PEMUYAN 2:39 - Kenyah New Testament

³⁹ Moʹ palaʹ ikem lete Allah lepa petuket ini, ngan palaʹ anak kem, ngan pekina pe palaʹ mung kelunan diaʹ coʹ, mele kudaʹ kadoʹ iaʹ Tuhan Allah le ke mengin nai palaʹ ia.”

PEMUYAN 2:39 Iomraidhean Croise

PEMUYAN 10:45

Un lepoʹ Yahudi diaʹ ngelan Tuhan, diaʹ ban nai tugung Peterus cen Yupe are, tai paʹan ne ida, moʹ Allah mubeʹ Berua Buheʹ ina, ca pengencai ie me diaʹ tahaʹ awang Yahudi.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 15:14

Lepa ne Simun Peterus badaʹ kumpin ban tading Allah petubo dulu diaʹ tahaʹ awang neng ilu Yahudi, cen puyan Tuhan Allah ban alaʹ palai mida, nuyan ida diaʹ anun ne tengen.

PEMUYAN 15:3

Pekina Mpun diaʹ ngelan Tuhan cuk ida telu tai puke. Ketai re masat ngalang dale Penisia ngan dale Samaria, mentung nte badaʹ ban dulu diaʹ tahaʹ awang Yahudi lepa pupa kimet de palaʹ Allah. Denga ini iaʹ ngkin bioʹ bangen tawai me mung diaʹ cenganak dalem Tuhan dina.

PEMUYAN 15:8

Ban Allah iaʹ tisen kimet kelunan mung. Tugen lan ban Tuhan Allah alaʹ dulu diaʹ tahaʹ awang Yahudi, moʹ o naʹ Berua Buheʹ mida koʹ baʹan ne naʹ milu are.

RUM 11:29

Moʹ abeʹ e tai pekaliu kimet Allah neng ban pengencai ie, pekina pe neng ida diaʹ ia ban mengin.

RUM 8:30

Un diaʹ Allah ban pelaya dina are, ida te Allah ban mengin pelaʹa. Un diaʹ Allah ban mengin dina, ida pe diaʹ Allah ban peteneng ngan ne pelaʹa ʹo. Un diaʹ Allah ban peteneng dina, Allah ngahum nte pemung ngan ne dalem serema peniga ha.

RUM 9:24

Ilu diaʹ ban ia mengin dini, abeʹ le pelaya lepoʹ Yahudi le, di lareʹ un pe palai lepoʹ diaʹ ca ngan le.

RUM 9:4

Lepoʹ Yahudi, ida diaʹ Allah ban lemileʹ ngan mamung. Mida pe Allah naʹ serema peniga ha ne. Kun Allah nyalet tuket te neng ida. Kun ne naʹ Katuk Adet te mida puʹo. Ida pe diaʹ un puyan temameʹ iaʹ lan. Pekina pe ida iaʹ alaʹ dau tuket cen Tuhan Allah ne.

1 KURINTUS 7:14

Moʹ laki iaʹ abeʹ un ngelan Tuhan ina nai sihoʹ neng pengubaʹ Allah tuman ne pemung ngan leto ho ina. Ngan leto iaʹ abeʹ un ngelan Tuhan ina nai sihoʹ neng pengubaʹ Allah kuʹun laki iaʹ cenganak le ina. Buk ke abeʹ un pekina, seʹ anak de ketai pekuaʹ ngan anak dulu diaʹ abeʹ un ngelan Tuhan, di lareʹ naʹkini anak de dua nai sihoʹ neng pengubaʹ Allah.

IPESUS 1:18

Akeʹ nyat pelaʹa apan mata penawai hem ketai pesik, idi hem tai taʹan dema ha, apan ncem tai tisen tebelum dalem pengin Allah neng ikem. Pekina pe apan ncem tai tisen kumpin bioʹ puyan peniga iaʹ ia petuket ke naʹ me kelunan diaʹ anun ne.

IPESUS 2:12

Moʹ un ncem dalau ina tahaʹ awang neng Keristus. Abeʹ kem kahum neng dulu diaʹ Allah ban lemileʹ dina, moʹ kem kelunan bulen. Ngan abeʹ pe ikem sihoʹ neng tiraʹ iaʹ pebeka ngan Allah, iaʹ Allah petuket me diaʹ anun ne. Dalau hem mudip kusun tanaʹ ini cen naʹaʹ are, abeʹ un tebelum ngkem, abeʹ pe ikem tisen Allah.

IPESUS 4:4

Ca le usa, ngan ca le Berua, ngan ca le tebelum neng puyan Allah ban mengin ikem.

2 TESALUNIKA 1:11

Ina tuman meʹ lemuto lemameʹ mikem, ameʹ nyat Tuhan Allah le ke uyan ikem kelunan diaʹ un puyan pengudip iaʹ marung neng pengin ne. Awaʹ pe Tuhan man penyukat te ke palup mung pengubaʹ kem iaʹ ubaʹ uyan iaʹ tiga, ngan ke pesukung gayeng ngkem iaʹ nuyan kuʹun pengelan ncem.

2 TIMUTIUS 1:9

Ia lepa pudip ilu ngan mengin ilu tai nuyan kelunan diaʹ anun ne. Abeʹ e pudip ilu moʹ kuʹun pemuyan le, di lareʹ bayaʹ tengangan kimet te tengen, ngan kuʹun ban pengelesau ue. Ia naʹ pengelesau ue milu dalem Keristus Yesus iaʹ ading neng tading udip.

IBERANI 3:1

Ahaʹ cenganak keʹ diaʹ buheʹ dalem Tuhan, ikem diaʹ kahum dalem pengin Allah iaʹ mengin ilu kaʹ udip surga. Pekimet Yesus ading. Ia iaʹ Allah ban cuk nai pelawa palaʹ ilu, uyan ia iaʹ detaʹu bioʹ neng pengelan le iaʹ ilu kuaʹ ngahaʹ ini.

IBERANI 9:15

Ina ukoʹ Keristus iaʹ peteneng ca penyalet tuket iaʹ mading, apan mung kelunan, diaʹ Allah lepa mengin, senteng alaʹ peniga iaʹ ke un pa majan, iaʹ Allah lepa petuket ke naʹ milu. Puyan ini senteng nuyan uban lepa un ca patai, iaʹ senteng ke pawang kelunan kelap cen pemuyan salaʹ iaʹ ida ti dalau re mudip neng penyalet tuket iaʹ puʹun are.

1 PETERUS 5:10

Moʹ tai lepa hem tisen tekaʹ sihoʹ tuyen iaʹ abeʹ un majan, Allah tengen iaʹ ke pedaʹam udip kem, ngan ke pedengkep ikem, ngan ke ngepali ikem, ngan ke nyalet ikem ʹo. Allah iaʹ atek puʹun mung pengelesau iaʹ mengin ikem ke pebeka dalem peniga Keristus iaʹ menyerema pa pa majan.

2 PETERUS 1:10

Ina ukoʹ o cenganak keʹ, tai sanget kuʹo ke tawai hem, apan teto tekaʹ kem neng puyan Allah iaʹ ban mengin ngan lemileʹ ikem. Buk pekina puyan ncem, nyahut cem ketai laboʹ ne.

2 PETERUS 1:3

Penyukat Allah iaʹ naʹ milu mung naʹan iaʹ ilu kanan, man le mudip neng udip iaʹ temek bayaʹ ia. Ilu un puyan ina kuʹun ban penisen le neng ia iaʹ ban mengin ilu tai pemung un tulat dalem serema peniga ha, ngan dalem puyan peniga ha tengen.

PUYAN LUHA’ 17:14

Mung nte ke pepatai ngan Anak Dumba ina ʹo. Un sepuʹo Anak Dumba ina peging ngan kelunan iaʹ ia lepa mengin, iaʹ ia lepa lemileʹ, diaʹ semamet bayaʹ ia, ke un usun neng ida dina moʹ ia iaʹ atek pengebioʹ tuʹa, ngan pengebioʹ diaʹ paren.”

PUYAN LUHA’ 19:9

Un dau melikat neng akeʹ: “Nyurat ne ikoʹ neng tiraʹ ini: Bangen saheʹ ne mung kelunan diaʹ Tuhan mengin tai kaʹ bunut pepeto Anak Dumba ina.” Un dau isiu melikat ina laʹa: “Ini iaʹ atek lan tiraʹ Allah.”