PEMUYAN 2:17 - Kenyah New Testament

¹⁷ ‘Un dau Allah: Pekini puyan nceʹ ʹo, tegoʹ ketai kebayaʹ udip. Akeʹ ke mubeʹ Berua heʹ neng usun mung kelunan, diaʹ anak laki hem, ngan diaʹ anak leto hem. Ida iaʹ ke badaʹ kimet Allah. Un diaʹ demanai hem, ida ke taʹan kudaʹ naʹan penaʹat, Un diaʹ lataʹ kem, ida ke ngenupi naʹan naʹan kenupi.

PEMUYAN 2:17 Iomraidhean Croise

LUKAS 3:6

Buk pekina, mung kelunan ke taʹan ban puyan Allah keniga udip kelunan.’ ”

YAYA 17:2

Ikoʹ iaʹ lepa naʹ penyukat me ia neng usun kelunan mung, apan ne sukat naʹ udip saheʹ kelineʹ iaʹ ngeriman me ketoʹ diaʹ ikoʹ naʹ mia.

YAYA 7:39

Yesus pisiu ini neng puyan Berua Tuhan, uban aheʹ kelunan diaʹ ngelan neng ia, ida iaʹ ke alaʹ Berua ini ʹo. Tegoʹ Yesus pisiu ini, abeʹ Tuhan naʹ Berua ini lepe, uban abeʹ lepe Yesus luhaʹ ngan serema peniga ha.

PEMUYAN 10:45

Un lepoʹ Yahudi diaʹ ngelan Tuhan, diaʹ ban nai tugung Peterus cen Yupe are, tai paʹan ne ida, moʹ Allah mubeʹ Berua Buheʹ ina, ca pengencai ie me diaʹ tahaʹ awang Yahudi.

PEMUYAN 11:27

Dalau ina un palai pegawa Tuhan nai cen Yerusalim puno kaʹ Antiukia.

PEMUYAN 11:28

Nai kun ca usa pegawa dina beteʹ, ngadan ne Agabus, iaʹ ban un penyukat Berua Tuhan neng ia. Ia badaʹ kenai ca penaru lien bioʹ pa tipo usun tanaʹ ini. (Uʹo ina dalau udip Laja Keludius, kenai lien ina palup ʹo.)

PEMUYAN 2:16

Bang ini le dau tiraʹ pegawa Yuil iaʹ lepa ia badaʹ are:

PEMUYAN 2:18

Ngan akeʹ ke mubeʹ Berua heʹ neng usun diaʹ ulaʹ keʹ, inu pia laki ngan leto pe. Dalau ina ida ke badaʹ kimet ceʹ.

PEMUYAN 2:33

Lepa ne Yesus tai pejung kaʹ ukoʹ tahaʹ taʹu Allah, sulo Allah naʹ Berua Buheʹ mia, koʹ baʹan dau Amai ie lepa ban petuket mia are. Ngan puyan ini iaʹ ikem taʹan ngan kenahan naʹkini, ini pengencai ie, iaʹ ia mubeʹ neng ameʹ.

PEMUYAN 21:9

Un anak ke, pat de dekiʹit leto iaʹ mencam badaʹ seluhan isiu cen Allah.

RUM 5:5

Abeʹ tebelum ina ke pebahoʹ ilu, moʹ Allah ban lebang meseʹ pengemalaʹ a kedalem penawai le, kanan Berua Buheʹ iaʹ pengencai Allah milu.

1 KURINTUS 12:10

Berua Tuhan ina iaʹ naʹ penyukat uyan puyan nyingan me ca usa, ngan neng diaʹ ca un pencai man ne pisiu seluhan isiu Allah, ngan neng diaʹ ca laʹa un penyukat man ne senteng nugen iaʹ tekajaʹ puyan pencai iaʹ nai cen Berua Tuhan ngan pencai iaʹ nai cen bali. Neng ca usa laʹa ia naʹ penyukat man ne ke pisiu isiu bulen. Pekina pe neng diaʹ ca ia naʹ penyukat man ne ke petisen ilu neng sen isiu bulen are.

1 KURINTUS 12:28

Pekina lete puyan le dalem Mpun, moʹ Tuhan Allah iaʹ pempun ilu neng ca tuaʹ le, ading nge diaʹ lawa Injil, kedua ha diaʹ pegawa Allah, iaʹ ketelu ue diaʹ guru Injil, uʹo ina diaʹ uyan puyan nyingan, uʹo ina pelaʹa diaʹ un penyukat ke paget kelunan, ngan mepo kelunan, ngan diaʹ senteng peteneng gayeng, ngan diaʹ pisiu isiu bulen.

IBERANI 1:2

Un sepuʹo ngajan ini, dalau ketai kuʹo udip ini, Allah lepa pisiu me ilu man Anak ke. Ia lete iaʹ Allah lepa kanan man uyan mung langit ngan tanaʹ ini. Ia lete iaʹ Allah lemileʹ apan ne ke un mung inu tegoʹ ketai kuʹo udip ini ʹo.

YAKUP 5:3

Mas ngan pirak kem lepa meting, ngan ting nge ina ke nuyan ca tugen iaʹ ke badaʹ penyalaʹ kem, ngan uman sin usa hem koʹ baʹan luten nte. Neng tau diaʹ kebayaʹ ini, ikem pempun pengekayaʹ kem.

2 PETERUS 3:3

Iaʹ ading ikem ke petawai moʹ dalau ketai kebayaʹ udip ini ʹo, kenai luhaʹ kudaʹ usa diaʹ panyi-anyi, diaʹ bayaʹ asam pengubaʹ usa re tengen. Ida ke ngelunyeʹ kem ʹo.