PEMUYAN 2:38 - Kenyah New Testament

³⁸ Un dau Peterus neng ida: “Nesen ne, ngan nyepuleʹ kimet cem cen penyalaʹ kem singket usa hem te, ngan tai alaʹ batis neng ngadan Yesus Keristus. Ina janan ke sau penyalaʹ kem, idi hem alaʹ pengencai Allah, atek Berua Buheʹ ina.

PEMUYAN 2:38 Iomraidhean Croise

MATIUS 28:19

Tuman ina, tai ne ikem palaʹ mung puhoʹ kelunan, mele kempi kempi kusun tanaʹ ini, ngan uyan ida kelunan diaʹ bayaʹ katuk keʹ. Ngan ngebatis ida man ngadan Amai Bioʹ, ngan Anak, ngan Berua Buheʹ.

MATIUS 3:2

Un dau Yaya: “Nyepuleʹ ne kimet cem cen penyalaʹ kem. Abeʹ e majan laʹa kenai luhaʹ ne puyan pengaren Tuhan Allah ke ngaren ilu kelunan.”

MATIUS 3:6

Kelunan dina are, ngahaʹ badaʹ puyan penyalaʹ de, sulo Yaya ngebatis ida kaʹ sungai Yardin.

MATIUS 4:17

Cen dalau ina Yesus nading ke penco badaʹ katuk ke, pekini dau ue: “Nyepuleʹ ne kimet cem cen penyalaʹ kem, ban abeʹ majan laʹa kenai luhaʹ ne puyan pengaren Tuhan Allah ke ngaren ilu kelunan.”

MARKUS 1:15

Un dau Yesus: “Lepa abeʹ ne tau ue, ngan nyeng ne puyan pengaren Allah ke ngaren ilu kelunan. Nesen ne ngan nyepuleʹ kimet cem cen penyalaʹ kem, sulo ngelan Denga Injil ini.”

MARKUS 16:16

Aheʹ iaʹ ngelan, ngan alaʹ batis, ia lete iaʹ atek ke tisen puyan iaʹ ke pudip ia dalem Tuhan. Aheʹ iaʹ abeʹ un ngelan, atek penyalaʹ a iaʹ ke mekem ngkin ia neng penaru.

LUKAS 24:47

Moʹ kuʹun ngadan ne, atek le ke menco katuk neng puyan nesen ngan nyepuleʹ kimet, pekina pe neng puyan sau penyalaʹ me ketoʹ lepoʹ kusun tanaʹ ne, tading nge cen Yerusalim.

LUKAS 3:10

Un dau re diaʹ kadoʹ dina neng Yaya: “Buk pekina, ke kumpin iaʹ tekep pemuyan meʹ, apan luhaʹ ban meʹ nesen cen penyalaʹ meʹ?”

PEMUYAN 10:43

Un dau isiu mung pegawa cen naʹaʹ diaʹ nugen dau neng Yesus: Aheʹ iaʹ ngelan neng Yesus uʹo, atek ke tisen te ia Yesus sau penyalaʹ a, moʹ kuʹun penyukat ngadan ne.”

PEMUYAN 10:48

Kun ne cuk ida tai sihoʹ ngebatis man ngadan Yesus Kristus. Uʹo ina, kun nte mapo Peterus ngelineʹ un kudaʹ tau pe majan ne kina.

PEMUYAN 13:38

Sulo dau Paulus laʹa: “Ahaʹ cenganak keʹ, tepat mung, tekep kem tisen ban kuʹun Yesus ini kenai katuk iaʹ ke sau penyalaʹ. Ameʹ nai pedenga ha palaʹ ikem.

PEMUYAN 16:15

Un Lidia ne, kun nte ngebatis ia peging ngan diaʹ amin ne. Kun ne mengin ameʹ: “Nai ne ikem telu, tudo kaʹ amin nceʹ buk betep tekaʹ kimet cem kuma akeʹ ca iaʹ lan ngelan neng Tuhan.” Naten dau ue mengin ameʹ telu ne.

PEMUYAN 17:30

Toʹ ngajan kelunan turan mudip are, abeʹ Allah un situk kidi. Un sepuʹo, naʹkini Allah cuk mung kelunan kempi kempi ke nesen ngan nyepuleʹ kimet de cen puyan jaʹat de.

PEMUYAN 20:21

Palaʹ lepoʹ Yahudi, pekina pe palaʹ lepoʹ Gerika, akeʹ nyebelang badaʹ ngan tugen dau neng puyan nyepuleʹ cen penyalaʹ tai palaʹ Allah, ngan puyan ngelan Tuhan le Yesus.

PEMUYAN 22:16

Naʹkini, inu ikoʹ pekena laʹa? Beteʹ ne, tai ne sihoʹ ngebatis te, ngan lemameʹ palaʹ Yesus apan ne sau penyalaʹ koʹ.’ Pekina dau Ananias neng akeʹ.”

PEMUYAN 26:18

Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.

PEMUYAN 26:20

Ading ketai heʹ badaʹ denga ina palaʹ lepoʹ Damsik, uʹo ina tai heʹ palaʹ lepoʹ Yerusalim, uʹo ina pelaʹa tai heʹ pa tipo tanaʹ Yudia nuʹo. Ngan palaʹ dulu diaʹ tahaʹ awang Yahudi pe ketai heʹ badaʹ a, apan nte nesen ngan nyepuleʹ kimet de, ngan pupa palaʹ Tuhan Allah, ngan uyan puyan tiga iaʹ ke badaʹ diseʹ ban nte nesen ngan nyepuleʹ kimet de.

PEMUYAN 3:19

Moʹ ina, nesen ne, ngan nyepuleʹ kimet cem palaʹ Allah, idi ie ke musoʹ sau penyalaʹ kem. Laʹa idi hem ke un ca iaʹ ke nyengim udip kem, iaʹ ban nai cen juma Tuhan.

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

PEMUYAN 8:12

Dalau re kenahan dau kenai Pilipus iaʹ badaʹ Denga Injil neng puyan pengaren Allah ngaren kelunan, ngan neng puyan ngadan Yesus Keristus ina, mung nte ngelan, peging ngan laki ngan leto. Sulo toʹ de sihoʹ ngebatis.

PEMUYAN 8:20

Kun dau Peterus mipa ia: “Pebareng ne ligit coʹ pemung ngan usa hoʹ, moʹ un tekaʹ koʹ pekimet senteng ke lemeli pengencai sio Allah man ligit coʹ.

RUM 6:3

Awaʹ pe ikem tisen, moʹ tegoʹ Berua Tuhan ngebatis ilu kedalem Yesus Keristus, serengan ina lete ia ngebatis ilu kedalem patai Keristus ne.

IPESUS 1:7

Kuʹun musa dahaʹ Keristus, ia pawang ilu tai pesau cen iaʹ jaʹat, moʹ un pebeka tawai le dalem me. Pekina pe penyalaʹ le pesau kuʹun patai ie.

TITUS 3:5

nai luhaʹ puyan ne pudip ilu. Abeʹ e tuman pemuyan iaʹ tiga iaʹ ilu tengen lepa uyan, un sepuʹo kuʹun tuman pengelesau Allah tengen. Ina tuman ne pudip ilu man puyan Berua Buheʹ e, iaʹ ntoʹ ilu, ngan naʹ ca puyan iaʹ uyan ilu numpak pempet mading laʹa, ngan naʹ ca pengudip iaʹ mading milu.

1 PETERUS 3:21

Man sungai ina le ke alaʹ kata neng puyan batis iaʹ pudip ilu dalem Tuhan naʹkini: sen ne, abeʹ e ntoʹ man le muheʹ sau ano usa le, di lareʹ man tiraʹ le petuket bayaʹ Allah cen tekaʹ kimet dalem penawai le iaʹ tiga. Batis ina iaʹ pudip ikem kuʹun puyan Yesus Keristus ngeliwet mudip cen patai ie,