PEMUYAN 2:27 - Kenyah New Testament

²⁷ Moʹ abeʹ koʹ ke peterai berua heʹ kedalem tanaʹ diaʹ matai, ngan abeʹ koʹ pedayo ulaʹ penyelum koʹ ketai madam.

PEMUYAN 2:27 Iomraidhean Croise

MATIUS 11:23

Ngan pekina pe ikem lepoʹ Kapernaum. Seʹ kem ubaʹ ketai kempau pabeʹ kaʹ surga mo? Ikem iaʹ dulu ke pet kentaʹ neng ukum luten. Buk puyan nyingan iaʹ lepa nuyan neng ahang ikem ini, nuyan kaʹ lepoʹ Sudum cen naʹa, ke un lepe Sudum pabeʹ naʹkini.

MARKUS 1:24

kun dau ue: “Ahaʹ Yesus lepoʹ Nasarit, inu baʹan ncoʹ neng ameʹ tupe? Seʹ koʹ ubaʹ kenai nasaʹ ameʹ mo? Tisen te akeʹ ikoʹ. Ikoʹ ne pegawa iaʹ buheʹ nai cen Allah.”

LUKAS 1:35

Un dau melikat mipa ia: “Berua Buheʹ iaʹ kenai mesun neng ikoʹ, ngan penyukat Allah ke nyaʹung ngelidung ikoʹ ʹo. Ina ukoʹ anak iaʹ buheʹ ina, dulu ke naʹ Anak Allah ha ʹo.

LUKAS 16:23

Tuyen laleʹ ne tekaʹ laki kayaʹ idai kedalem lepoʹ kelunan matai. Cen penuyen ina kun ne nekadaʹ, penco ho taʹan seʹ Ibrahim cen coʹ, ngan Lasarus pata ngan ne.

LUKAS 24:44

Uʹo ina un dau Yesus mida: “Puyan ini lete iaʹ akeʹ badaʹ mikem dalau heʹ pemung ngan ncem are. Pekini dau heʹ are: Ketoʹ tiraʹ iaʹ ida badaʹ ke sihoʹ akeʹ dalem Katuk Adet Musa, pekina pe dalem Kitap Pegawa Tuhan, pekina pe dalem Kitap Kentau Masmur, atek ke palup mung.”

LUKAS 4:34

“Inu pengeloʹ koʹ neng ameʹ, Yesus lepoʹ Nasarit. Ikoʹ nai ubaʹ ke ngejaʹat ameʹ tupe? Tisen te akeʹ ikoʹ ini: ikoʹ iaʹ Buheʹ, iaʹ nai cen Allah.”

YAYA 11:39

Penco dau Yesus: “Mesau ne batu kep liang ini.” Un dau Marta iaʹ cenganak neng laki iaʹ matai ina mipa: “Tuhan, jaʹat baʹoʹ ina ʹo. Pat tau ne lepa meʹ nanem ia.”

PEMUYAN 2:26

Ina ukoʹ saheʹ tekaʹ tawai heʹ, ngan bangen dau isiu heʹ. Naʹ pe akeʹ un tepatung usa ini, ina denaʹ tekaʹ keʹ neng tebelum keʹ lete.

PEMUYAN 2:28

Lepa hoʹ badaʹ janan udip makeʹ. Ikoʹ iaʹ un ngan nceʹ, idi heʹ tai bangen tekaʹ kuʹun ncoʹ.’ Pekina dau Daut badaʹ neng puyan Yesus.”

PEMUYAN 2:31

Daut iaʹ tisen neng puyan iaʹ Allah ke uyan ʹo: Daut iaʹ ading badaʹ neg puyan Laki iaʹ ngkang pungu udip kenai numpak mudip laʹa. Un dau ue: ‘Abeʹ Allah dayo ia peterai dalem tanaʹ diaʹ matai. Abeʹ usa ha ketai madam.’

PEMUYAN 3:14

Yesus iaʹ atek buheʹ ngan teneng, un sepuʹo ikem nyekang nge. Kun ncem nyat lesau neng Pilatus, apan kelunan iaʹ ban lematai nai pesau.

PEMUYAN 4:27

Moʹ iaʹ lan ne Tuhan, kedalem lepoʹ ini, Herudis, ngan Puntius Pilatus, pemung ngan lepoʹ Israil, ngan lepoʹ diaʹ ca, lepa kelimpun nai nyudup Yesus, ulaʹ koʹ iaʹ buheʹ, iaʹ ikoʹ atek uyan Laki iaʹ ngkang pungu udip.

1 KURINTUS 15:52

Un sepuʹo mung le pe pekaliu ʹo dalau ceng kecet, dalau kiep mata, tegoʹ dau tuyau iaʹ ke ngebayaʹ lan. Moʹ tegoʹ tekepip ina ke nuyau, mung kelunan matai ke numpak mudip neng puyan iaʹ abeʹ un tisen ketai jaʹat, ngan ilu mung ke pekaliu le ʹo.

1 KURINTUS 15:55

“E patai, kempi puyan ncoʹ un usun? E patai, kempi ne tahat coʹ laʹa?”

1 YAYA 2:20

Tengen pe ikem uban lepa ne Keristus mubeʹ Berua Buheʹ neng ikem pa hem mung un penisen neng katuk iaʹ telit.

PUYAN LUHA’ 1:18

Akeʹ iaʹ mudip. Lepa ne akeʹ matai, belekaʹ akeʹ pe mudip pa majan ʹo. Akeʹ iaʹ un penyukat neng patai, pekina pe neng tanaʹ diaʹ matai.

PUYAN LUHA’ 20:13

Uʹo ina mung kelunan diaʹ lepa matai kaʹ banget nai kawang, pekina pe diaʹ lepa matai kusun tanaʹ ini kenai kawang cen ukoʹ pahung berua, iaʹ kukoʹ de peput are. Mung nte dina sihoʹ pebetep ukum bayaʹ ban pemuyan iaʹ ida lepa ban uyan.

PUYAN LUHA’ 3:7

Un dau Yesus pelaʹa: “Nyurat ne me iaʹ tuʹa Mpun iaʹ kaʹ lepoʹ Piladipia: “Ini dau tiraʹ cen Laki iaʹ buheʹ ngan telit, iaʹ mampin kusi anun Daut cen naʹaʹ. Inu ia ke mesik, abeʹ un aheʹ iaʹ senteng mekep pe. Inu ia ke mekep, abeʹ un aheʹ iaʹ senteng ke mesik ke.