoʹ o neng ida, sulo kenai Berua Buheʹ mesun neng ida, penco re pisiu man isu iaʹ bulen dau. Kun nte badaʹ seluhan isiu cen Allah pelaʹa.

PEMUYAN 2:11

pekina pe lepoʹ Yahudi, ngan diaʹ ca diaʹ alaʹ adet Yahudi. Un pe lepoʹ Keriti, ngan lepoʹ Arap. Mung le kenahan dau re pisiu neng isiu le selepeʹ, ban puyan Allah iaʹ bioʹ ina.”

PEMUYAN 2:3

Belekaʹ nai luhaʹ koʹ baʹan aʹang luten, iaʹ nai neng ida, iaʹ tai pigai ngedung neng usun ida, singket singket usa re.

PEMUYAN 4:31

Lepa re lemameʹ, un amin iaʹ ukoʹ de pempun tai tekicuk. Mung nte sangan kuʹun Berua Buheʹ pa re senteng penco tiraʹ Allah ngan iaʹ tempa dau.

PEMUYAN 4:8

Peterus iaʹ sangan kuʹun Berua Buheʹ ina mipa ida, un dau ue: “Ahaʹ pui, amai, ngan mung ngkem diaʹ tuʹa tuʹa le,

PEMUYAN 6:3

Moʹ ina cenganak cenganak, tiga hem lemileʹ neng ahang ikem, tujoʹ usa diaʹ ban ilu nugen luhaʹ diseʹ un sangan kuʹun Berua Buheʹ, ngan diaʹ tudi diseʹ penisen pe, iaʹ ilu nebelum ke ngkang gayeng ini.

PEMUYAN 6:5

Un tiraʹ de sihoʹ neng pengubaʹ de dina mung, penco re lemileʹ Stipanus, ca laki iaʹ sangan kuʹun pengelan ngan Berua Buheʹ. Un pe Pilipus, ngan Pukurus, ngan Nikanur, ngan Timun, ngan Pamenas, ngan Nikulaus iaʹ ina ca laki lepoʹ Antiukia, iaʹ lepa nyaliu adet te tai Yahudi.

PEMUYAN 6:8

Un Stipanus, laki iaʹ sangan kuʹun peniga Allah ngan penyukat. Ia uyan puyan nyingan iaʹ bioʹ ngan tedanaʹ bulen neng ahang lepoʹ ina.

PEMUYAN 7:55

Un Stipanus iaʹ sangan kuʹun Berua Buheʹ, nekadaʹ a kaʹ langit, sulo ho taʹan serema peniga Allah; un pe Yesus nekejeng tahaʹ taʹu Allah.

PEMUYAN 8:17

Sulo Peterus ngan Yaya napoʹ ujoʹ de neng ida, penco re un Berua Buheʹ.

PEMUYAN 9:17

Penco ketai Ananias masat, tai kedalem amin kukoʹ Saul ne. Kun ne napoʹ ujoʹ o neng Saul, un dau ue: “Ahaʹ cenganak keʹ Saul, akeʹ iaʹ ban Tuhan cuk, ia lete Yesus iaʹ ban nai luhaʹ kata ikoʹ ngalang janan, dalau nai hoʹ are. Ina ukoʹ o cuk akeʹ nai, moʹ o ke cuk ikoʹ ke taʹan pelaʹa, ngan cuk ikoʹ tai sangan kuʹun Berua Buheʹ.”

RUM 15:13

Awaʹ pe Allah iaʹ puʹun tebelum ina ke nyangan mung bangen ngan udip iaʹ tadan neng ikem, moʹ kuʹun pengelan ncem neng ia. Idi tebelum ngkem ketai un pit un pit pengali ie moʹ kuʹun penyukat Berua Buheʹ ne.

1 KURINTUS 12:10

Berua Tuhan ina iaʹ naʹ penyukat uyan puyan nyingan me ca usa, ngan neng diaʹ ca un pencai man ne pisiu seluhan isiu Allah, ngan neng diaʹ ca laʹa un penyukat man ne senteng nugen iaʹ tekajaʹ puyan pencai iaʹ nai cen Berua Tuhan ngan pencai iaʹ nai cen bali. Neng ca usa laʹa ia naʹ penyukat man ne ke pisiu isiu bulen. Pekina pe neng diaʹ ca ia naʹ penyukat man ne ke petisen ilu neng sen isiu bulen are.

1 KURINTUS 13:1

Kenuen pe akeʹ senteng pisiu ngan mung naʹan isiu kelunan, ngan isiu melikat pe, un sepuʹo buk keʹ abeʹ un malaʹ ne, mung isiu heʹ are, kuaʹ baʹan dau ca tuyau angkung re, ngan sanang iaʹ mengengit dau.

1 KURINTUS 13:8

Un malaʹ ne, abeʹ e ke un pengelepa ha. Un sepuʹo puyan iaʹ pisiu seluhan isiu Allah ke tai ie abeʹ un laʹa. Pekina pe pencai iaʹ pisiu ngan isiu bulen ke tai pekenaʹ, pekina pe pencai penisen ke tai abeʹ un laʹa.

1 KURINTUS 14:18

Akeʹ nyuaʹ tiga saheʹ palaʹ Allah tuman pencai isiu bulen man ceʹ lemuto pisiu neng ata heʹ tengen, naʹ pe puyan nceʹ pekina un lapa neng puyan aheʹ neng ahang ikem.

1 KURINTUS 14:5

Kimet ceʹ ubaʹ ikem mung pisiu ngan isiu bulen, un sepuʹo menjo pe ubaʹ tekaʹ keʹ ikem mung un pencai iaʹ badaʹ seluhan isiu cen Allah. Moʹ kelunan iaʹ pisiu seluhan isiu Allah, menjo bioʹ pe bang nge me kelunan neng ʹo kelunan iaʹ pisiu ngan isiu bulen. Ca naʹan pe buk ke un ca usa laʹa iaʹ senteng paso isiu bulen ina apan mung Mpun ke tisen sen ne, sulo tai dengkep kuʹun ne.

IPESUS 3:19

Awaʹ ne ikem tisen toʹ pengemalaʹ Keristus iaʹ lapa neng ʹo penisen le kelunan, apan ncem tai dengkep kuʹun inu iaʹ dengkep neng Allah.

IPESUS 5:18

Ayen ncem mabuk telang jakan iaʹ ke ngejaʹat ikem, di lareʹ tiga hem tai sangan kuʹun Berua Tuhan.

IPESUS 6:18

Uyan mung dina dalem temameʹ kem lemuto, mentung nyat Allah mepo ikem. Lemameʹ ne lemuto-uto bayaʹ ajak Berua Tuhan. Moʹ ina jagaʹ ne, ngan nengayet ne pa kumpin, ngan lemuto ne lemameʹ me mung diaʹ anun Allah.

1 PETERUS 1:12

Allah iaʹ petisen diaʹ pegawa dina, abeʹ de pegayeng bang mida tengen le, di lareʹ seʹ de pegayeng mikem, moʹ de penco tiraʹ iaʹ lan, iaʹ ikem ban alaʹ naʹkini. Moʹ naʹkini diaʹ lawa Injil penco katuk dalem penyukat Berua Buheʹ, iaʹ Allah ban cuk nai cen surga. Ida iaʹ badaʹ tiraʹ iaʹ lan mikem, ngan ubaʹ pe melikat ke tisen kidi.

2 PETERUS 1:21

Moʹ abeʹ un tiraʹ iaʹ badaʹ kimet Allah iaʹ nai cen pengubaʹ kimet kelunan tuaʹ le, di lareʹ nai ie kuʹun Berua Buheʹ iaʹ mesun neng kelunan jinan nte penco tiraʹ cen Allah.