PEMUYAN 2:23 - Kenyah New Testament

²³ Ban Yesus lete, Allah ban naʹ palaʹ ikem bayaʹ pengubaʹ kimet te, ngan penisen ne tengen. Lepa ne ikem lematai ia, moʹ ikem iaʹ cuk dulu diaʹ pepuk kuʹun penyalaʹ napek ia neng kayu tecek.

PEMUYAN 2:23 Iomraidhean Croise

MATIUS 20:19

Sulo re naʹ ia me lepoʹ dulu diaʹ ca. Kelunan dina ke ngetepet ia, ngan lemeta ia, ngan lematai ia neng usun kayu tecek. Un sepuʹo neng iaʹ ketelu tau ʹo ina, Tuhan Allah ke pebeteʹ ia ngan pudip ia.”

MATIUS 26:24

Anak Sio ini ke matai bayaʹ ban dau Kitap, un sepuʹo siʹau pe kelunan iaʹ ke mencai Anak Sio ini ʹo. Pulang tiga kelunan ina abeʹ un nai pempet cen kena are.”

MATIUS 27:35

Lepa sedadu dina napek Yesus neng kayu tecek, kun nte pelubit undi neng ahang ida, apan nte tisen aheʹ iaʹ ke alaʹ naʹan naʹan gelam me.

MARKUS 15:24

Sulo re napek nyalet Yesus neng kayu tecek. Ngan laʹa ida nenung petulat gelam me. Kun nte nenung pelubit undi, apan nte tisen aheʹ iaʹ ke alaʹ naʹan naʹan gelam me ina.

LUKAS 22:22

Moʹ akeʹ iaʹ Anak Sio ini ke matai bayaʹ tengangan tuket ceʹ kuʹun Allah. Un sepuʹo, siʹau pe laki iaʹ tai nyelem pebeli akeʹ ne.”

LUKAS 22:37

Lan dau heʹ mikem, atek ketai lete palup tiraʹ Kitap iaʹ pekini dau: ‘Ida ke naʹ ia pemung ngan kelunan diaʹ pepuk kuʹun penyalaʹ.’ Moʹ mung inu iaʹ pegawa Tuhan lepa nyurat neng puyan cen naʹaʹ, ketai ie nuyan lete ini.”

LUKAS 23:33

Lepa re abeʹ kukoʹ iaʹ ngadan ne Tekahing, kina re napek Yesus neng kayu tecek, serengan ngan dua usa diaʹ ban pepuk kuʹun penyalaʹ didai, ca usa tahaʹ taʹu ia, ngan ca usa tahaʹ kabing ia.

LUKAS 24:20

Un sepuʹo, un ban diaʹ detaʹu lataʹ ngan diaʹ pengencam lepoʹ ilu cuk dulu dakep ia, ngan lematai ia neng kayu tecek.

YAYA 19:18

Kaʹ ina re napek ia neng kayu tecek. Un pe dua usa laki ida napek neng kayu tecek pipa ia, ngan Yesus tegoʹ beluaʹ ida dua.

YAYA 19:24

Dau sedadu dina pisiu neng ida selepeʹ: “Ayen ne ilu lemerit te. Tiga le ti tenung. Naʹat mele aheʹ iaʹ ke un ne.” Puyan ini nuyan apan kenai nuyan dau isiu Kitap iaʹ kuma ha: “Ida petulat gelam ngkeʹ neng ahang ida tengen, Ngan ida nenung neng sapai heʹ ne.” Pekina ne puyan sedadu dina ti.

PEMUYAN 13:27

Un dulu diaʹ mudip kaʹ Yerusalim peging ngan diaʹ tuʹa re, abeʹ de tisen Yesus iaʹ Keniga Udip Kelunan, ngan abeʹ de tiesn sen tiraʹ dalem surat pegawa Tuhan iaʹ ida malai baca singket Tau Kelineʹ ne. Kenuen pia pekina, ida palup lete tiraʹ pegawa cen ban pemuyan nte ngukum Yesus ne.

PEMUYAN 15:18

Pekina dau Tuhan ban badaʹ puyan ina cen naʹaʹ are.’ ”

PEMUYAN 2:36

Un dau Peterus metuk isiu ue: “Ban atek Yesus lete ini, iaʹ ikem lepa napek neng kayu tecek are. Yesus lete iaʹ Allah lepa uyan Tuhan, Laki iaʹ ngkang pungu udip. Awaʹ ne mung diaʹ lepoʹ Israil ke tisen lan.”

PEMUYAN 3:18

Uban cen naʹaʹ Allah badaʹ isiu ue man mung pegawa ha, kumpin seʹ puyan kenai Laki iaʹ ngkang pungu udip, iaʹ Allah naʹ milu, iaʹ atek ke ke sihoʹ tuyen lete ʹo. Pekina lete ban tai ie palup.

PEMUYAN 4:28

Ina ukoʹ de kelimpun pekina Tuhan, moʹ de bayaʹ iaʹ ikoʹ nekena nyalet dalem penawai hoʹ, iaʹ ban nuyan kuʹun penyukat ngan pengubaʹ koʹ are.

PEMUYAN 5:28

kuma: “Lepa ne ameʹ mulen ikem pekatuk man ngadan Yesus ina, adeʹ kem pelibut katuk kem pelaʹa pa tipo lepoʹ Yerusalim ne. Seʹ kem ubaʹ ke ngkin dahaʹ kelunan ina nyalit neng ameʹ.”

PEMUYAN 5:30

Un Allah iaʹ anun tepun le, lepa pudip Yesus cen patai uʹo hem lepa ngediding lematai ia neng kayu tecek are.

PEMUYAN 7:52

Pegawa iaʹ mpi iaʹ are sihoʹ tuyen kuʹu tepun ncem tupe? Tepun ncem lete iaʹ lematei diaʹ lawa Allah iaʹ nekena badaʹ neng puyan kenai Ulaʹ a iaʹ teneng ina. Naʹkini lepa ne ikem muau neng Laki ina, ngan lematai ia.

RUM 2:12

Dulu tahaʹ awang lepoʹ Yahudi, abeʹ de un Katuk Adet Musa. Buk de uyan penyalaʹ, durat ne berua re tahaʹ awang neng Katuk Adet Musa. Lepoʹ Yahudi diaʹ mampin Katuk Adet Musa, buk de uyan penyalaʹ, Katuk Adet Musa iaʹ ke pebetep dau mida.

RUM 4:17

Pekina ban sen dau Kitap iaʹ kuma ha: “Akeʹ uyan ikoʹ amai neng kadoʹ naʹan lepoʹ.” Ngan puyan pekina, tai palup ne dau tuket Allah iaʹ ke ngahum mung naʹan lepoʹ, mele aheʹ iaʹ ngelan koʹ baʹan Ibrahim are. Moʹ ia tisen Allah iaʹ pudip diaʹ matai, ngan cuk inu iaʹ abeʹ un kenai un.

1 TESALUNIKA 2:15

Lepoʹ ina lete iaʹ lematai Tuhan Yesus peging ngan diaʹ pegawa Tuhan. Ngan pekina pe ida lepa petuyen ameʹ pe. Seʹ de nyakit kimet Allah. Seʹ de buseʹ neng mung kelunan pe.

1 PETERUS 1:2

Ban Allah iaʹ Amai Bioʹ tengangan ne lemileʹ ikem bayaʹ ban kimet te, idi hem tai nuyan kelunan buheʹ kuʹun Berua ha, apan ncem tudep bayaʹ dau Yesus Keristus, ngan tai buheʹ kuʹun dahaʹ a. Awaʹ pe pengelesau ue ngan udip iaʹ tadan kenai un pit un pit palaʹ ikem.

1 PETERUS 1:20

Allah lepa petuman Keristus kena usun tanaʹ ini ke nuyan, ngan naʹkini tegoʹ ke bayaʹ udip, Allah ban peluhaʹ ia moʹ kuʹun ncem.

1 PETERUS 2:8

Un pe dau Kitap Tuhan pelaʹa: “Batu ini nuyan ca batu petatek, ca batu iaʹ ke pelaboʹ dulu.” Petatek te ida moʹ de muau neng tiraʹ ina. Pekina seʹ kimet Allah ngutung ida.

YAHUDA 1:4

Un palai kelunan diaʹ muau, diaʹ ban nyelem nai ngedalau ilu. Ida diaʹ pekaliu katuk pengelesau Allah apan nte un ukan neng pemuyan selabu re, penco re nyekang Yesus Keristus. Ia tengen iaʹ Paren le ngan Tuʹa le. Cen naʹaʹ ne Kitap Allah lepa badaʹ ukum iaʹ ke nantaʹ kelunan dina ʹo.

PUYAN LUHA’ 13:8

Mung kelunan kusun tanaʹ ini ke lemameʹ palaʹ ia. Ina ne mung kelunan diaʹ abeʹ ban un ngadan nte dalem surat udip Anak Dumba iaʹ lepa sihoʹ tebek are, surat iaʹ ban un cen kena usun tanaʹ ini ke nuyan.