PEMUYAN 2:24 - Kenyah New Testament

²⁴ Kun Allah pudip Yesus cen patai ie. Allah iaʹ sau ia cen tuyen patai, moʹ naʹ pe ke kumpin kumpin, abeʹ e ketai supeʹ kuʹun patai.

PEMUYAN 2:24 Iomraidhean Croise

MATIUS 27:63

Un dau re neng ia: “Ahaʹ amai, ameʹ petawai ban dalau laki iaʹ pelingu dulu idai un mudip are, un dau ue: ‘Lepa telu tau akeʹ kenai ngeliwet mudip laʹa.’

YAYA 10:18

Abeʹ un aheʹ iaʹ ke magang pengudip keʹ cen akeʹ, uban nceʹ mencai ie man tekaʹ pengubaʹ kimet ceʹ tengen. Un pe penyukat ceʹ ke naʹ a, ngan un pe penyukat ceʹ ke alaʹ a ngeliwet laʹa. Pekini ne puyan Amai heʹ cuk akeʹ uyan.”

YAYA 10:35

Ilu tisen ne dau dalem Kitap iaʹ telit lan pa majan, ngan kelunan diaʹ alaʹ Katuk Adet te cen naʹa, Tuhan Allah pisiu ida kelunan diaʹ seleket Allah.

YAYA 12:39

Ini ne puʹun nte abeʹ un senteng ke ngelan, uban Yesaya pe pisiu lete:

YAYA 20:9

Un sepuʹo petem lepe ida dua abeʹ un tisen sen dalem Kitap iaʹ kuma ha: “Atek ke kenai beteʹ cen patai ʹo.”

PEMUYAN 1:16

“Ahaʹ cenganak keʹ mung, un dau isiu dalem Kitap Tuhan iaʹ sihoʹ neng puyan Yudas, iaʹ nai ngkin dulu dakep Yesus are, koʹ baʹan dau isiu Berua Buheʹ iaʹ nekena badaʹ neng puyan Yudas ne cen paʹ Daut cen naʹa are. Ina ukoʹ abeʹ e are senteng ketai palup dau Kitap Tuhan ini.

PEMUYAN 13:30

Un sepuʹo Allah pudip ia cen patai ie.

PEMUYAN 13:37

Un sepuʹo Laki iaʹ Allah pudip cen patai ina, abeʹ e ke tai madam.”

PEMUYAN 17:31

Moʹ lepa ne Allah petuket ca tau kukoʹ o ke pebetep ukum bayaʹ ban peneneng nge neng mung kelunan kusun tanaʹ ini. Allah ke kanan ca kelunan iaʹ lepa ia lemileʹ. Allah peluhaʹ milu mung ban lan ne lepa lemileʹ ia, moʹ o pudip ia cen ban patai ie are.”

PEMUYAN 2:32

Atek Yesus ina lete iaʹ ban Allah lepa pudip neng ca udip iaʹ tumpak laʹa. Neng puyan ne, mung meʹ dini diaʹ badaʹ tugen kidi.

PEMUYAN 3:15

Pekina puyan ncem lematai Yesus iaʹ atek puʹun udip. Un sepuʹo ban Allah iaʹ pudip ia cen patai. Neng puyan ne ina, ameʹ dini ne diaʹ badaʹ tugen kidi.

PEMUYAN 3:26

Pekina ban Allah pudip anak ke Yesus ina neng ca udip iaʹ tumpak, ngan cuk ia nai palaʹ ikem ading, apan ne ke naʹ peniga mikem, iaʹ ukoʹ kem mung ke nyepuleʹ kimet cen pemuyan jaʹat cem.”

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

PEMUYAN 5:30

Un Allah iaʹ anun tepun le, lepa pudip Yesus cen patai uʹo hem lepa ngediding lematai ia neng kayu tecek are.

RUM 10:9

Moʹ buk man isiu hoʹ, ikoʹ teto ke ngahaʹ Yesus ina iaʹ Tuʹa hoʹ, ngan ngelan dalem penawai hoʹ ban Allah iaʹ pudip Yesus cen patai ie, atek koʹ ke un udip iaʹ ke pudip ikoʹ dalem Tuhan.

RUM 14:9

Moʹ ini tuman Keristus matai ngan nai numpak mudip pelaʹa, apan ne tai Tuʹa me mung diaʹ mudip, ngan me mung diaʹ matai.

RUM 4:24

Un te dalem surat te milu lete, ban Allah ke naʹ ilu teneng moʹ kuʹun pengelan le neng ia, ngan Allah lete iaʹ ban pudip Tuhan le Yesus cen patai ie.

RUM 6:4

Moʹ kuʹun puyan batis ina, lepa ne ilu pemung tanem ngan ne, moʹ patai ie ina, patai le lete. Idi le tai pekuaʹ koʹ baʹan Keristus iaʹ ban numpak mudip cen patai ie kuʹun penyukat paren Amai Bioʹ. Pekina pe ilu naʹkini, sukat lete kanan ca udip iaʹ mading.

RUM 8:11

Buk Berua Allah iaʹ ban pudip Yesus cen patai ie un mudip dalem usa hem, ia iaʹ pudip Keristus ne, ia te iaʹ ke pudip usa hem iaʹ laho ke salai ini. Puyan ina Allah uyan man Berua ha iaʹ mudip dalem ikem.

RUM 8:34

abeʹ un aheʹ iaʹ senteng mekem salaʹ neng ida laʹa. Keristus Yesus iaʹ lepa matai idai, ngan Allah pudip ia laʹa: un te ia tahaʹ taʹu Allah, ngan ia iaʹ lemameʹ neng Allah me ilu naʹkini.

1 KURINTUS 15:12

Lan ne ilu pedenga puyan Keristus numpak mudip cen patai. Moʹ inu palai mikem kuma ha abeʹ un puyan diaʹ lepa matai ke numpak mudip laʹa?

1 KURINTUS 15:15

Tekinco cen ina pelaʹa, luhaʹ ban meʹ lemalo badaʹ tugen neng Allah moʹ meʹ kuma ia beteʹ Keristus cen patai. Di lareʹ abeʹ e beteʹ ia buk lan dau iaʹ kuma kelunan diaʹ lepa matai abeʹ un numpak mudip laʹa.

1 KURINTUS 15:20

Di lareʹ lan lete Keristus lepa beteʹ cen patai, nuyan kedatung neng tuket Allah iaʹ ke beteʹ mung kelunan iaʹ luntoʹ dalem patai.

1 KURINTUS 15:4

Dulu masek ia dalem liang, sulo neng iaʹ ketelu tau ue kenai ie numpak mudip laʹa bayaʹ dau Kitap.

1 KURINTUS 6:14

Allah lepa beteʹ Tuhan cen patai, ngan ia lete iaʹ ke beteʹ ilu man puyan nyingan ne ina lete ʹo.

2 KURINTUS 4:14

Allah iaʹ lepa meteʹ Tuhan Yesus cen patai. Ameʹ tisen ban Allah ina lete iaʹ ke meteʹ ameʹ ketai pemung ngan Yesus, sulo ngkin ameʹ pemung ngan ncem ngejuma ladung nge.

GALATIA 1:1

Cen Paulus iaʹ lepa sihoʹ pengin tai nuyan lawa Injil, abeʹ e kuʹun kelunan, ngan abeʹ e bayaʹ dau pengecuk kelunan, di lareʹ kuʹun Yesus Keristus, ngan Allah iaʹ Amai Bioʹ iaʹ lepa beteʹ Yesus cen ahang kelunan matai.

IPESUS 1:20

Moʹ un penyukat Allah iaʹ un dalem ilu ne, pekuaʹ te ngan pengali penyukat iaʹ Allah kanan tegoʹ o pudip Yesus cen patai are, ngan padung ia tahaʹ taʹu ue kaʹ surga.

KULUSE 2:12

Ban ne midan ncem lepa sihoʹ batis, dalau ina lete ikem tai tanem pemung ngan Keristus. Ngan kaʹ dalem batis ina pe ikem nai beteʹ pemung ngan Keristus, ban tuman pengelan ncem iaʹ pedapit ikem palaʹ penyukat Allah iaʹ pebeteʹ Keristus cen patai ie.

1 TESALUNIKA 1:10

Un dau re pisiu kumpin puyan ncem mengaʹ kenai Anak ke cen surga, iaʹ ina Yesus, iaʹ ia lepa beteʹ cen patai. Ia iaʹ ngelidung ilu cen kenca Allah iaʹ ke nai ʹo.

IBERANI 13:20

Tuhan le Yesus iaʹ Pengebioʹ diaʹ Manan Dumba, moʹ kuʹun puyan patai ie. Man puyan ina ia lepa ngelisan penyalet tuket iaʹ un pa majan. Allah iaʹ meteʹ ia cen patai ie.

IBERANI 2:14

Kelunan iaʹ ia pisiu anak are, ida lete kelunan kuaʹ sin ngan dahaʹ. Tuman ina Yesus tengen nai nuyan kelunan kuaʹ layen ida lete. Un ban puyan ne pekina apan ne senteng nasaʹ Bali Jaʹat man puyan patai ie, moʹ Bali Jaʹat ina iaʹ ngkang penyukat neng patai.

1 PETERUS 1:21

Moʹ ban kuʹun Keristus, ikem ngelan neng Allah iaʹ ban pudip ia cen patai, ngan naʹ serema peniga mia. Ina ukoʹ pengelan ncem ngan tebelum ngkem tai dapit palaʹ Allah.

PUYAN LUHA’ 1:18

Akeʹ iaʹ mudip. Lepa ne akeʹ matai, belekaʹ akeʹ pe mudip pa majan ʹo. Akeʹ iaʹ un penyukat neng patai, pekina pe neng tanaʹ diaʹ matai.