PEMUYAN 2:33 - Kenyah New Testament

³³ Lepa ne Yesus tai pejung kaʹ ukoʹ tahaʹ taʹu Allah, sulo Allah naʹ Berua Buheʹ mia, koʹ baʹan dau Amai ie lepa ban petuket mia are. Ngan puyan ini iaʹ ikem taʹan ngan kenahan naʹkini, ini pengencai ie, iaʹ ia mubeʹ neng ameʹ.

PEMUYAN 2:33 Iomraidhean Croise

MATIUS 28:18

Nai Yesus ngenyeng ida, penco dau ue neng ida: “Mung penyukat lepa un ne neng akeʹ, koʹ baʹan kaʹ surga, pekina pe kusun tanaʹ.

MARKUS 16:19

Lepa Yesus petiraʹ ngan nte, sulo tai ie pejung kaʹ surga, ngan madung tahaʹ taʹu Tuhan Allah.

LUKAS 24:49

Ia iaʹ Amai heʹ lepa petuket ke naʹ mikem are, akeʹ tengen ke cuk ia nai mesun neng ikem ʹo. Un sepuʹo pekena ne ikem dalem lepoʹ ini, pa kenai penyukat cen surga mesun neng ikem ʹo.”

YAYA 14:16

Akeʹ ke nyat neng Amai Bioʹ, ngan ia ke naʹ ca laʹa iaʹ ke mepo ikem, ia ne Berua katuk telit iaʹ ke ngelineʹ ngan ncem putung udip.

YAYA 14:26

Ia iaʹ mepo ikem, ina ne Berua Buheʹ iaʹ Amai Bioʹ ke cuk nai dalem ngadan nceʹ, ia iaʹ ke pepo pekatuk ikem neng puyan inu inu, ngan uyan ikem ke petawai ketoʹ diaʹ akeʹ lepa badaʹ mikem.

YAYA 15:26

“Nai te ia iaʹ ke mepo ikem ʹo, ina ne Berua katuk iaʹ telit. Ia iaʹ nai cen Amai Bioʹ. Nai te ia cen Amai Bioʹ uban akeʹ iaʹ cuk ia nai. Ngan ia iaʹ ke badaʹ puyan nceʹ,

YAYA 17:5

Amai, naʹkini akeʹ nyeripa ngejuma ikoʹ. Naʹ ne serema peniga makeʹ, kuaʹ baʹan iaʹ akeʹ lepa un ngan ncoʹ kena usun tanaʹ ini ke nuyan are.

PEMUYAN 1:4

Dalau Yesus pempun ngan diaʹ lawa ha dina, kun ne pekatuk ida: “Ayen mecin Yerusalim, bang pekena ne pengencai iaʹ Amai heʹ lepa petuket ke naʹ mikem. Lepa ne akeʹ badaʹ a mikem cen kena.

PEMUYAN 10:45

Un lepoʹ Yahudi diaʹ ngelan Tuhan, diaʹ ban nai tugung Peterus cen Yupe are, tai paʹan ne ida, moʹ Allah mubeʹ Berua Buheʹ ina, ca pengencai ie me diaʹ tahaʹ awang Yahudi.

PEMUYAN 2:17

‘Un dau Allah: Pekini puyan nceʹ ʹo, tegoʹ ketai kebayaʹ udip. Akeʹ ke mubeʹ Berua heʹ neng usun mung kelunan, diaʹ anak laki hem, ngan diaʹ anak leto hem. Ida iaʹ ke badaʹ kimet Allah. Un diaʹ demanai hem, ida ke taʹan kudaʹ naʹan penaʹat, Un diaʹ lataʹ kem, ida ke ngenupi naʹan naʹan kenupi.

PEMUYAN 5:31

Ia lete Allah ban ngayang cuk ia tai tahaʹ taʹu ue, moʹ o cuk ia ketai Tuʹa le, ngan Keniga Udip le, iaʹ ke mawang ukoʹ lepoʹ Israil ke nesen, alaʹ nyepuleʹ kimet de, ngan ke sau penyalaʹ de.

RUM 5:5

Abeʹ tebelum ina ke pebahoʹ ilu, moʹ Allah ban lebang meseʹ pengemalaʹ a kedalem penawai le, kanan Berua Buheʹ iaʹ pengencai Allah milu.

GALATIA 3:14

Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.

IPESUS 1:13

Pekina lete ikem, dalau hem ban kenahan dau katuk iaʹ telit lan are, iaʹ ina Denga Injil neng puyan iaʹ pudip ikem dalem Tuhan, penco hem ngelan neng Keristus. Sulo kun Allah matep ikem man Berua ha iaʹ Buheʹ, iaʹ lepa ia petuket ina.

IPESUS 4:8

Ina ukoʹ pekini dau isiu neng Keristus dalem Kitap Tuhan: “Dalau ketai ie pejung kempau, ia ngkin ngan ne kadoʹ salut, sulo kun ne naʹ kudaʹ pengencai me kelunan.”

TITUS 3:6

Allah lepa mubeʹ Berua Buheʹ e milu ngan lento ho. Man Yesus Keristus iaʹ Keniga Udip le, ia uyan puyan ina,

IBERANI 10:12

Ca naʹan pe Keristus, uban ia mencai ca pencai liwa tuman penyalaʹ, iaʹ ina ca pencai iaʹ un tiga pa majan, penco ho madung tahaʹ taʹu Allah.

IBERANI 2:9

Bang Yesus ilu taʹan un pengaren. Abeʹ un kumpin majan ia iaʹ nuyan libaʹ neng ʹo diaʹ melikat, apan ne senteng matai tuman mung kelunan. Puyan ina nuyan kuʹun pengelesau Allah. Naʹkini ilu taʹan Yesus. Luhaʹ ban pengaren ne, ngan serema peniga ha, ngan selama ha kuʹun puyan patai ie.

1 PETERUS 1:21

Moʹ ban kuʹun Keristus, ikem ngelan neng Allah iaʹ ban pudip ia cen patai, ngan naʹ serema peniga mia. Ina ukoʹ pengelan ncem ngan tebelum ngkem tai dapit palaʹ Allah.

1 PETERUS 3:22

iaʹ lepa tai kaʹ surga tahaʹ taʹu Allah. Cen ina ha ngkang perinta neng mung melikat, mung diaʹ paren, ngan mung penyukat surga.