PEMUYAN 2:30 - Kenyah New Testament

³⁰ Ia ne ca pegawa Tuhan iaʹ tisen inu iaʹ Allah lepa petuket neng ia. Allah petuket ke naʹ ca usa iaʹ ke nai cen mela Daut bayaʹ. Ia ke nuyan paren bioʹ kuaʹ Daut ne.

PEMUYAN 2:30 Iomraidhean Croise

MATIUS 22:43

Un dau Yesus pelaʹa: “Buk ke pekina, moʹ inu Berua Buheʹ Allah nelasek Daut apan ne pisiu Keristus ina Tuhan? Ban ne un dau Daut:

MATIUS 27:35

Lepa sedadu dina napek Yesus neng kayu tecek, kun nte pelubit undi neng ahang ida, apan nte tisen aheʹ iaʹ ke alaʹ naʹan naʹan gelam me.

MARKUS 12:36

Ban ne un dau Berua Buheʹ iaʹ ngkin Daut pisiu kuma ha: ‘Tuhan Allah iaʹ cuk Tuhan nceʹ: Madung ne ikoʹ tahaʹ taʹu akeʹ, pa heʹ ke naʹ ketoʹ bunoʹ koʹ tahaʹ ntaʹ taket coʹ.’

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

PEMUYAN 1:16

“Ahaʹ cenganak keʹ mung, un dau isiu dalem Kitap Tuhan iaʹ sihoʹ neng puyan Yudas, iaʹ nai ngkin dulu dakep Yesus are, koʹ baʹan dau isiu Berua Buheʹ iaʹ nekena badaʹ neng puyan Yudas ne cen paʹ Daut cen naʹa are. Ina ukoʹ abeʹ e are senteng ketai palup dau Kitap Tuhan ini.

RUM 1:3

Idi iaʹ marung neng Anak ke, Tuhan le Yesus Keristus. Neng puyan udip kelunan ne, Yesus ban nai pempet cen mela Daut.

RUM 15:12

Pekina pe dau Yesaya laʹa: “Ban cen mela Isai kenai luhaʹ ca usa, iaʹ ke ngkang mung lepoʹ diaʹ tahaʹ awang Yahudi. Ida ke nebelum palaʹ ia.”

2 TIMUTIUS 2:8

Petawai hoʹ neng Yesus Keristus, mela cen Daut iaʹ numpak mudip cen patai, kuaʹ koʹ baʹan Denga Injil iaʹ akeʹ badaʹ ini.

IBERANI 1:1

Dalau udip cen naʹaʹ, un dau Allah pisiu tepun le man diaʹ pegawa ha. Un pe puto liwai, ngan un pe kadoʹ naʹan janan isiu ue lete.

IBERANI 3:7

Tuman ina, sihoʹ dau Berua Buheʹ iaʹ kuma ha: “Buk tegoʹ tau ini ikem kenahan dau Allah,

IBERANI 4:7

Luhaʹ puyan ini uban Allah badaʹ tau iaʹ ca iaʹ ia pisiu “tau ini.” Uban kudaʹ kudaʹ uman bayaʹ ina laʹa ia pisiu neng puyan ini man Laja Daut dalem jo Kitap iaʹ uʹo re kuma ha: “Buk tegoʹ tau ini ikem kenahan dau Allah, ayen ncem mahing kimet.”

IBERANI 6:17

Allah ubaʹ ke badaʹ kimet te ngan luhaʹ lan palaʹ kelunan diaʹ ke alaʹ tuket te. Kimet te nyahut abeʹ un ke pekaliu tuman sedep pe. Ina ukoʹ o ngepit dau santet neng tuket te.

IBERANI 7:21

Un sepuʹo Yesus lepa nuyan ca detaʹu kuʹun ca santet tegoʹ Allah kuma neng ia: “Tuhan lepa uyan ca santet, ngan abeʹ kimet te ke pekaliu: ‘Ikoʹ iaʹ nuyan detaʹu pa majan.’ ”

2 PETERUS 1:21

Moʹ abeʹ un tiraʹ iaʹ badaʹ kimet Allah iaʹ nai cen pengubaʹ kimet kelunan tuaʹ le, di lareʹ nai ie kuʹun Berua Buheʹ iaʹ mesun neng kelunan jinan nte penco tiraʹ cen Allah.

PUYAN LUHA’ 17:14

Mung nte ke pepatai ngan Anak Dumba ina ʹo. Un sepuʹo Anak Dumba ina peging ngan kelunan iaʹ ia lepa mengin, iaʹ ia lepa lemileʹ, diaʹ semamet bayaʹ ia, ke un usun neng ida dina moʹ ia iaʹ atek pengebioʹ tuʹa, ngan pengebioʹ diaʹ paren.”

PUYAN LUHA’ 19:16

Neng sapai ie ngan neng taket te un ngadan ne senurat kidi: “Iaʹ Pengebioʹ Paren, ngan Iaʹ Pengebioʹ Tuʹa.”