PEMUYAN 2:22 - Kenyah New Testament

²² Sulo dau Peterus laʹa: “Ahaʹ mung cenganak keʹ lepoʹ Israil, kudaʹ pe ikem ngeringa dau isiu heʹ ini. Un ban Yesus, lepoʹ Nasarit idai, ca laki iaʹ Allah atek ban naʹ mikem. Un iaʹ peluhaʹ Yesus, ina puyan penyukat bioʹ, ngan puyan nyingan, ngan tedanaʹ bulen, iaʹ Allah lepa ban uyan kuʹun Yesus ina. Ikem tengen iaʹ tisen kidi, moʹ mung puyan ina lepa luhaʹ neng ahang ikem.

PEMUYAN 2:22 Iomraidhean Croise

MATIUS 12:28

Un sepuʹo Berua Allah iaʹ naʹ nyingan man nceʹ pekarap bali, puyan ini iaʹ badaʹ ban puyan pengaren Allah lepa un neng ahang ikem.

MATIUS 2:23

ngan uyan amin ne kaʹ ca lepoʹ ngadan ne Nasarit. Yusup uyan puyan ina apan ne pekuaʹ ngan dau isiu diaʹ pegawa cen naʹaʹ kuma ha: “Dulu ke pisiu ia kelunan Nasarit.”

MATIUS 9:8

Tegoʹ dulu diaʹ ca taʹan seʹ puyan ina, takut ne tekaʹ de, mentung nte pempau Allah iaʹ lepa mencai puyan nyingan iaʹ pekina bioʹ palaʹ ilu kelunan.

LUKAS 11:20

Di lareʹ iaʹ lan ne, man penyukat Tuhan Allah heʹ pet bali, ina iaʹ ke peluhaʹ ban puyan pengaren Alah nai palaʹ ikem.

LUKAS 18:37

Un dau dulu mipa ia: “Moʹ Yesus lepoʹ Nasarit kenai lapa kini.”

LUKAS 24:18

Un dau ca usa mida dua iaʹ ngadan ne Kelupas, kun dau ue: “Masaʹ bang ikoʹ tengen le kaʹ Yerusalim iaʹ turan dau neng puyan iaʹ lepa nuyan kina laho ini are?”

YAYA 1:45

Pelapa Pilipus petegoʹ ngan Natanil, kun ne badaʹ mia: “Un meʹ tegoʹ Laki iaʹ Musa badaʹ milu dalem Kitap Katuk Adet are. Un diaʹ pegawa nyurat neng ia lete. Ia ne Yesus anak Yusup lepoʹ Nasarit.”

YAYA 10:37

Buk lan nceʹ abeʹ un penco gayeng Amai heʹ, ayen ne ngelan akeʹ.

YAYA 11:47

Ina ukoʹ diaʹ Perisi ngan diaʹ detaʹu lataʹ dina tai petiraʹ ngan Mpun diaʹ Pengelataʹ Lepoʹ ina, ngan kuma ha: “Inu ne iaʹ ilu ke ti, uban kadoʹ diseʹ puyan nyingan kuʹun laki ini?

YAYA 12:17

Kelunan kadoʹ diaʹ lepa ngan Yesus tegoʹ o pisiu mengin Lasarus nai kawang cen liang ngan meteʹ ia cen patai ie, ida ne iaʹ pedenga puyan ina me dulu.

YAYA 15:24

Buk keʹ abeʹ un nai uyan puyan nyingan kahang ida, ukoʹ baʹan abeʹ un aheʹ iaʹ lepa uyan cen kena re, abeʹ un penyalaʹ de dengkep neng ida. Iaʹ lan ne naʹkini, lepa ne ida taʹan pemuyan nceʹ, ngan ida miʹi neng ameʹ dua Amai heʹ mung.

YAYA 19:19

Kun Pilatus nyurat ca surat, pedetem me neng kayu tecek ina. Un dau dalem surat ina: “Yesus lepoʹ Nasarit, paren bioʹ kelunan Yahudi.”

YAYA 3:2

Ca alem me Nikudimus tai palaʹ Yesus ngan kuma ha: “Guru, ameʹ tisen ikoʹ ca guru iaʹ nai kuʹun Allah. Abeʹ un aheʹ senteng ti puyan nyingan ukoʹ baʹan ncoʹ ti ne, buk Allah abeʹ un ngan ne.”

YAYA 4:48

Un dau Yesus neng ia: “Pabeʹ ca usa mikem pe abeʹ un ngelan buk kem abeʹ un taʹan puyan nyingan ngan iaʹ salam diseʹ.”

YAYA 5:36

Un sepuʹo akeʹ un ca naʹan puyan iaʹ badaʹ tugen neng akeʹ, bioʹ cen uʹo tugen iaʹ Yaya badaʹ neng akeʹ. Pemuyan iaʹ akeʹ uyan, ina pemuyan iaʹ Amai heʹ cuk akeʹ uyan. Pemuyan dina iaʹ badaʹ tugen neng akeʹ, ngan peluhaʹ uban Amai Bioʹ iaʹ cuk akeʹ nai.

YAYA 6:14

Dalau kelunan dina taʹan diseʹ puyan nyingan iaʹ Yesus lepa ti, un dau re: “Masaʹ lan ini pegawa bioʹ iaʹ tekep nai kusun tanaʹ ne.”

YAYA 6:27

Ayen bang pegayeng mita penguman iaʹ luhaʹ jaʹat, un sepuʹo pegayeng ne mita penguman iaʹ majan neng udip saheʹ kelineʹ iaʹ ngeriman. Peguman ini atek Anak Sio ke naʹ mikem, uban Allah, Amai Bioʹ iaʹ lepa nedanaʹ ia iaʹ tekep ke man puyan ini.”

YAYA 7:31

Un sepuʹo kadoʹ dulu diaʹ pepeng kina ke ngelan neng Yesus, ngan ida kuma ha: “Tegoʹ Laki iaʹ ngkang pungu udip nai ʹo, un ne ti puyan nyingan iaʹ lapa cen puyan nyingan iaʹ laki ini lepa ti ne taʹin?”

YAYA 9:33

Buk laki ini abeʹ un nai cen Allah, abeʹ e senteng ke ti ca inu puyan.”

PEMUYAN 13:16

Kenai Paulus beteʹ, mentung nge pekata man ujoʹ o, un dau ue: “Ahaʹ mung ngkem cenganak keʹ lepoʹ Israil, ngan mung ngkem diaʹ tunuk neng Allah, ngeringa ne.

PEMUYAN 14:27

Lepa re abeʹ kaʹ lepoʹ Antiukia ina, kun nte pempun dulu diaʹ ngelan Tuhan kina. Penco re badaʹ mung ban pemuyan Allah kanan ida dua, ngan badaʹ ban kumpin diseʹ Allah mawang janan me dulu diaʹ tahaʹ awang Yahudi, apan nte nai ngelan Tuhan.

PEMUYAN 2:19

Akeʹ ke uyan puyan nyingan neng usun langit, ngan tedanaʹ bulen kusun tanaʹ. Un pe musa dahaʹ, un pe luten, un pe tasap sap.

PEMUYAN 2:43

Kadoʹ puyan nyingan ngan tedanaʹ bulen diaʹ ban nuyan kuʹun lawa Injil dina, ina iaʹ uyan dulu kina mung tai salam tekaʹ.

PEMUYAN 21:28

mentung nte lemikaʹ kuma ha: “E mung lepoʹ Israil, baka, mepo meʹ ading. Ini ie iaʹ pekatuk mung dulu kempi kempi, iaʹ pejaʹat lepoʹ Israil ini peging ngan Katuk Adet Musa, pekina pe Umaʹ Palan Allah ini. Un naʹkni, un pe ia ngkin palai lepoʹ Gerika kedalem Umaʹ Palan ini, nai ngederam kukoʹ iaʹ buheʹ ini.”

PEMUYAN 22:8

Un dau heʹ mipa: ‘Aheʹ koʹ tupe, Tuhan?’ Un dau ue neng akeʹ: ‘Akeʹ Yesus lepoʹ Nasarit iaʹ ikoʹ nyakit ini.’

PEMUYAN 24:5

Tisen meʹ laki ini jaʹat, ia ca laki iaʹ ngasing udip lepoʹ Yahudi kempi kempi re un neng usun tanaʹ ini. Ia ne ca tuʹa de dalem adet Nasarani, pebutun adet Yahudi.

PEMUYAN 26:26

Ahaʹ Laja Ageripa, tuman nceʹ tempa pisiu ngan ncoʹ, moʹ malai ne ikoʹ neng mung puyan diaʹ pekina. Atek tisen lete ikoʹ kidi. Moʹ abeʹ puyan ina ca puyan iaʹ suhuk koʹ baʹan inu iaʹ suhuk neng ca tikung are.

PEMUYAN 26:9

“Lan ne cen naʹaʹ akeʹ pekimet tekep tekaʹ keʹ naten ke pebunoʹ ngan dulu diaʹ ngelan neng ngadan Yesus lepoʹ Nasarit ina.

PEMUYAN 3:12

Dalau Peterus taʹan seʹ mpun dulu kina, penco ho pisiu ida: Un dau ue: “Ahaʹ cenganak keʹ lepoʹ Israil, inu iaʹ ukoʹ kem tai salam neng seʹ puyan laki ini tupe? Ngan inu adeʹ kem nekeneng naʹat ameʹ tupe? Ayen kuma ban penyukat meʹ ngan pengebuheʹ adet meʹ iaʹ ban cuk laki ini senteng masat.

PEMUYAN 3:6

Un dau Peterus: “Abeʹ un ligit neng akeʹ. Un sepuʹo inu iaʹ un neng akeʹ, idi te iaʹ akeʹ kenaʹ mikoʹ ini: kuʹun ngadan Yesus Keristus kelunan Nasarit ina, masat ne ikoʹ.”

PEMUYAN 4:10

tiga hem mung tisen kidi. Tekep ketoʹ lepoʹ Israil tai tisen, ban laki iaʹ nai nekejeng kata ikem ini, lepa maget lan ne ia kuʹun penyukat dalem Yesus Keristus, lepoʹ Nasarit, iaʹ ikem ban lematai neng kayu tecek idai, ngan Allah iaʹ ban pudip ia cen patai ie.

PEMUYAN 5:35

Penco dau ue neng Mpun diaʹ Lataʹ kina: “Ahaʹ lepoʹ Israil, pekimet tiga tiga le ikem kena hem ti ca inu neng ida dini.

PEMUYAN 6:14

Moʹ lepa ne ameʹ kenahan dau Stipanus kuma ban Yesus lepoʹ Nasarit ina, ia ke pemapeʹ Umaʹ Palan ini, ngan ke nyaliu adet iaʹ Musa lepa naʹ palaʹ ilu.”

2 KURINTUS 12:12

Puyan iaʹ badaʹ ban akeʹ ca lawa Injil lepa luhaʹ neng ahang ikem, peging ngan puyan denaʹ tawai pe. Lepa un puyan tedanaʹ, un pe puyan bulen, un pe puyan nyingan.

IBERANI 2:4

Serengan ina lete Allah naʹ puyan tugen ne kidi, ngepit puyan tugen kelunan idai are, moʹ Allah iaʹ uyan tedanaʹ nyingan, ngan puyan bulen, ngan kadoʹ naʹan puyan nyingan diaʹ ca lete. Ngan laʹa, Allah lete iaʹ pesingket pencai Berua Buheʹ ina milu bayaʹ ban pengubaʹ kimet te.